Laco chuxtaglacial

De Biquipedia
Ir a la navegación Ir a la búsqueda
Laco de Märjelen (Suiza) en l'anyo 2002.

Un laco chuxtaglacial (pronunciau /tʃustagla'cjal/, como "chustaglacial") ye un laco que s'ha formau por entibar-se l'augua d'un río por la presencia d'una chelera[1]. Las cheleras de val pueden fer que se formen lacos de chustaposición glacial.

En los puestos a on desauguan vals secundarias en una val principal se pueden fer lacos chuxtaglacials si la val principal presenta una chelera en lo suyo fondón. Un buen eixemplo d'esto ye lo Laco de Märjelen en los Alpes.

En los puestos a on un casquet glacial atura un curso d'augua important se pueden fer lacos de chuxtaposición glacial gran, plegando a estar d'escala rechional.

Lacos chuxtaglacials en los Pireneus[editar | editar código]

En la zaguera glaciación u Würm se facioron bells lacos chuxtaglacials en lo Pireneu Axial y Prepirineu interior por estar qualques vals pirenencas ocupadas por cheleras.

En la val de Sorrosal s'entibó lo río por la presencia d'una luenga de chelo y una morrena lateral en l'actual ribera de lo río Ara, formando-se amán de Linars de Broto un laco y lo deposito glacio-lacustre mes gran de tot lo Pireneu.[1]

En la Val de Benás bi ha uns depositos glacio-lacustres subindo enta l'Ampriu amán de Sarllé. Corresponde a un laco que bi heba entre la morrena lateral de la chelera de l'Esera y la morrena frontal de la chelera de l'Ampriu.

Referencias[editar | editar código]

  1. 1,0 1,1 Fernando Biarge, José María García Ruiz, Ana Biarge Roca viva. El modelado del paisaje pirenaico. Diputación de Huesca, 2001. pp189