Manuel Vicente Martínez
| Manuel Vicente Martínez | |
|---|---|
| Arcebispe de Zaragoza | |
| 22 de chulio de 1816 - 9 de febrero de 1823 | |
| Predecesor | Ramón José de Arce |
| Succesor | Bernardo Francés Caballero |
| 31 de marzo de 1806 - 22 de chulio de 1816 | |
| Predecesor | Francisco Isidoro Gutiérrez Vigil |
| Succesor | Santiago Bencomo y Rodríguez |
| Naixencia | 9 d'octubre de 1750 Tartanedo (Guadalachara, Castiella) |
| Muerte | 9 de febrero de 1823 Zaragoza (Aragón) |
Manuel Vicente Martínez Jiménez (Tartanedo, Guadalachara[1], 9 d'octubre de 1750 - Zaragoza, 9 de febrero de 1823) estió bispe d'Astorga y posteriorment arcebispe de Zaragoza.
Biografía
[editar | modificar o codigo]Naixiu de Tartanedo (actual provincia de Guadalachara, Castiella-La Mancha). Se doctoró en Teolochía por a Universidat de Sigüenza, estando canonche en a seu d'ista ciudat. O 31 de marzo de 1806 fue nombrau bispe d'Astorga, estando consagrau o 10 d'agosto d'ixe mesmo anyo. Por ixas envueltas escribió Representación al Supremo Consejo de Regencia a la lectura del manifiesto de abolición de la Inquisición (1813) en a que protestaba contra l'abolición d'a Inquisición. Dimpués se tresladó ta Portugal albandonando as suyas funcions. O suyo compromís contrarrevolucionario mientres a Guerra d'o Francés fació que estase premiau en 2 de chulio de 1816 con o cargo d'arcebispe de Zaragoza.
De caracter ultra-reaccionario, se negó cuantas vegadas a churar a constitución, fendo-lo nomás o 10 de marzo de 1820, dimpués de que l'hese feito o mesmo rei.[2] Ta par d'alavez publicó ixe mesmo anyo en Zaragoza un manifiesto que protestaba contra cinco días d'arresto que heba cumpliu en o suyo palacio. Mientres o Trienio liberal, boicoteó sistematicament a instauración d'o rechimen liberal, mirando de no fer parti y absentando-se d'os rituals que lechitimaban o cambio politico.
Referencias
[editar | modificar o codigo]- ↑ (es) Martínez y Jiménez, Manuel Vicente (1750-1823). MCN
- ↑ (es) La Iglesia de Zaragoza durante el Trienio liberal. Espacio sagrado, opinión pública y legitimación del poder político. Francisco Javier Ramón Solans.
Vinclos externos
[editar | modificar o codigo]| Cargos eclesiasticos | ||
|---|---|---|
| Predecesor: Ramón José de Arce |
Arcebispe de Zaragoza 22 de chulio de 1816 - 9 de febrero de 1823 |
Succesor: Bernardo Francés Caballero |
| Predecesor: Francisco Isidoro Gutiérrez Vigil |
Bispe d'Astorga 31 de marzo de 1806 - 22 de chulio de 1816 |
Succesor: Santiago Bencomo y Rodríguez |
| Control d'autoridaz |
|
|---|
Datos: Q64732321