Last Stand at Saber River

Iste articlo ye sobre una cinta (telefilm) estausunidense de western estrenada en 1997; ta atros usos, se veiga Last Stand at Saber River (desambigación).

Last Stand at Saber River
Títol	Last Stand at Saber River
Póster d'a cinta.
Ficha tecnica
Dirección	Dick Lowry
Producción	Steven Brandman Mary Ann Braubach Thomas Kane
Disenyo de producción	Vaughan Edwards
Guión adaptau	Ronald M. Cohen
Basau en	Last Stand at Saber River, novela d'Elmore Leonard (1959)
Musica	David Shire
Fotografía	Ric Waite
Montache	William B. Stich
Vestuario	Betty Pecha Madden
Peluquería	Lynn Del Kail
Casting	Juel Bestrop Gary Oberst
Actors	Tom Selleck Suzy Amis David Dukes Rachel Duncan Haley Joel Osment Keith Carradine David Carradine Tracey Needham Chris Stacy Harry Carey Jr. Patrick Kilpatrick Rex Linn Eugene Osment Denis Forest Lumi Cavazos Raymond Cruz
Color	Panavision
Datos y cifras
País(es)	Estaus Unius
Anyo	1997
Estreno	19 de chinero de 1997 Estaus Unius
Chenero(s)	Cine de western
Durada	95 min.
Idioma(s)	Anglés
Companyías
Productora(s)	TWS Productions II Turner Network Television
Distribución	Turner Network Television
Informacions en bases de datos especializadas:

Last Stand at Saber River (títol orichinal en anglés, en aragonés Zaguer resistencia en o rio Saber, estrenada en Aragón con o títol en castellano de Después de una guerra, en aragonés Dimpués d'una guerra) ye una cinta (un telefilm) de cine de western de cine estausunidense estrenada l'anyo 1997, dirichida por Dick Lowry seguntes un guión adaptau por Ronald M. Cohen (basau en Last Stand at Saber River, una novela que heba publicau Elmore Leonard l'anyo 1959), con una banda sonora orichinal de David Shire, una dirección de fotografía de Ric Waite, una producción cinematografica de Steven Brandman, Mary Ann Braubach y Thomas Kane ta las productoras TWS Productions II y Turner Network Television y un elenco d'actors a lo cual perteneixen, entre d'atros, Tom Selleck, Suzy Amis, David Dukes, Rachel Duncan, Haley Joel Osment, Keith Carradine, David Carradine, Tracey Needham, Chris Stacy, Harry Carey Jr., Patrick Kilpatrick, Rex Linn, Eugene Osment, Denis Forest, Lumi Cavazos y Raymond Cruz.

En 1865, en os zaguers momentos d'a Guerra Civil d'os Estaus Unius, Paul Cable deserta de l'exercito d'os Estaus Confederaus d'America ta tornar enta la suya casa, sin saber que a su muller, Martha, li heban dito que heba muerto en a guerra. Troba a su muller molesta en hber-los deixau albandonaus ta marchar enta la guerra y, amás, porque de mientres él no yera, su filla menor heba muerto. Encara que se conoixen dende ninos, a toz dos lis pareixe estar con una persona que no conoixen. James Sanford, lo pai de Martha, la carranya por a suya actitud enta su mariu, pero la muller contina con a suya postura. Finalment, Cable decide marchar enta Arizona, a on i poseye un rancho, y la familia marcha con él. Pero en plegar-ie, descubren que Duane Kidston, creyendo que Cable heba muerto, s'ha apropiau d'o rancho. Kidston ye un antigo soldau de l'exercito estausunidense y creye que tien dreito a quedar-se con o rancho. Cuan Cable plega enta lo rancho, os hombres de Kidston l'atacan, pero Martha mata a dos d'éls con una escopeta. Vern y Lorraine, dos d'os fillos de Kidston, simpatizan con Cable y creyen que lo millor ye tornar-li lo rancho y deixar-lo estar, pero su pai no ye d'alcuerdo, encara que finalment accepta lo consello d'os suyos fillos. En o lugar i vive tamién un atro antigo confederau, que lo ye en secreto, clamau Edward Janroe. Cuan iste mata a Duane, culpa a Cable de l'asasinato pero fuye con a filla de Cable secuestrada ta vender as armas que teneba guardadas ta los confederaus a los apaches. Vern, que creye en a inocencia de Cable, marcha con él ta vengar l'asasinato d'o suyo pai y lo secuestro d'a filla de Cable.

Last Stand at Saber River s'ambienta en 1865 en Arizona, y las suyas escenas se filmoron en Las Vegas, Santa Clara, Santa Fe y atros puestos de Nuevo Mexico.

Se tracta d'una cinta que ha recibiu bels premios y nominaions, encra que garra d'éls no fa parte d'os prencipals u mas conoixius premios cinematograficos.

Elenco

Actor	Papel	Notas
	'

Se veiga tamién

• Cine en 1997.
• Cintas de 1997.

Vinclos externos

• (en) Last Stand at Saber River en Internet Movie Database.
• (en) Last Stand at Saber River en TCM Movie Database.

• Datos: Q3218409