La lengua de las mariposas

La lengua de las mariposas
Títol	La lengua de las mariposas
Ficha tecnica
Dirección	José Luis Cuerda
Dirección artistica	Josep Rosell
Producción	Fernando Bovaira José Luis Cuerda
Disenyo de producción	Emiliano Otegui
Guión adaptau	José Luis Cuerda Rafael Azcona Manuel Rivas
Basau en	¿Qué me quieres, amor?, relatos de Manuel Rivas (1995)
Musica	Alejandro Amenábar
Soniu	Sergio Bürmann Jaime Fernández Patrick Ghislain Daniel Goldstein Pelayo Gutiérrez Julien Naudin Jaume Puig Alfonso Raposo Nacho Royo-Villanova Diego S. Staub Ricardo Steinberg
Fotografía	Javier Salmones
Montache	Nacho Ruiz Capillas
Escenografía	Balter Gallart
Vestuario	Sonia Grande
Maquillache	Raquel F. Fernández Ana López-Puigcerver Belén López-Puigcerver Patricia López
Peluquería	Teresa Rabal
Actors	Fernando Fernán Gómez Manuel Lozano Gonzalo Martín Uriarte Uxia Blanco Alexis de los Santos Elena Fernández Guillermo Toledo Tamar Novas
Color	Panavision
Datos y cifras
País(es)	Espanya
Anyo	1999
Estreno	23 de setiembre de 1999 Festival Internacional de Cine de Sant Sabastián (Sant Sabastián, País Basco, Espanya)
Chenero(s)	Cine de drama Cine social
Durada	97 min.
Idioma(s)	Castellano Gallego Latín
Companyías
Productora(s)	Sogecine Las Producciones del Escorpión
Presupuesto	1.500.000 euros
Recauto	7.800.000 euros
Informacions en bases de datos especializadas:

La lengua de las mariposas (títol orichinal en castellano, en aragonés A lengua d'as paixarelas, estrenada en Aragón con o suyo títol orichinal) ye una cinta de cine espanyol de cine de drama social estrenada l'anyo 1999, dirichida por José Luis Cuerda seguntes un guión adaptau por José Luis Cuerda, Rafael Azcona y Manuel Rivas (basaus en bels relatos recullius en ¿Qué me quieres, amor?, publicau por Manuel Rivas en l'anyo 1995), con una banda sonora orichinal d'Alejandro Amenábar, una dirección de fotografía de Javier Salmones y una producción cinematografica de Fernando Bovaira y José Luis Cuerda ta las productoras Sogecine y Las Producciones del Escorpión. De l'elenco d'a cinta en fan parte, entre d'atros actors, Fernando Fernán Gómez, Manuel Lozano, Gonzalo Martín Uriarte, Uxia Blanco, Alexis de los Santos, Elena Fernández, Guillermo Toledo y Tamar Novas.

Moncho ye un nino de 8 anyos que vive en un lugarón de Galicia en primerías de l'anyo 1936, mientres a Segunda Republica Espanyola. No ha iu enta la escuela por problemas medicos y agora redubda de que los mayestros li fagan mal. Pero lo suyo mayestro ye don Gregorio, con una mentalidat bien diferent, en creyer que cal educar a las nuevas cheneracions ta la libertat. O primer día Moncho fa lo santantón en espichorrar-se en clase, y fuye d'a escuela, amagando-se en a selva dica que el troba su chirmano. Dende alavez Moncho prencipia a intresar-se en a vida escolar y a estar amigo de don Gregorio. Iste prencipia a ensenyar-le a Monchi fuera de clase. Moncho fa parte d'una familia formada por Rosa, creyent y d'ideyas conservadoras, y Ramón, partidario de l'ateísmo y d'ideyas progresistas, amás d'Andrés, un chirmano de 15 anyos. En plegar chulio, por a radio prencipian a plegar noticias d'o golpe d'estau y de que prencipia la represión contra los partidarios d'a Segunda Republica Espanyola y la mai de Moncho els obliga a toz a fer cambios ta adaptar-se a la nueva situación, encara que ixo faga distanciar-se a Ramón de tot contacto con as suyas amistaz, incluyiu don Gregorio, y mesmo tractar-los como enemigos.

A cinta s'ambienta en 1936 en Galicia; y las suyas escenas se filmoron en Allariz (incluyius o suyos lugars d'A Enfestela, Folgoso, Novás y Vilar de Flores), Celanova (o lugar de Quintas), Sandiás (o suyo lugar de Piñeira de Arcos) y Xunqueira de Ambía en a provincia d'Ourense, Pontevedra (provincia de Pontevedra) y A Baña (o suyo lugar de Troitosende) y Trazo (o suyo lugar de Chaián) en a provincia d'a Coruña en Galicia.

La lengua de las mariposas ye una cinta que ha recibiu bels premios y nominacons, en destacando un Premio Goya a lo Millor Guión Adaptau y atras 12 nominacions mientres a 14^ena edición d'os Premios Goya en l'anyo 2000 (Millor Cinta, Millor Dirección, Millor Actor, Millor Actor Revelación, Millor Musica Orichinal, Millor Fotografia, Millor Montache, Millor Dirección Artistica, Millor Dirección de Producción, Millor Disenyo de Vestuario, Millor Maquillache y Peluquería, y Millor Soniu).

Elenco

Actor	Papel	Notas
	'

Se veiga tamién

• Cine en 1999.
• Cintas de 1999.

Vinclos externos

• (en) La lengua de las mariposas en Internet Movie Database.
• (es) La lengua de las mariposas en FilmAffinity.
• (en) La lengua de las mariposas en Allcinema.
• (en) La lengua de las mariposas en Allmovie.
• (fr) La lengua de las mariposas en Allociné.

• Datos: Q2464930