Lochica matematica

De Biquipedia
Ir ta: navego, busca

A Lochica matematica ye una parte d'a Lochica y d'as Matematicas, que consiste en o estudeo matematico d'a Lochica y en l'aplicación d'este estudeo a atras arias d'as Matematicas. A Lochica matematica tiene estreitas connexions con as Sciencias d'a computación y con a Lochica filosofica.

A Lochica matematica estudea os sistemas formals en relación con o modo en que codifican nocions intuitivas d'obchectos matematicos como conchuntos, numeros, demostracions y computación.

A lochica matematica gosa dividir-se en quatro subcampos: teoría de modelos, teoría d'a demostración, teoría de conchuntos y teoría d'a recursión. A investigación en lochica matematica ha chugau un papel fundamental en o estudeo d'os fundamentos d'as matematicas. Actualment s'usan indiferentment como sinonimos as expresions: lochica simbolica (u lochistica), lochica matematica y lochica formal.[1]

A Lochica matematica no ye a «lochica d'as matematicas» sino a «matematica d'a lochica». Incluye aquellas partes d'a lochica que pueden estar modeladas y estudiadas matematicament.

Referencias[editar | editar código]

  1. Evandro Agazzi, 1986.