Lumbricus terrestris

*Lumbricus terrestris*
Lumbricus terrestris
Denominacions populars
treu
Clasificación cientifica
Reino:	Animalia
Filo:	Annelida
Clase:	Clitellata
Subclase:	Oligochaeta
Orden:	Haplotaxida
Familia:	Lumbricidae
Subfamilia:	Lumbricinae
Chenero:	Lumbricus
Especie:	L. terrestris
Descripción
Lumbricus terrestris Carolus Linnaeus, 1758

O treu^[1] (nombre cientifico Lumbricus terrestris) ye una especie d'anelido clitelau d'o chenero Lumbricus y d'a familia Lumbricidae. Orichinaria d'Europa y introducida en as resta de continents, ye una especie muit apreciada debiu a o suyo metabolismo.

Descripción

Os treus gosan medir de 9 centimetros a 30, pero pueden creixer mas. Manimenos, no son animals amplos, ya que o suyo diametro no plega a o centimetro. Como en toz os animals d'o suyo filo, o suyo cuerpo ye trestallau en aniellos, que pueden plegar a estar dica 180. O suyo abdomen ye achoscarrau. Os aniellos 31-37 producen una secreción que forma un avultamiento d'o cuerpo, dito clitelo, en o que almagacenan os uevos antis d'a puesta. A color d'o cuerpo gosa estar rosa, marrón u marrón-royenca en a suya parti dorsal y mas amarillenca en a parti ventral. Mientres que un estremo d'o cuerpo ye punchagudo, l'opuesto ye redondiau y forma un vulto.

Biolochía y comportamiento

O treu gosa vivir en terrenos pantanosos y humidos, baixo tierra, a on s'alimenta de materia organica en descomposición mientres va foratiando galerías. Istas galerías son muit beneficiosas pa as plantas, ya qie renuevan l'aire d'o solero. Gracias a la suya alimentación chuga un papel important en a formación de l'humus, lo que ye también beneficioso pa as plantas. L'asperanza de vida d'o treu ye normalment de 4 a 8 anyos, encara que gosan vivir 6 anyos en captivación. Ista lembriz ye hermafrodita y se reproduce por meyo de uevos, que almagacena en o clitelo antis d'a puesta

Habitat

Viven en cualsiquier puesto soterranyo humido d'o mundo.

Referencias

↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).

Datos: Q30092
Multimedia: Lumbricus terrestris / Q30092
Especies: Lumbricus terrestris

[DACC-1] (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).

[1]