Last Embrace

Last Embrace
Títol	Last Embrace
Ficha tecnica
Dirección	Jonathan Demme
Dirección artistica	James A. Taylor
Producción	Michael Taylor Dan Wigutow
Disenyo de producción	Charles Rosen
Guión adaptau	David Shaber
Basau en	The 13th Man, novela de Murray Teigh Bloom
Musica	Miklós Rózsa
Soniu	Stan Bochner Louis Cerborino John Fundus Richard Guinness Les Lazarowitz William S. Scharf Maurice Schell Dick Vorisek
Fotografía	Tak Fujimoto
Montache	Barry Malkin
Escenografía	Thomas C. Tonery
Vestuario	Jane Greenwood
Maquillache	Max Henriquez
Peluquería	Joe Tubens
Efectos especials	John Burke Wayne Beauchamp
Casting	Scott Rudin
Actors	Roy Scheider Janet Margolin John Glover Sam Levene Charles Napier Christopher Walken Jacqueline Brookes Andrew Duncan David Margulies Marcia Rodd Gary Goetzman Lou Gilbert Mandy Patinkin Max Wright Sandy McLeod Joe Spinell
Color	Panavision Technicolor
Datos y cifras
País(es)	Estaus Unius
Anyo	1979
Estreno	4 de mayo de 1979 Estaus Unius
Chenero(s)	Cine negro
Durada	102 min.
Idioma(s)	Anglés
Companyías
Productora(s)	Taylor-Wigutow Productions
Distribución	United Artists
Presupuesto	4 millons de dólars
Recauto	1.537.125dólars
Informacions en bases de datos especializadas:

Last Embrace (títol orichinal en anglés, en aragonés Zaguera abrazada, estrenada en Aragón con o títol en castellano d'El eslabón del Niágara, en aragonés L'ariello d'o Niagara) ye una cinta de cine negro de cine estausunidense estrenada l'anyo 1979, dirichida por Jonathan Demme seguntes un guión adaptau por David Shaber (basau en a novela The 13th Man, publicada por Murray Teigh Bloom), con una banda sonora orichinal de Miklós Rózsa, una dirección de fotografía de Tak Fujimoto, una producción cinematografica de Michael Taylor y Dan Wigutow ta la suya productora cinematografica Taylor-Wigutow Productions, y un elenco d'actors que se composa, entre d'atros, por Roy Scheider, Janet Margolin, John Glover, Sam Levene, Charles Napier, Christopher Walken, Jacqueline Brookes, Andrew Duncan, David Margulies, Marcia Rodd, Gary Goetzman, Lou Gilbert, Mandy Patinkin, Max Wright, Sandy McLeod y Joe Spinell.

Harry Hannan ye un achent d'o Gubierno estausunidense que se troba de vacanzas con su muller en Mexico, a lo canto d'El Paso (Texas), cuan veye a un d'os suyos informants con o que heba de reunir-se días dimpués. En ixe inte ye atacau, su muller muere asasinada y él padeixe una crisi niervosa. Pasa cinco meses recuperando-se en un hespital de Connecticut y, de tornada enta Nueva York lo rempuixan en pasar un tren. Cuan marcha enta lo lugar a on secretament li han de dar as instruccions ta la suya siguient misión, descubre que la fuella que li dan amagada ye en blanco, sin garra instrucción. Malas que plega enta la suya casa, la troba ocupada por una muller, Ellie Fabian, qui li diz que lo li han logau decindo-le que lo suyo anterior ocupant heba marchau indefinidament y que ella l'ha logau mientres os suyos estudios en a Universidat de Princeton. Posteriorment li entrega un papel que han ficau baixo d'a puesta, pero ye escrito con caracters de l'alfabeto hebreu. Leva la nota enta un rau, qui nomás puet descifrar que una part d'a nota, que diz "vengador de sangre". En visitar a tomba d'a suya muller, s'encara con lo chirmano d'ista, qui dimpués obtién d'Eckhart, o chefe de Harry, la orden d'asasinar a iste zaguero. Ellie, que contina con Harry en o suyo apartamento, li suchiere preguntar a un amigo suyo d'a Universidat que ye experto en temas hebreus. Harry prene una medecina que li han recetau pero la esgargalla en parar cuenta de que ye cianuro. En visitar a l'amigo d'Ellie, Richard Peabody, iste li diz que poseye cuantas notas identicas relacionadas todas con asasinatos bien peculiars. Posteriorment, Harry ye atacau por o chirmano d'a suya muller, pero consigue estar él qui mate a l'atacant. Troba a Sam Urdell, un viello que ha visto seguir-lo bella vegada, y iste li explica que ye investigando ixe conchunto de muertes sospeitosas y plegan enta la conclusión de que l'avuelo de Harry yera propietario d'un bordel a on se i explotaba a mullers secuestradas u enganyuzadas, y que posiblement todas ixas muertes tiengan relación con ixe tema. Poquet a poquet, descubren que l'asasina ye en realidat Ellie.

A cinta s'ambienta en a suya epoca actual (1979) en Mexico y en El Paso (Texas), Connecticut, Princeton (Nueva Jersey) y Niagara Falls y Nueva York (Nueva York) en Estaus Unius, y las suyas escenas se filmoron en Niagara Falls y Nueva York (Nueva York), y Princeton (Nueva Jersey).

Elenco

Actor	Papel	Notas
	'

Se veiga tamién

• Cine en 1979.
• Cintas de 1979.

Vinclos externos

• (en) Last Embrace en Internet Movie Database.
• (en) Last Embrace en l'American Film Institute Catalog de l'American Film Institute.

• Datos: Q833638