Margaret Constance "Maisie" Williams, naixita de Bristón (Reino Uniu) lo 15 d'abril de 1997, ye una actriz que en 2011 debutó en un paper d'actriz profesional a las catorce anyadas d'edat, interpretando a Arya Stark, un paper prencipal en a serie de drama épico de fantesía medieval de HBO Game of Thrones (2011-2019), una interpretación que rapidament levó a l'actriz recientment plegada lo ficacio de totz. Williams recibió elochios d'a critica por o suyo treballo en o programa, incluidas dos nominacions pa o premio Primetime Emmy a la millor actriz de reparto en una serie dramatica.
Atras aparicions en televisión de Williams incluyen como estrela convidada en quatro episodios d'a serie de sciencia ficción d'a BBC Doctor Who (2015), a cinta de televisión britanica Cyberbully (2015), a cinta britanica de suspenso y sciencia ficción pa mocets iBoy (2017) y a comedia dramatica d'acción Two Weeks to Live (2020). Williams tamién ampró a suya voz a Cammie MacCloud en a serie web animada estausunidense Gen:Lock (2019-hue).
En 2014, protagonizó o suyo primer largometrache, o drama de misterio sobre a mayoría d'edat The Falling, por o qual recibió elochios d'a critica y premios. Tenió papers coprotagonistas en cintas como que a cinta de drama romantico d'epoca Mary Shelley (2017), a cinta de comedia esportiva prehistorica animada Early Man (2018) y a cinta de comedia dramatica romantica Then Came You (2018). En 2020 protagonizó a cinta de terror de superherois The New Mutants y lo thriller psicolochico The Owners.
En 2018, fació o suyo debut en l'escenario en a obra de Lauren Gunderson I and You en o Hampstead Theatre de Londres, con criticas positivas. Williams tamién ye una emprendedora d'Internet. En 2019, desembolicó y lanzó conchuntament a plataforma de retz socials Daisie, una aplicación de retz multimedia disenyada pa estar un meyo alternativo pa aduyar a artistas y creyadors (especialment a aquells que son tractando de prencipiar) en as suyas carreras. Un d'os obchectivos prencipals d'a plataforma ye emparar a colaboración entre creyadors en prochectos artisticos de diversas industrias creativas, asinas como un servicio d'aloch en o qual os creyadors pueden amostrar o suyo propio treballo y o treballo conchunto.
Bristón (Reino Uniu)