Mari(dos)

Mari(dos)
Títol	Mari(dos)
Ficha tecnica
Dirección	Lucía Alemany
Aduyant de dirección	David Altamirano Natalia Braceli Eduardo Huete Manel Martínez Albert Roig
Producción	Ghislain Barrois Álvaro Augustín Eneko Lizarraga Francisco Sánchez Ortiz
Disenyo de producción	Idoia Esteban
Guión orichinal	Pablo Alén Breixo Corral
Musica	Vanessa Garde
Soniu	Sergio Corral Javier González Cruz David Jareño Laura León Rebeca Lindenfeld Damián López Asla Alejandro López Marta Monistrol Yasmina Praderas Irene Rausell Juan Rubio Morales Laura Tomás Daniel S. Torres Víctor Tort Marta Vicente Edgar Vidal
Fotografía	Josu Inchaustegui
Montache	Raúl de Torres
Vestuario	Cristina Rodríguez
Maquillache	Rebeca Rueda
Peluquería	Natalia Méndez
Efectos especials	Iker de la Calle Alberto Domínguez
Casting	Juana Martínez
Actors	Paco León Ernesto Alterio Celia Freijeiro Raúl Cimas Lucía Gómez Emma Hernández Kirill Bunegin Jesús Olmedo Cristina Rodríguez Marina Pérez María Córdoba
Datos y cifras
País(es)	Espanya
Anyo	2023
Estreno	10 de marzo de 2023 Espanya
Chenero(s)	Cine de comedia
Durada	102 min.
Idioma(s)	Castellano
Companyías
Productora(s)	Buena Vista International España Telecinco Cinema Ciudadano Ciskul Think Studio Dos Maridos AIE
Presupuesto	5,1 millons d'euros
Informacions en bases de datos especializadas:

Mari(dos) (títol orichinal en castellano, en aragonés se pierde lo chuego de palabras en traducir-se como Mari(us), perdendo ixe "dos", y estrenada en Aragón con o suyo títol orichinal) ye una cinta de cine espanyol de cine de comedia estrenada l'anyo 2023, dirichida por Lucía Alemany seguntes un guión orichinal de Pablo Alén y Breixo Corral, con una banda sonora orichinal de Vanessa Garde, una dirección de fotografía de Josu Inchaustegui y una producción cinematografica de Ghislain Barrois, Álvaro Augustín, Eneko Lizarraga y Francisco Sánchez Ortiz ta las productoras Buena Vista International España, Telecinco Cinema, Ciudadano Ciskul, Think Studio y Dos Maridos AIE. Conta con un elenco formau por Paco León, Ernesto Alterio, Celia Freijeiro, Raúl Cimas, Lucía Gómez, Emma Hernández, Kirill Bunegin, Jesús Olmedo, Cristina Rodríguez, Marina Pérez y María Córdoba, entre d'atros actors.

A Toni li han comunicau que por un lurte en una estación d'esquí d'o Pireneu a suya muller ye fácil que sía una d'as victimas y marcha con o suyo auto dende Barcelona. De camín reculle a Emilio, que ye fendo autostop y li explica que lo suyo auto s'ha avariau y que ven dende Madrit, estando la suya muller tamién afectada por o lurte y amostrando muita mas preocupación por a situación que la que amuestra tener Toni. Emilio se baralla con os treballadots d'un quitanieu en decir-les que si hesen feito lo suyo treballo lo suyo auto no hese teniu problemas con a nieu. Cuan a la fin plegan enta l'hespital amanau a l'estación d'esquí, descubren que lo suyo chefe no pareixe estar muit intresau en o suyo treballo y que l'hespital ye de baixa calidat. Cuan lis preguntan o nombre d'as suyas mullers, Emilio y Toni dan o mesmo nombre: Laura Sánchez, pero lis dicen que bi ha dos mullers con o mesmo nombre y que una d'ellas ye grieument desfigurada. Toz dos quedan aliviaus cuan un atro hombre reconoix a la muller desfigurada como la suya muller, pero lo problema ye que ya nomás queda que una Laura Sánchez y toz dos la identifican como la suya muller. Descubren que Emilio fa anyos que ye casau con Laura, con qui tien dos fillas, pero a Toni Laura li heba dito que yera estéril y heban adoptau a un nino ruso, Vladimir, que ya ye un adolescent. Cuan buscan un hotel, troban l'auto de Laura debant d'una casa y i dentran, descubrindo chuguez sexuals de Laura y una nota contimparando a los suyos dos marius sin deixar masiau bien a garra d'os dos. Tamién descubren a la fin que Laura no s'ha accidentau por o lurte, so que por practicas sexuals en a casa con un tercer hombre. O siguien problema ye que las dos fillas de Toni tamién plegan enta l'estación d'esquí ta tener noticias de su mai y lo mesmo fa Vladimir. Toni y Emilio quieren tresladar a Laura enta un atro hespital, pero Vladimir y las dos fillas de Toni la veyen una mica recuperada y prefieren fuyir con su mai toz cuatre. Recuperada, Laura explica que en realidat Toni sabeba que Laura yera casada con Emilio, pero calla sobre con qui se trobaba en padeixer l'asfixa autoerotica. Atamas d'ixo, a la fin Toni lo descubre, encara que no lo contará.

A cinta s'ambienta en a suya epoca actual (2023) en bel puesto d'o Pireneu d'Aragón; y las suyas escenas se filmoron en a estación d'esquí Candanchú en Aísa (Chacetania), en Pandicosa y Sallent de Galligo (Alto Galligo) y en Fiscal (Sobrarbe).

Elenco

Actor	Papel	Notas
	'

Se veiga tamién

• Cine en 2023.
• Cintas de 2023.

Vinclos externos

• (en) Mari(dos) en Internet Movie Database.
• (es) Mari(dos) en FilmAffinity.

• Datos: Q117319569