Mar de China Meridional
|
Un u más biquipedistas son treballando actualment enamplando iste articlo. Puede estar que, por ixo, bi haiga lagunas de conteniu u deficiencias de formato. Por favor, antis de realizar correccions mayors u reescrituras, contacte con éls en a suya pachina d'usuario u a pachina de discusión de l'articlo ta poder coordinar-ne la redacción. |
| Mar de China Meridional 南海 - Dagat Kanluran ng Pilipinas - Biển Đông | |
| Oceano u mar d'a IHO (n.º id.: 49) | |
 | |
| Localización administrativa | |
|---|---|
| Estau |  China Filipinas  Vietnam  Brunei  Indonesia  Malaisia Republica de China
|
| Cheografía | |
| Continents | Asia |
| Accidents | |
| • Estreitos | Estreito de Taiwán, Estreito de Luzón, Estreito de Mindoro, Estreito de Balábac y Estreito de Karimata. |
| Superficie | 3.500.000 |
| Mapa | |
 | |
Lo mar d'a China Meridional, mar d'o Sud de China u simplificau mar d'a China (en chinés, 南海; pinyin, Nán Hǎi; literalment, Mar d'o Sud) conoixiu en Vietnam como mar d'o Este y prencipalment en Filipinas y cualques países anglos y íbero/hispanos como mar de Filipinas Occidental (en anglés West Philippine Sía; en tagalog: Dagat Kanluran ng Pilipinas), ye un mar situau en o Oceano Pacifico. Comprende una aria d'uns 3.500.000 km², limitau per la costa oriental asiatica, dende Indonesia y Malasia dica lo estreito de Taiwán, las islas de Borneo y lo archipiélago d'as Filipinas.
I hai cientos de chicotas islas en a mar Oriental, que s'agrupan en archipielagos y que la suya sobiranía ye obchecto de reclamacions per las nacions vecinas. Esta competencia se reflecta en a diversidat de nombres utilizaus en tals islas y en o propio mar.
Lo mar de China Meridional ye una rechión de gran importancia economica y cheoestratechica. Un tercio d'a navegación maritima mundial pasa per ell, transportando mas de 3 billons de dolars en mercancias cada anyo.[1] Se creye que baixo lo suyo leito marino i hai enormes reservas de petrolio y gas natural. Tamién contiene lucrativas zonas de pesca, crucials pa la seguranza alimentaria de millons de personas en o Sudeste Asiatico.
Las islas d'o mar de China Meridional, que en conchunto comprenden quantos archipielagos d'islas deshabitadas, islotes, arrecifes, atolons y monts submarinos que se contan per centenars y son obchecto de reivindicacions de sobiranía per parte de quantos países. Estas reivindicacions se reflectan tamién en a variedat de nombres que reciben las islas y lo mar.
"Mar de China Meridional" ye a traducción d'o termin dominant utilizau en anglés pa referir-se a lo mar y utilizau tamién en a mayoría d'as luengas europeas. Este nombre se debe a l'interés d'os primers europeus per lo mar como rota dende Europa y lo sud d'Asia pa aprofitar las oportunidatz comercials con China. En o sieglo XVI, los mariners portugueses lo clamaban Mar de China (Mare da China); la necesidat posterior de diferenciar-lo d'as masas d'augua cercanas levó a clamar-lo Mar d'a China Meridional.[2] La Organización Hidrografica Internacional se refiere a lo mar como Mar d'a China Meridional (Nan Hai).
Lo Yi Zhou Shu, que estió una cronica d'a dinastía Zhou Occidental (1046-771 a. C.) da lo primer nombre chino conoixiu a lo mar de China Meridional que lo menciona como como Nanfang Hai (en chinés, 南海; pinyin, Nán Hǎi; literalment, Mar d'o Sud).[3]
Cheografía
[editar | modificar o codigo]La Organización Hidrografica Internacional define lo mar de China Meridional, extendendo-se seguntes una adreza SO-NE. Lo suyo limite sud ye lo paralelo 3°S entre la isla de Sumatra y Kalimantan (estreito de Karimata); lo suyo limite norte ye lo estreito de Taiwán (entre la punta norte d'a isla de Taiwán a la costa d'a provincia china de Fujian). Lo golfo de Tailandia marguina lo mar de China Meridional enta lo ueste.[4]
Los estaus y los territorios que marguinan lo mar d'a China Meridional son (dende lo norte en adreza d'as agullas de reloch): China, Taiwán, Filipinas, Malasia, Brunéi, Indonesia y Vietnam.
