Luis Montoliu Salado
| Luis Montoliu Salado | |
|---|---|
| 7 d'aviento de 1936 – 10 d'agosto de 1937 | |
| President | Joaquín Ascaso Budría |
| Gubierno | Gubierno Ascaso |
| Precediu por | Francisco Ponzán Vidal |
| febrero de 1947 – agosto de 1947 | |
| President | Rodolf Llopis Ferrándiz |
| Precediu por | Dengún |
| Succediu por | Salvador Quemades (Instrucción Publica y Información) |
| Naiximiento | 1903? Zaragoza (Comarca Central, Aragón) |
| Muerte | 13 de febrero de 1962 Caracas (Venezuela) |
| Atras afiliacions politicas | CNT |
| Profesión | Anarcosindicalista y politico |
.svg){kind=small}
Luis Montoliu Salado (Zaragoza[1][nota 1], 1903? - Caracas, 13 de febrero de 1962) estió un anarcosindicalista y politico aragonés, consellero de Transportes y Comunicacions d'o Consello Rechional de Defensa d'Aragón.
Biografía
[editar | modificar o codigo]Militant d'a CNT y dende 1930 miembro d'o Comité Nacional d'a Federación Nacional d'a Industria Ferroviaria. Treballador d'a gara d'o Norte de Zaragoza, en 1934-1935 estió miembro d'o Comité Nacional d'a CNT y delegau d'a FNIF en o Congreso de Madrit de 1935.
O esclatiu d'a Guerra Civil Espanyola le sosprendió en Valencia, a on fació amistanza con Enric Marco Nadal y s'integró en o Consello Rechional de Defensa d'Aragón como responsable de Transportes y Comunicacions. Con José González y Díaz Sandino representó a la CNT en o Comité d'Explotación de Linias, y representó a Aragón y Navarra en o Comité Nacional de Defensa.
En rematar a guerra civil fue feito presonero en Alicant y ninviau ta Aranjuez, a on o 13 de noviembre de 1940 fue condenau a muerte en consello de guerra sumarismo. Manimenos, no fue executau y en zagueras o 14 de marzo de 1946 fue liberau en aplicación d'una mida de gracia. Establiu en Madrit, en 1947 acceptó representar a la CNT en os gubiernos d'a Segunda Republica Espanyola en l'exilio, de manera que eslampa ta Francia y dende astí ta Mexico, a on i arribó o 17 de marzo de 1947. Astí fue nombrau ministro d'Información en o segundo gubierno de Rodolfo Llopis.
Fació parti d'o sector d'a CNT partidario de colaborar con as autoridaz republicanas en l'exilio. Dimpués emigró ta Venezuela, a on en 1960 fació parti d'o Congreso de reunificación d'a CNT. Morió bels anyos dimpués d'un ataque de corazón.
Notas
[editar | modificar o codigo]Referencias
[editar | modificar o codigo]- ↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
Vinclos externos
[editar | modificar o codigo]- (es) Luis Montoliu Salado en a Real Academia de la Historia.
- (es) Expo Consejo de Aragón
| Predecesor: Francisco Ponzán Vidal |
Consellero de Transportes y Comunicacions d'o Consello Rechional de Defensa d'Aragón 7 d'aviento de 1936 - 10 d'agosto de 1937 |
Succesor: Dengún |
Datos: Q11934261