Mantel
Un mantel[1] u tovallón de mesa[1] ye una pieza de tela, papel u hule que se mete desamplau sobre a mesa en parar-la pa servir a birolla. Os platos, vasos, cubiertos y alimentos se meten dencima. Gosan fer chuego con as tovalleta, de feito en o sieglo XVIII i heba mantels-tovalleta individuals, en os que cada metat teneba una d'as dos funcions.[2] Os mantels pueden estar individuals u pa a mesa entera. Ya en a Edat Meya s'usaban corrientment en a Corona d'Aragón y ta par d'alavez yeran tipicament de lino.[3] En os zaguers anyos d'a Edat Meya yeran estendillaus por toda Europa, y yeran de lino u de cotón.
En as tabiernas y restaurants de poca calidat gosan estar de papel y d'un solo uso, mientres que en atros restaurants y en os fogars encara s'usan de tela. N'i hai de mas ricos, pa as ocasions especials, y de mas practicos, como por eixemplo os feitos d'hule, pa protecher a mesa de, por eixemplo, liquidos que puedan cayer. I hai muitas familias que n'usan dos, un de tela sobre un d'hule.
Se veiga tamién
[editar | modificar o codigo]Referencias
[editar | modificar o codigo]- 1 2 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- ↑ (ca) Instrucció breu i útil per los cuiners principiants segons segons lo estil dels carmelites, receptario de cocina conventual d'o sieglo XVIII, precediu d'un estudio historico sobre a cocina carmelita, de Francisco d'o Santismo Sacramento. Abadía de Montserrat, 2004. ISBN 9788484156376
- ↑ (ca) Cuina medieval catalana, d'Eliana Thibaut i Comalada, Cossetània Edicions, 2006. ISBN 9788497912167
Datos: Q536168
Multimedia: Tablecloths / Q536168