Los prencipals ríos que desembocan en a mar son: lo río d'as Perlas, lo río Min y lo río Jiulong, dende China; lo río Rojo (1.149 km) en Vietnam; lo río Mekong, lo río Rajang en o estau malasio de Pahang; y lo río Pasig, en Filipinas.
Islas
[editar | modificar o codigo]I hai mas de 200 islas y arrecifes identificaus en este mar, d'os cuals 104 perteneixen a las islas Spratly, archipielago que la suya zona economica exclusiva comprende 729 000 km². La mayor d'estas islas ye Taiping u Itu Aba, que tiene 1.5 km de largo y una altura meya de 3.8 m.
Cheolochía
[editar | modificar o codigo]Lo mar s'extiende a traviés d'una plataforma continenta. Minetres la zaguera era glaciar lo libel global d'o mar yera cientos de metros mas baixo, y Borneo formaba parte d'o continente asiatico.
Lo Mar de China Meridional s'ubrió fa uns 45 millons d'anyos, quan lo clamau "fondo perigloso" se deseparó d'o sud de China. La deseparación culminó con a extensión d'o fondo marino fa uns 30 millons d'anyos, un proceso que se propagó enta lo sudueste orichinando a cuenca en forma de V que i hai hue. La deseparación s'aturó fa uns 17 millons d'anyos. S'ha seguiu discutindo lo papel d'a extrusión tectonica en a formación d'a cuenca. Cualques investigadors como Paul Tapponnier han argumentau que, a lo colisionar la India con Asia, empenta a Indochina enta lo SE. Lo cizallamiento relativo entre Indochina y China fació que s'ubrise lo mar de China Meridional.[5] Esta opinión ye discutida per atros que no consideran que Indochina s'haiga desplazau muito respective a Asia continental. Los estudios cheofisicos marinos realizaus en o Golfo de Tonkin per Peter Clift han contrimostrau que la Falla d'o Río Royo yera activa y provocaba la formación d'una cuenca fa a lo menos 37 millons d'anyos en o nordueste d'o Mar de China Meridional, lo que concuerda con que la extrusión desempeñó un papel en a formación d'o mar. Dende la suya obridura, lo Mar de China Meridional ha estau depositario de grans volumens de sedimentos aportaus per lo río Mekong, lo río Rojo y lo río d'as Perlas. Quantos d'estes deltas son ricos en depósitos de petrolio y gas.
Cheopolitica
[editar | modificar o codigo]
Dos archipiélagos en a mar d'a China Meridional, las islas Paracel y las islas Spratly son motivo d'una disputa territorial entre las zonas costeras de China, Taiwán, Filipinas, Malasia, Brunéi, Indonesia y Vietnam, ya sía per razons nacionalistas, economicas (probablement i hai reservas de petrolio y gas) u estratechicas (se troban en una rota marítima muito concorrida).[6]
Referencias
[editar | modificar o codigo]- ↑ (en) "How Much Trade Transits the South China Sea?". https://chinapower.csis.org/much-trade-transits-south-china-sea/.
- ↑ (en) , Paul H. Kratoska, Henk Schulte Nordholt y Remco Raben (2005), Research in international studies: Southeast Asia series, 224. ISBN 9971-69-288-0.
- ↑ Shen, Jianming (2002), La soberanía china sobre las islas del Mar de China Meridional: Una perspectiva histórica, 94-157.
- ↑ (en) "Limits of oceans and seas". International Hydrographic organization. https://epic.awi.de/id/eprint/29772/1/IHO1953a.pdf.
- ↑ , Jon Erickson, Ernest Hathaway Muller Rock Formations and Unusual Geologic Structures: Exploring the Earth's Surface.
- ↑ "Tensiones en el mar de China meridional". Instituo Español de Estudios Estrategicos. http://www.ieee.es/Galerias/fichero/docs_analisis/2012/DIEEEA33-2012_TensionesMarChina_MLI.pdf.
Vinclos externos
[editar | modificar o codigo]
Se veigan as imáchens de Commons sobre a Mar de China Meridional.
Datos: Q37660- Multimedia: South China Sea / Q37660