Lituenigo

Lituenigo
Municipio d'Aragón
Entidat  • País  • Provincia  • Comarca	Municipio  Aragón  Zaragoza Tarazona y Moncayo
Superficie	11,48 km²
Población  • Total	121 hab. (2013)
Altaria  • Meyana	756 m.
Distancia  • 70 km	enta Zaragoza
Alcalde	Alberto Negredo Hernandez
Codigo postal	50581
Coordenadas	41°50’ 8’’N 1°45’38’’U
Lituenigo Lituenigo en Aragón

Lituenigo (Lituénigo en castellano) ye un municipio aragonés d'a provincia de Zaragoza, situato en a comarca de Tarazona y Moncayo. A suya población ye de 126 habitants(INE 2014) en una superficie de 11,48 km² y una densidat de población de 11,38 hab/km².

Cheografía

Ye situato en o semontano de Moncayo, en a ribera d'o río Pedrogal a bells 70 km de Zaragoza y a 15 km de Tarazona.

Toponimia

Apareixe escrito como Leytonego u Leituenigo en un texto que no se sabe de seguro si ye de 1106. Fegura en o Libro Chantre como Leytuennigo. Ye un esdrúixol antigo con sufixo atono -igo que se remonta a o latín vulgar -ico. Seguntes autors como Gerhard Rohlfs estos esdrúixols son propios de substratos preindoeuropeus d'a Peninsula Iberica. Lituénigo representa un caso pareixito a Cintruénigo en a Ribera Navarra.

Miguel Dolç creye que estos sufixos tienen una valura posesiva y que ya que ye cerca de Litago, con a mesma base, podrían tener relación con o nombre d'un propietario de fundus román. Podemos deducir un tal Littus.

Historia

Lituenigo amaneixe en a historia escrita en 1124 a o donar Alifonso I d'Aragón una heredatz a García Ennecones.

Demografía

Evolución demografica

1900	1910	1920	1930	1940	1950	1960	1970	1981	1991	2001	2004
363	343	324	359	359	356	312	238	164	125	116	123

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007	2011
Partido Popular					5	5	5	5	5
Total					5	5	5	5	5

Alcaldes

Lista d'alcaldes

Lechislatura	Nombre	Partito politico
1979–1983	Miguel Ángel Gil Uruñuela	Unión de Centro Democrático
1983–1987	Jose Luis García Jiménez	Alianza Popular
1987–1991	Juan Jose García Chueca	Alianza Popular
1991–1995	Juan Jose García Chueca	Partido Popular
1995–1999	Juan Jose García Chueca	Partido Popular
1999–2003	Julián Martínez Muñoz	Partido Popular
2003–2007	Julián Martínez Muñoz	Partido Popular
2007–2011	Julián Martínez Muñoz	Partido Popular
2007–2011	Alberto Negredo Hernández	Partido Popular
2011–2015	Alberto Negredo Hernández	Partido Popular
2015–2019	Alberto Negredo Hernández	Partido Popular
2019–2023	Alberto Negredo Hernández	Partido Popular

Puestos d'intrés

• Ilesia d'a Purificación.
• Museu d'o Labrador (Antigas escuelas).
• Castiello.
• Ermita d'a Virchen d'o Río.
• Ermita de Sant Miguel.
• Fuent d'os Acebillos u Ancebillos.

Fiestas

• Sant Blas, 2-3 de febrero.
• Virchen d'o Río (garrastolendas), febrero.
• Romería enta o Santuario d'a Virchen de Moncayo, agosto.
• Sant Miguel (patronals), 21-26 de setiembre, ocurre o ritual tradicional d'o Pesache d'os Ninos.

Feria d’Oficios perdius de Lituenigo

Ye una feria de caracter etnografico sobre la traza de vida de la chent d'o semontano de Moncayo que se celebra o primer cabo de semana de chulio. Naixe en l’anyo 2001 d'a ideya de Don Jesús Hernandez de quitar ta la carrera totz os oficios representaus en o Museu d’o Labrador y ye quan a chent d’o lugar se viste d’a epoca ta representar-los a o publico. Ye una chornada con aire festivo acompanyada de mosicos y joteros locals an que se pueden veyer oficios como a siega, a carbonera, labradors, filanderas, o cantero, mondongueras, l'esmolador, o mayestro, cesteros entre muitos atros. En definitiva ye tot un eixemplo de participación ciudadana ta fer homenache a la chent gran.