Lombardes

Iste articlo ye sobre l'actual pueblo latín. Ta l'antigo pueblo chermanico se veiga lombardes (pueblo chermanico)

Lombardes
Lumbardi

Carnaval en Cegni

Rechions con comunidatz importants

Idiomas

Relichión

Pueblos relacionaus

Mapa

Lombardía

Os lombardes, lombartz^[1] u lombardos (en lombard lumbardi, italiano lombardi) son os habitants de Lombardía, en a Plana Padana (Italia). Son de relichión catolica y tienen como luengache tradicional o lombard y como luenga escrita o italiano. En Sicilia bi ha una minoría lombarda de bells 65.000 individuos.

Etnonimo[editar | modificar o codigo]

En aragonés medieval o etnonimo s'escribe lombardes u lombartes. A forma lombartes se podeba leyer lombarts, y con a ortografía actual s'escribe Lombartz. A forma Lombardos ye muito minoritaria en os textos medievals aragoneses y navarros.

A forma lombarts la trobamos en textos comercials d'o sieglo XV escritos en Zaragoza en un luengache mixto aragonés y catalán seguntes o parrafo u linia on s'indican productos que os comerciants d'a Corona de Castiella compraban en Zaragoza:

Item, de Johan Bitoria VII fustanis lonbarts, IIII fustanis de Pavia, III docenas de lacha, LI libra d'alum,

Item a XVIIII d'agost, de Pero Ferrandez de Carrion dos peças de fustanis lombarts, XXII libras de pebre.

A parola Lombard indica orichinario de Lombardía, referindo-se a Italia, por o menos a lo norte d'Italia. Lombard existiba como apellito y huei se troba castellanizato como Lombarte. Se piensa que este apellito s'introdució con a inmigración occitana.

Historia[editar | modificar o codigo]

A denominación especifica de Lombardes pa os habitants italianos d'as ciudatz d'a Plana Padana y as redolatas suyas encomenzó quan l'emperador Frederico I Barbarroya destruyó Milán y las ciudatz s'organizoron en a Liga Lombarda, en contra de l'emperador y en alianza estratechica con o Papato y a Republica de Venecia.

A minoría lombarda de Sicilia se remonta a l'arribada de soldaus y colonos lombardes dende o norte d'Italia en o sieglo XI dimpués d'a conquiesta normanda d'esta isla por as tropas d'o conte Roger d'Hauteville.

Referencias[editar | modificar o codigo]

↑ José Ángel Sesma, Ángeles Líbano Zumalacárregui: Léxico comercial en Aragón (Siglo XV), Institución Fernando el Católico, 1982.

Bibliografía[editar | modificar o codigo]

Felipe Fernández-Armesto: Los hijos de Zeus. Pueblos, etnias y culturas de Europa. 1996 Grijalbo.

[1] José Ángel Sesma, Ángeles Líbano Zumalacárregui: Léxico comercial en Aragón (Siglo XV), Institución Fernando el Católico, 1982.

[1]