Maniquiello
 |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
O maniquiello[1][2], a manoquilla,[1][nota 1] a monyeca,[3][4][1][nota 2] u maneca[4][5] ye en anatomía l'articulación que une os segmentos tercero y cuatreno d'o miembro superior, ye decir, l'abantbrazo y a man.
Considerata en conchunto, ye una articulación condilia, pues permite fer movimientos de flexión, extensión, aducción, abducción y circunducción, pero no rotación.
En realidat ye composata por no una sino por tres articulacions.
Articulación d'a cambra proximal d'o maniquiello u radiocarpiana
[editar | modificar o codigo]As superficies ósias son, por alto, o radio, y por debaixo, o escafoides, o semilunar y o piramidal. L'articulación ye reforzata por a capsula articular y ligamentos laterals, anterior y posterior. Ye una condília morfolochica y funcional.
Articulación externa d'a cambra distal d'o maniquiello
[editar | modificar o codigo]As superficies ósias son, por alto, o escafoides, alto, o trapecio y o trapezoide. L'articulación ye reforzata por a capsula articular y ligamentos laterals, anterior y posterior. Ye una doble artrodia morfolochica y una condilia funcional.
Articulación interna d'a cambra distal d'o maniquiello
[editar | modificar o codigo]As superficies osias son, por alto, o Escafoides, o Semilunar, Piramidal y Pisiforme (ESPP), por debaixo en a segunda ringlera: Trapecio, Trapezoide, o ueso Gran y o Ganchoso (TTGG]. L'articulación ye reforzata por a capsula articular y ligamentos laterals, anterior y posterior. Ye una condilia morfolochica y funcional.
Denominacions
[editar | modificar o codigo]A denominación maniquiello ye propia d'o chistabín[2], con variants como manoquilla en Ribagorza Baixa[6] y Campo[7]. A denominación monyeca se documenta por o menos en a Val d'Ansó[3] y en Biescas[4], y probablement ye a mes estendillada chunto con a forma cuasi igual munyeca[6], homofona con o equivalent en castellano y que no gosan rechistrar os estudios lexicograficos sobre l'aragonés, que gosan amostrar os elementos diferencials y no os elementos coincidents. A denominación maneca ye propia d'o cheso[4][5], y indica una confusión d'a terminación d'a palabra con o sufixo -eco, a l'igual que en o provenzal manègo, con influencia d'a evolución romanz d'a palabra latina MANĬCA ("manga")[4].
Notas
[editar | modificar o codigo]Referencias
[editar | modificar o codigo]- 1 2 3 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- 1 2 (es) Blas Gabarda, F.: Romanos Hernando, F. Diccionario aragonés. chistabín-castellano. Ainas. Gara d'Edizions, 2008. p 359.
- 1 2 (es) María Pilar Benítez Marco L'ansotano. Estudio del habla del Valle de Ansó: Gobierno de Aragón, 2001. p 315.
- 1 2 3 4 5 (es) KUHN, Alwin, El Dialecto Altoaragonés (traducción de l'orichinal de 1935); Xordica Editorial. Zaragoza, 2008. ISBN 978-84-96457-41-6 p 189.
- 1 2 (an) Chusé Lera Alsina Aplego. Diccionario de Resistencia y Gramática sobre lo cheso. Massanas gràfiques. 2004. p 138.
- 1 2 (es) María Luisa Arnal Purroy: Diccionario del habla de la Baja Ribagorza Occidental, Gara d'Edizions, 2003, p 129 y p 138.
- ↑ (es) Mascaray Sin, Bienvenido: Vocabulario del habla de Campo (Ribagorza, Huesca). Xordica Editorial, 2014. p 124
| Partis d'o cuerpo humán | |||||||||||
|---|---|---|---|---|---|---|---|---|---|---|---|
| |||||||||||
