Lo Principet

Lo Principet

Información cheneral
Autor	Antoine de Saint-Exupéry
Chenero literario	Cuento
Versión orichinal en francés
Títol orichinal	Le Petit Prince
Ilustrador	Antoine de Saint-Exupéry
Editorial	Gallimard
Ciudat	Nueva York
País	Estaus Unius
Calendata de publicación	1943
Traducción en aragonés
Títol	Lo Principet
Traductor	Chusé Raul Usón
Editorial	Xordica
País	Aragón
Calendata de publicación	2025
Pachinas	96
ISBN	ISBN 978-84-16461-70-7

Traducción en aragonés
Traductor	Chusé Aragüés
Editorial	Gara d'Edizions
País	Aragón
Calendata de publicación	1992
Formato	Pocha (11 x 18)
Pachinas	96
ISBN	ISBN 84-8094-049-8

Lo Principet (en francés, Le Petit Prince) ye a obra mas conoixita d'Antoine de Saint-Exupéry. Publicato o 1943 en Nueva York, ye un cuento poetico y filosofico baixo l'aparencia d'un cuento ta ninos.

A historia narra a trobata entre un nino y un aviador, os dialogos que tienen y como istos fan replanteyar a vida a l'adulto. O libro ye ilustrato con debuixos d'o mesmo autor, que fan parti d'a narración y que son tanto u mas conoixitos que o cuento. Cada capítol recenta una trobada d'o prencipet que ye arrapato por o comportamiento absurdo d'as «personas grans». Cadaguna d'istas trobadas puet estar leyita como una alegoría.

O lenguache, simple, destinato a estar comprendito por os ninos, ye en realidat ta o narrador o vehíclo privilechiato d'una concepción simbolica d'a vida. As acuarelas, que fan parti d'o texto participan d'ista pureza d'o lenguache.

Se i puet leyer una invitación de l'autor a trobar o nino en si mesmo, ya que «totas as personas grans han estato en primeras ninos. (Pero pocas se'n remeran)».

A traducción primera traducción ta l'aragonés, O Prenzipet, obra de Chusé Aragüés, obtenió l'accesit d'o Premio Arnal Cavero en l'anyo 1993. Mas de trenta anyos dimpués, en 2025, Chusé Raul Usón quita una nueva versión revisada en aragonés con o títol de Lo Principet adaptada a las nuevas grafías.