Marae

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Marae maorí en Whakarewarewa, Rotorua

Un marae (en maorí de Nueva Zelanda, maorí d'as Islas Cook y tahitiano) malaʻe (en tongalés), meʻae (en marquesano) u malae (en samoano) ye un puesto comunal u sagrau que se fa servir para propositos relichiosos y socials en as sociedaz polinesias. En todas istas luengas, a parola tamién significa "claro, libre de hierbas, árbols, etc." Cheneralment consiste en una era u terreno alto u baixo rectangular (o propio marae), rodiau por piedras u estachas (dito au en tahitiano y maorí d'as Islas Cook) talment con terrazas (paepae) que yera tradicionalment emplegau ta propositos ceremonials; y en bellas ocasions, una piedra central ahu u a'u. En a cultura rapa nui d'a Isla de Pascua ahu s'ha convertiu en sinonimo ta definir a tot o complexo d'o marae).

En bellas sociedaz polinesias modernas, notablement en a maorí de Nueva Zelanda, o marae ye encara una parti important d'a vida diaria. Manimenos, en a Polinesia tropical, a mayoría d'os marae fuoron destruyius u albandonaus con a plegada d'o cristianismo en o sieglo XIX y beluns s'han convertiu nomás en una atracción ta turistas u arqueologos. En cuasiquier caso, o puesto a on yera construyiu o marae encara ye considerau como tapu en a mayoría d'islas.

Etimolochía[editar | modificar o codigo]

A parola ha estau reconstruyida por lingüistas a partir de l'oceanico oriental *malaqe que significa "ubierto, espacio diafano usau como puesto ceremonial u de trobada".[1]

Referencias[editar | modificar o codigo]