Lactuca sativa

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Lactuca sativa
Ensalada (Lactuca sativa)
Denominacions populars
ensalada / ensalata, leituga
Estau de conservación
Seguro (IUCN)
Clasificación cientifica
Dominio:	Eukaryota
Reino:	Plantae
División:	Magnoliophyta
Clase:	Magnoliopsida
Orden:	Asterales
Familia:	Asteraceae
Subfamilia:	Cichiorioideae
Tribu:	Lactuceae
Chenero:	Lactuca
Especie:	L. sativa
Descripción
Lactuca sativa Linnaeus,

A ensalada u leituga (nombre cientifico Lactuca sativa Linnaeus, 1758)) ye una planta anyal d'a familia d'as asteracias que se cautiva ta l'alimentación, mas que mas por a suya versatilidat como parte d'os apanyizos.

Descripción

A planta tiene una vena pivotant y creix como una roseta de fuellas superficials, de bels 25 centimetros de lonchitut cadaguna, de color verde intensa, que de regular son o que se consume.

O troncho gosa estar curto, de sección celindrica, y ye d'a on creix a inflorescencia en a epoca d'a florada. As flors son amariellas y amaneixen en capitols. A simient disposa d'un vilano, que les sirve ta dispersar-se con l'aire.

Fitonimia

O fitonimo «ensalada» regular que por tot Aragón se gosa referir a ista planta, y ye una parola que tamién ha pasau a o castellano d'Aragón, por o fuerte substrato d'a luenga aragonesa que tiene, con ixe sentiu. Por contra de como se fa en castellano estándard, luenga en a que a parola se gosa referir concretament a l'apanyizo, en a mayoría de parlas d'Aragón, tanto castellanas como aragonesas y dica catalanas, o termin «ensalada» s'aplica a la planta.

O naturalista y lexicografo Rafel Vidaller a documenta con iste nombre en puestos tan dispersos por a cheografía aragonesa como Fonz, Seira, Biarche, Chistén, Balbastro, Sos d'o Rei Catolico u Gallocanta.

En aragonés medieval se documenta lo fitonimo leituga:

& deue hombre comer enesti tiempo pollos gallinas codornizes hueuos et no superfluament mas entro aseys hueuos et las leytugas delos campos las quales los aldeanos claman scarias & leytede crabas...

Vinclos externos

• Wikispecies tiene un articlo sobre Lactuca sativa.
• Se veigan as imáchens de Commons sobre Lactuca sativa.

• Datos: Q83193
• Multimedia: Lactuca sativa / Q83193
• Especies: Lactuca sativa