Las Clafizas

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Las Clafizas
Situación
Situación Saldón (Teruel)
Latitut
Lonchitut
Vértiz cheodesico
Cheografía
Cordelera Sistema Iberico
Sierra Monts Universals
Macizo
Altaria 1.594 m
Primera puyada
Ruta mas fácil
Mapa

Las Clafizas ye una cima de 1.594 m d'altaria situada en lo termin municipal de Saldón (Teruel), en la zona de muelas de los Monts Universals. En lo suyo cabalto bi ha un vértiz cheodesico.

Toponimia[editar | modificar o codigo]

L'oronimo Las clafizas presenta un sufixo -iza seguindo a la radiz clapa, d'orichen prerromán y que fa referencia a piedras u terrenos pedregosos. La forma sufixada clapiza tiene formas paralelas en l'Alto Aragón (lapiza, lapizuela), y en catalán (clapissa). La radiz clapa y atros derivaus suyos tamién se tornan a trobar en l'Alto Aragón (cllapo, cllapada y la locución adverbial a clapas[1] u a cllaps[2]), en catalán (claper), en occitán (clapa, clapiera),[3] y en arpitán, plegando enta lo norte como occitanismo y arpitanismo en francés con dos significaus diferents (clapier).

En churro ye bien documentau lo emplego d'esta palabra y las suyas variants. En Vivel una clapiza ye un terreno con afloramientos de roca calsinera masiva u un terreno pedregoso y calsinoso. En Torralba y Villamalur una llapiza ye una piedra que forma livels chicoz, igual como en L'Alcudia de Veyo llapisa y Almedíxar clapisa con seseyo.[3] Bi ha microtoponimos formaus con clapiza y las suyas variants en Barracas (La Calapiza), Lo Toro y Beixix (Las Clapizas), Vivel (La Clapiza de la Chana), Caudiel (La Clapiza) y, con pronunciación seseyant, en Segorb, Sot de Ferrer y Sonecha (La Clapisa).

Referencias[editar | modificar o codigo]

  1. (es) Chabier Tomás Arias: El aragonés del Biello Sobrarbe. Instituto de Estudios Altoaragoneses (1999), pp 155-156.
  2. (es) Ángel Ballarín Cornel: Diccionario del Benasqués. Institución Fernando el Católico, Zaragoza, segunda edición 1978. p 53, p 261, p 182.
  3. 3,0 3,1 (es) Natividad Nebot Calpe: Voces prerromanas en el habla castellano-aragonesa. Archivo de Filología Aragonesa, XXX-XXXI pp 63-112, 1958.

Vinclos externos[editar | modificar o codigo]