Last Train from Gun Hill

Last Train from Gun Hill
Títol	Last Train from Gun Hill
Póster d'a cinta.
Ficha tecnica
Dirección	John Sturges
Dirección artistica	Hal Pereira Walter H. Tyler
Producción	Hal B. Wallis
Guión adaptau	James Poe
Basau en	una historia de Les Crutchfield
Musica	Dimitri Tiomkin
Soniu	Winston H. Leverett Harold Lewis
Fotografía	Charles B. Lang Jr.
Escenografía	Sam Comer Ray Moyer
Vestuario	Edith Head
Maquillache	Wally Westmore
Peluquería	Nellie Manley
Efectos especials	Farciot Edouart John P. Fulton
Casting	Edward R. Morse
Actors	Kirk Douglas Anthony Quinn Carolyn Jones Earl Holliman Brad Dexter Brian G. Hutton Ziva Rodann Bing Russell Val Avery Walter Sande
Color	Technicolor VistaVision
Datos y cifras
País(es)	Estaus Unius
Anyo	1959
Estreno	9 de chulio de 1959 Minneapolis (Minnesota, Estaus Unius)
Chenero(s)	Cine de western Cine de drama
Durada	90 min.
Idioma(s)	Anglés
Companyías
Productora(s)	Hal Wallis Productions Bryna Productions
Distribución	Paramount Pictures
Estudio(s)	Paramount Studios
Recauto	2,5 millons de dólars
Informacions en bases de datos especializadas:

Last Train from Gun Hill (títol orichinal en anglés, en aragonés Zaguer tren dende Gun Hill, estrenada en Aragón con o títol en castellano d'El último tren de Gun Hill, en aragonés O zaguer tren de Gun Hill) ye una cinta de cine estausunidense de cine de western dramatico estrenada l'anyo 1959, dirichida por John Sturges seguntes un guión adaptau por James Poe (basau en una historia de Les Crutchfield), con una banda sonora orichinal de Dimitri Tiomkin, una dirección de fotografía de Charles B. Lang Jr., una producción cinematografica de Hal B. Wallis ta las productoras Hal Wallis Productions y Bryna Productions y un elenco d'o cual en fan parte, entre d'atros, os actors Kirk Douglas, Anthony Quinn, Carolyn Jones, Earl Holliman, Brad Dexter, Brian G. Hutton, Ziva Rodann, Bing Russell, Val Avery y Walter Sande.

Una muller india cherokee torna con su fillo de visitar a su pai. Ye la muller de Matt Morgan, o "sheriff" d'o lugar. Dos vaqueros empelucaus l'asaltan, la violan y l'asasinan. O fillo, antis de marchar en busca d'aduya, ha alunyau os caballos d'os asatants, y malas que i plega Morgan reconoix a siella de montar, por as dos letras que i figuran, C.B., as inicials de Craig Belden, qui ye un antigo amigo suyo que mesmo li salvó la vida de choven. Morgan, con a siella, marcha enta lo lugar a on i vive su amigo, ta arrestar a los culpables de l'asasinato y violación de su muller. O nino li ha dito que su mai, con un corbalán, heba marcau a cara d'un d'os asaltants, asinas que sabe a qui habrá de buscar. Cuan plega enta Gun Hill, a on i vive Craig, marcha enta lo suyo rancho. D'atra man, iste acabe de recibir a su fillo y a un d'os suyos emplegaus, que tornan d'un viache, y li explican que lis han robau os caballos y la siella de montar, y que la cicatriza que amuestra Rick Belden, o fillo de Craig, li ha feito una muller que se li ha resistiu, cosa que Craig celebra. Pero cuan plega Morgan con a siella iste constata las inconsistencias en a versión d'os feitos que li fan y como amás li vedan de veyer a Rick, sospeita fundadament que él ye l'hombre con una cicatriza en a cara. Dende alavez, Morgan tien como obchectivo arrestar a los culpables, a la vegada que Craig ha de fer tot o posible ta evitar que arreste a su fillo. Como amás iste ye bien imprudent, Morgan lo captura, pero encara faltan bellas horas ta que i plegue lo siguient y zaguer tren que marchará de Gun Hill.

A cinta s'ambienta en bel momento indeterminau de finals d'o sieglo XIX en bel puesto igualment indeterminau de l'ueste d'Estaus Unius. As suyas escenas se filmoron en Elgin, Fairbank, Patagonia, Sonoita, St. David, Tucson y atros puestos d'Arizona y Newhall (California), amás d'en os Paramount Studios en Los Angeles (California).

Ye una cinta que ha recibiu ominacions a bel premio cinematografico, encara que no a garra premio d'os mas conoixius u destacaus d'o panorama cinematografico internacional.

Elenco

Actor	Papel	Notas
	'

Se veiga tamién

• Cine en 1959.
• Cintas de 1959.

Vinclos externos

• (en) Last Train from Gun Hill en Internet Movie Database.
• (en) Last Train from Gun Hill en Rotten Tomatoes.

• Datos: Q1199445