Lee Grant

Lee Grant
L'actriz y directora cinematografica Lee Grant, en una imachen promocional de 1967 ta la cinta Valley of the Dolls.
Información cheneral
Nombre real	Lyova Haskell Rosenthal
Calendata naiximiento:	31 d'octubre de 1925
Puesto naiximiento:	Nueva York (Nueva York, Estaus Unius)
Ocupación:	Actriz Directora cinematografica
Alma Máter	Neighborhood Playhouse School of the Theatre Actors Studio
Pai:	Abraham W. Rosenthal
Mai:	Witia Haskell
Conchuche:	Arnold Manoff ​(1951-1960, esvurcio) Joseph Feury ​(1970-)
Fillos:	2, incluyida Dinah Manoff
Premios Oscar
Premio Oscar a la Millor Actriz Segundaria: -1952: Nominada por Detective Story -1971: Nominada por The Landlord -1976: por Shampoo -1977: Nominada por Voyage of the Damned
Globos d'Oro
Premio Globo d'Oro a la Millor Actriz Segundaria: -1952: Nominada por Detective Story -1968: Nominada por In the Heat of the Night -1971: Nominada por The Landlord -1976: Nominada por Shampoo -1977: Nominada por Voyage of the Damned

Lee Grant (nombre artistico de Lyova Haskell Rosenthal), naixida de Nueva York (Nueva York, Estaus Unius) o 31 d'octubre de 1925, ye una antiga actriz y directora cinematografica estausunidense dende primerías d'os anyos 1930 dica primerías d'os anyos 2020, con cuantos premios y nominacions recibius mientres a suya luenga carrera cinematografica. Ye la mai de l'actriz Dinah Manoff.

D'entre la suya ampla filmografía como actriz, pueden mencionar-se bellas cintas a on i interpretó, como Detective Story (1951, William Wyler), Middle of the Night (1959, Delbert Mann), In the Heat of the Night (1967, Norman Jewison), Marooned (1969, John Sturges), Shampoo (1975, Hal Ashby), Airport '77 (1977, Jerry Jameson), Damien – Omen II (1978, Don Taylor), Charlie Chan and the Curse of the Dragon Queen (1981, Clive Donner), The Big Town (1987, Ben Bolt), Dr. T & the Women (2000, Robert Altman), Mulholland Drive (2001, David Lynch), u Going Shopping (2005, Henry Jaglom).

Premios

Premios Oscar

En 1952, mientres a 24^ena edición d'os Premios Oscar, Lee Grant recibió una nominación a lo Premio Oscar a la Millor Actriz Segundaria por o suyo papel de "ladrona de botiga" en a cinta Detective Story dirichida por William Wyler. En l'anyo 1971, en a 43^ena edición d'os Premios Oscar por a suya interpretación de "Joyce Enders" en a cinta The Landlord, dirichida por Hal Ashby, y tornó a recibir una tercera nominación a lo mesmo premio en l'anyo 1977 en a 49^ena edición por o suyo papel de "Lili Rosen" en Voyage of the Damned, dirichida por Stuart Rosenberg. Tanimientres, sí, que heba ganau ista mesma categoría d'os Premios Oscar en l'anyo 1976, en a 48^ena edición d'os Oscars por o suyo papel de "Felicia Karpf" en a cinta Shampoo, dirichida por Hal Ashby.

Premios Globos d'Oro

Lee Grant, mientres a suya carrera artistica, recibió un total de cinco nominacions a lo Premio Globo d'Oro a la Millor Actriz Segundaria: en 1952 mientres a 9^ena edición d'os Premios Globos d'Oro por o suyo papel de "ladrona de botiga" en a cinta Detective Story dirichida por William Wyler; en 1968 en a 25^ena edición por o papel de "Leslie Colbert" en In the Heat of the Night, cinta dirichida por Norman Jewison; en 1971 (21^ena edición) por o papel de "Joyce Enders" en a cinta The Landlord, dirichida por Hal Ashby; en 1976 (33^ena edición) por o papel de "Felicia Karpf" en a cinta Shampoo, dirichida por Hal Ashby; y 1977 (34^ena edición) por o suyo papel de "Lili Rosen" en Voyage of the Damned, dirichida por Stuart Rosenberg.

Filmografía

Cintas

Anyo	Títol d'a cinta	Director	Banda sonora	Elenco	Atros
[[]]	[[]]	[[]]	[[]]	[[]]

Series de televisión

Serie	Anyo	Episodio	Director	Elenco	Atros
[[]]	[[]]	[[]]	[[]]	[[]]

Se veiga tamién

• Cintas interpretadas por Lee Grant.

Vinclos externos

• Se veigan as imáchens de Commons sobre Lee Grant.
• (en) Lee Grant en Internet Movie Database.

• Datos: Q230184
• Multimedia: Lee Grant / Q230184