Las Fuents

De Biquipedia
(Reendrezau dende Las Fuents (Zaragoza))
Las Fuents
Las Fuentes
Districto urbán de Zaragoza
Centro cívico Salvador Allende (Zaragoza).jpg
Centro civico Salvador Allende
Entidat
 • País
 • Ciudat
Districto urbán
Flag of Aragon.svg Aragón
Bandera de Zaragoza.svg Zaragoza
Subdivisions Las Fuents, Baixo Aragón
Superficie
 • Total
Pos. 7 de 15
6,31 km²
Población
 • Total (2018)
Pos. 8 de 15
41.842[1] hab.
Codigo postal 50.002
Nº distrito 9
Zaragoza Mapa Junta Las Fuentes.svg

Las Fuents (en castellán Las Fuentes) ye un districto d'a ciudat de Zaragoza (Aragón). Muga con os districtos de Casco Antigo, Torrero, Sant Chusé y con o barrio rural d'a Cartuixa Baixa.

Servicios[editar | modificar o codigo]

Miguel Servet comunica o barrio con o centro d'a ciudat estando a prencipal carrera d'iste. O puent de Las Fuents permite a comunicación con a marguin ezquierda. A zona verda mas important d'o barrio ye o parque Torre Ramona.

Toponimia[editar | modificar o codigo]

Fuent de Las Fuents.

O nombre d'o barrio tien o suyo orichen en os muitos manantials y basas que se formaban en o terreno quan s'embadinaba quan se saliban l'Ebro y La Uerba.

Ya bi ha referencias a un termin de Zaragoza dito Las Fuentes cerca de La Uerba en textos escritos en aragonés de fins d'o sieglo XIV y principios d'o sieglo XV:[2]

item mas la meytat a mi pertenexient de hun malluelo sitiado en Las Fuentes, termino de la dita çiudat,...
Item mas lexo a la dita Martina, filla mia, hun campo mio sitiado en La Fondura de las Fuentes, termino de la dita ciudat, que affruenta con la filla mayor de Las Fuentes, e con carrera publica e con campo de Johan de Sixena,
una vinnya mia franca e quita sitiada en La Corona de las Fuentes, termino de la dita çiudat, que afruenta con vinya de Garcia Paternuey e con carrera publica.
el malluelo mio franco e quito sitiado en El Escobar de las Fuentes, termino de la Huerba de la dita çiudat,
Item de una vinnya (interl.: franca e quita) sitiada en Cantalobos de Las Fuentes, termino de la Huerba de la dita çiudat, que affruenta toda la dita vinnya

Historia[editar | modificar o codigo]

En 1885 se construyó o l'Antiguo Matadero Municipal de Zaragoza obra de Ricardo Magdalena y feita ta l'Exposición Aragonesa de 1885, arredol d'iste se construyoron as primeras casas. Dimpués d'a guerra civil o gubierno franquista construyó viviendas pa desplazatos por a guerra como o "grupo Girón" y o "grupo Escoriaza". En os anyos sisanta y sitanta o barrio continó creixendo, acullindo muitos emigrants d'o Baixo Aragón, incluyindo d'o Matarranya y Baixo Aragón-Casp, por o que en este barrio bi ha encara un chicot porcentache no evaluato de población catalanoparlant. En zaguerías d'o sieglo XX os grupos Girón y Escoriaza yeran habitatos en parte por población chitana, y a principios d'o sieglo XXI se i han adhibito inmigrants de diferents orichens extra-europeus.

Referencias[editar | modificar o codigo]