Live Free or Die Hard

Live Free or Die Hard
Títol	Live Free or Die Hard
Póster d'a cinta.
Ficha tecnica
Dirección	Len Wiseman
Dirección artistica	Beat Frutiger James Hegedus Troy Sizemore
Producción	Michael Fottrell
Disenyo de producción	Patrick Tatopoulos
Guión adaptau	Mark Bomback
Basau en	una historia de Mark Bomback y David Marconi, basada en A Farewell to Arms de John Carlin y en os pèrsonaches creyaus por Roderick Thorp ta la novela Nothing Lasts Forever (1979)
Musica	Marco Beltrami
Fotografía	Simon Duggan
Montache	Nicolas De Toth
Escenografía	Robert Gould
Vestuario	Denise Wingate
Maquillache	Zoltan Elek Edouard F. Henriques Sandra Linn Koepper Gerald Quist
Peluquería	Scott Cameron Janice Kinigopoulos Lori McCoy-Bell Toni-Ann Walker
Casting	Deborah Aquila Tricia Wood
Actors	Bruce Willis Justin Long Timothy Olyphant Mary Elizabeth Winstead Maggie Q Kevin Smith Cliff Curtis Jonathan Sadowski Edoardo Costa Cyril Raffaelli Yorgo Constantine Željko Ivanek Christina Chang Len Wiseman
Color	Color by DeLuxe
Datos y cifras
País(es)	Estaus Unius Reino Uniu
Anyo	2007
Debantadera	12 de chunio de 2007 Tokio (Chapón) 20 de chunio de 2007 Londres (Reino Uniu) 22 de chunio de 2007 Nueva York (Nueva York, Estaus Unius)
Chenero(s)	Cine d'intriga Cine d'acción
Durada	129 min.
Idioma(s)	Anglés Italiano Francés
Companyías
Productora(s)	Cheyenne Enterprises Dune Entertainment Ingenious Film Partners Wintergreen Productions
Distribución	20th Century Fox
Estudio(s)	Los Angeles Center Studios 20th Century Fox Studios Universal Studios
Presupuesto	110 millons de dólars
Recauto	388,2 millons de dólars
Succesión de cintas
Precedida por	Die Hard with a Vengeance (1995, John McTiernan)
Succedida por	A Good Day to Die Hard (2013, John Moore)
Informacions en bases de datos especializadas:

Live Free or Die Hard (títol orichinal en anglés, en aragonés Vive libre u muere duro, enguerada en Aragón con o títol en castellano de La jungla 4.0, en aragonés A chungla 4.0) ye una cinta de l'anyo 2007 de cine d'intriga d'acción coproducida por o cine estausunidense y lo cine britanico, con una banda sonora orichinal de Marco Beltrami, una dirección de fotografía de Simon Duggan y una producción cinematografica de Michael Fottrell ta las productoras Cheyenne Enterprises, Dune Entertainment, Ingenious Film Partners y Wintergreen Productions. Fan parte de l'elenco d'a cinta, entre d'atros actors, Bruce Willis, Justin Long, Timothy Olyphant, Mary Elizabeth Winstead, Maggie Q, Kevin Smith, Cliff Curtis, Jonathan Sadowski, Edoardo Costa, Cyril Raffaelli, Yorgo Constantine, Željko Ivanek, Christina Chang y Len Wiseman.

Live Free or Die Hard ye la cuatrena cinta d'a franquicia cinematografica Die Hard y en ella se conta cómo dimpués d'un apagón escaiciu en a seu d'a FBI Cyber Division, a división d'o Federal Bureau of Investigation que se troba al cudiau d'as investigacions sobre cibernetica, o subdirector d'o FBI, Miguel Bowman, demana que li leven a toz os piratas informaticos mas destacaus d'o país ta que i colaboren en a investigación. A John McClane, un policía d'a ciudat de Nueva York, lo ninvían en Nueva Jersey ta recullir-ie a Matthew Farrell. Pero cuan i plega a recullir-lo, reciben un ataque ordenau por Thomas Gabriel, un perigloso terrorista, encara que consiguen fuyir-ne y marchar enta Washington, DC. Mientres lo viache, Bowman li conta a McClane que heba disenyau un algoritmo ta que Mai Linh, una atra pirata informatico, descifrase un sistema de seguridat especifico con a finalidat de comprobar legalment a suya vulnerabilidat. Pero cuan son viachando lis plegan noticias y Bowman constata que se ye producindo un ataque de gran intensidat contra la infraestructura informatica d'o país. Cuan reciben un segundo ataque y consiguen fuyir-ne de nuevo, Bowman explica que lo siguient paso lochico de l'ataque informatico ye actuar contra lo rete de subministro d'electricidat y deduz que ye en periglo una gran estación de control en Virchinia Occidental, asinas que marchan enta ella, ta trobar-la en mans de Mai Linh, que actúa baixo las órdens de Gabriel. Consiguen matar-la y evitar l'ataque de momento, pero amás Bowman explica a McClane que Gabriel heba treballau con él a lo servicio d'o Gubierno d'os Estaus Unius pero que cuan li dioron palleta decidió vengar-se. Bien luego Gabriel, en conoixer a muerte de Mai Linh, qui amás yera la suya amant, desvía grans cantidaz de gaz natural enta la central de Virchinia Occidental, ta fer que explote, pero nuevament consiguen fuyir. Tanimientres, Gabriel ha conoixiu a existencia d'una filla de McClane clamada Lucy, y ha conseguiu secuestrar-la.

A cinta s'ambienta en a suya epoca actual (2007) en Nueva York, en Nueva Jersey, en Maryland, en Washington, DC y en Virchinia Occidental, y las suyas escenas se filmoron en Baltimore en Maryland, en Camden en Nueva Jersey, en Washington, DC, en Philadelphia en Pennsilvania y en Pomona, El Segundo, Pasadena, Redondo Beach, Santa Clarita y Los Angeles en California, amás d'en os Los Angeles Center Studios y los 20th Century Fox Studios en Los Angeles y en os Universal Studios en Universal City, tamién en California.

Se tracta d'una cinta que ha recibiu bels premios y nominacions, encara que garra d'istos premios no fa parte d'os premios cinematograficos mas conoixius u destacaus.

Elenco

Actor	Papel	Notas
	'

Se veiga tamién

• Cine en 2007.
• Cintas de 2007.

Vinclos externos

• (en) Pachina web oficial de Live Free or Die Hard.

• Datos: Q50861
• Multimedia: Live Free or Die Hard / Q50861