Laura Mancinelli

Laura Mancinelli
Información personal
Calendata naiximiento:	18 d'aviento de 1933
Puesto naiximiento:	Udine (Friuli-Venecia Chulia, Italia)
Calendata muerte:	7 de chulio de 2016
Puesto muerte:	Torino (Piemont, Italia)
Ocupación:	Escritora, novelista, historiadora, profesora universitaria
Alma Máter:	Universidat de Torino
Pachina web:	lauramancinelli.it

Laura Mancinelli, naixida d'Udine (Friuli-Venecia Chulia, Italia) lo 18 d'aviento de 1933 y muerta en Torino (Piemont, Italia) lo 7 de chulio de 2016, estió una escritora, novelista, historiadora y profesora universitaria (Universidat de Torino, Universidat de Sassari y Universidat de Venecia) italiana.

Biografía

Laura Mancinelli naixió d'Udine en 1933 y dimpués d'un periodo de curtas estadas entre Rovereto y Mantova a on i pasó la suya infancia, en 1937 a familia se tresladó permanentment enta Torino.

Dimpués d'a suya educación escolar y os suyos estudios, se graduó en a Universidat de Turino en 1956 con una licenciatura en literatura alemana, con especialidat en literatura moderna.

En os anyos siguients a lo suyo doctorau, amostró sin renunciar nunca a la suya pasión por a cultura alemana medieval. En 1969 escribió l'asayo A Canción d'os Nibelungs. Problemas y valors.

En os anyos 1970 amostró Filolochía chermanica en a Universidat de Sassari y dimpués, convidada por o chermanista Ladislao Mittner, en 1976 fundó lo departamento d'Historia d'a Luenga Alemana en a Universidat de Venecia.

Por consello d'o suyo colega y amigo Claudio Magris, en 1972 editó y tradució enta l'italiano dende l'orichinal o Nibelungenlied, seguiu en 1978 por Tristan (Gottfried von Straßburg) y en 1989 por Gregorius y Der arme Heinrich (Hartmann von Aue).

En primerías d'os anyos 1990, afectada por una esclerosi multiple, Laura Mancinelli deixó la catedra de Filolochía Alemana.

Obras mas famosas

Novelas

• 1981: I dodici abati di Challant (Os doce abaz de Challant) - Contra un fundo d'ironía mundana y hedonista, doce monches tienen l'encargo de vichilar a un sinyor feudal que hereda un castiello con a condición de que remanie fidel a un malicioso voto de castidat.
• 1989: Il miracolo di santa Odilia (O miraglo de santa Odilia) - Una representación d'a vida expresada en termins relichiosos, anque no trascendentals, a traviés d'a historia de dos Odilias: a primera devota y piadosa, a segunda choven y polida.
• 1993: Gli occhi dell'imperatore (Os uellos de l'emperador) - Una condesa piamontesa, un chinet-musico-poeta y l'emperador Frederico II, ya amanando-se a la fin d'a suya vida, s'embarcan en un fascinant viache d'aventuras y emocions, que ye tamién un tapiz d'entusiasmo, resignación y un sentiu d'o destín.

Vinclos externos

• Se veigan as imáchens de Commons sobre Laura Mancinelli.
• Pachina web de Laura Mancinelli.

• Datos: Q3827806
• Multimedia: Laura Mancinelli / Q3827806