Laurisilva de Madeira

De Biquipedia
Ir a la navegación Ir a la búsqueda
Selvas de laurelers, vechetación autoctona de Madeira.
Vista de Laurisilva (Selva de laurelers).

A laurisilva de Madeira (Floresta Laurissilva da Ilha da Madeira, en portugués), ye un puesto natural d'a isla de Madeira declarato Patrimonio d'a Humanidad por a Unesco en l'anyo 1999. Ye considerato como una reliquia muit valiosa, por a suya grandaria y calidat, d'a laurisilva, una mena de selva de laurelers muit abundants d'antis mas y hue quasi extinguito de tot. Se creye que ye en un 90% una selva primordial.

A Unesco chustificó a inclusión d'iste puesto en a lista de patrimonio mundial chustament por estar a resta mas gran de laurisilva, en o pasato extendillata por toda Europa y hue practicament extinguita. Amás, iste tipo de selva se considera un centro de diversidat de plantas y contiene a-saber-las especies endemicas, residuals y raras, mas que mas de briofitos, felequeras y plantas con flors; cal destacar en iste aspecto a lamiacia Teucrium abutiloides. Tamién tien una fauna invertebrata muit rica, figurando entre as especies endemicas d'a isla, o turcazo de Madeira.[1]

A laurisilva de Madeira se troba en a isla prencipal d'o archipielago (a isla de Madeira). Antis d'a colonización cubriba practicamente toda a isla. Dimpués fue cremata por os primers colonos y actualment se conservan 15.000 hectarias de superficie d'a isla, lo que se corresponde a un 20% d'a suya amplaria. Se concentra mas que mas en a costa norte, en altarias entre os 300 y os 1.400 metros. En a costa sud, apareixe en zonas d'altaria situatas entre os 700 y os 1.600 metros.

Antiparti d'ista laurisilva de Madeira, quedan restas d'iste tipo de selva en os archipielagos d'as Azores y as Canarias; en Europa continental, nomás bi ha una zona testimonial en o Parque Natural Los Alcornocales, en o estremo meridional d'a Peninsula Iberica.[2]

Referencias[editar | editar código]

Vinclos externos[editar | editar código]