La Zaragozana

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
La Zaragozana
Datos chenerals
Eslogan Cervezas desde 1900
Establimiento 1900
Localización Zaragoza, Aragón
Enfiladors
Industria Biera y malta
Productos {{{produtos}}}
Beneficios
Emplegatos
Pachina web
Pachina web www.ambar.com
Twitter {{{twitter}}}
Facebook {{{facebook}}}

La Zaragozana ye una interpresa aragonesa bierera con seu en o districto de Sant Chusé d'a ciudat de Zaragoza. A interpresa comercializa as bieras de marca Ámbar.

Historia[editar | modificar o codigo]

Estió fundata o día 10 de chulio de 1900. Ladislao Goizueta y Díaz estió o suyo primer president, mientras que Enrique Lacadena y Laguna estió o suyo primer vicepresident. A fabrica estió disenyata baixo inspiracions d'estilo alemán. Obtenió un reconoiximiento internacional con o logro d'o "Diploma d'Honor con Gran Medalla d'Oro" en a Exposición Internacional de Londres celebrata en l'anyo 1902 y beluns anyos dimpués lograrba medallas d'oro en as exposicions de París, Madrit y en a hispano-francesa de Zaragoza (anyada de 1908). En as primeras anyadas a biera yera distribuyita en chicoz carruaches arrullatos por caballos.

En 1998 obtenió a certificación de calidat ISO 9001, convirtiendose en a primera bierera espanyola en consiguir-la. En l'anyo 2000 a facturación d'a interpresa estió superior a os 33 millons d'euros. A suya producción anyal en l'autualidat ye superior a os 45 millons de litros de biera. A suya cuota de mercato ye d'o 50% en Aragón y 80% en Zaragoza. Asinas mesmo, beluns d'os suyos productos tamién s'exportan ent'atros estatos como Estaus Unius, Australia y Reino Uniu.

Actualment, La Zaragozana y a gallega Hijos de Rivera S.A., son as únicas interpresas biereras espanyolas que conservan encara capital espanyol.

Productos que comercializa[editar | modificar o codigo]

Biera Ámbar 1900 de La Zaragozana
Edición especial de bieras Ámbar de Héroes del Silencio

Su prencipal producto ye a biera Ámbar, d'a cual bi'han diversas modalidaz:

  • Ámbar Especial: ye a suya biera estrela. Biera Lager de color ambarino y acetura característica, en equilibrio con o suyo cuerpo. 5,2% d'alcohol.
  • Ámbar Premium: ye a suya segunda biera Lager, mas lichera. Ye comercializata nomás que en formato d'1 litro. 4,5% d'alcohol.
  • Ámbar Sin: se tractaba de una biera sin alcohol que apareixió en 1976. Con ella, La Zaragozana se convirtió en a primera interpresa en comercializar ista mena de biera en Espanya.
  • Ámbar Green: nombre que adoptó l'Ámbar Sin dende 1993. En a suya producción s'emplega una mezcla de distintas variedaz de maltas y roz parellans a las emplegatas en a producción d'as bieras de mena "Pilsen", dando a ista biera as caracteristicas d'una biera normal en sapia, cuerpo y acetura. 0,0% d'alcohol.
  • Ámbar Export (d'antis Export): prencipió a producir-se en 1980. Se tracta d'una biera de color roya, turrata, cerenya, elaborata con tres maltas que li confieren a suya sapia, cuerpo, y aroma personal. Con doble periodo d'amasegata y cachana maduración en bodega. 7% d'alcohol.
  • Marlen: ye una biera de fabricación tradicional. Biera Dortmunder de color amariello palido y bouquet con una acetura delicata, licherament aromatica. 5,8% d'alcohol.
  • Ámbar 1900: a suya producción prencipió en 1996. Se emplega o sistema d'amasegata a alta temperatura, biera mena "Pale-ale". 4,8% d'alcohol.
  • Ámbar Negra: biera negra en a producción d'a cual se emplega zucre de canya de zucre. 4,8% d'alcohol.
  • Ámbar Lemon: biera Ámbar con un toque de limón. 0,0% d'alcohol.
  • Ámbar Mansana: biera Ámbar con un toque de manzana. 0,0% d'alcohol.
  • Ámbar Caesaraugusta: presentata en chulio de 2008. Primera biera espanyola feita con trigo, a l'estilo d'as bieras belgas. 5,2% d'alcohol.
  • Sputnik: biera aromatizata con vodka, perfumada con citricos. 5,9% d'alcohol.
  • Ámbar apta para Celíacos: presentata con enchaquia d'a Exposición Internacional de Zaragoza de 2008, ye una biera sin gluten apta ta celiacos. 5,2% d'alcohol.
  • Ámbar Green apta para Celíacos: presentata en octubre de 2011, ye a primera biera sin alcohol apta ta celiacos. 0,0% d'alcohol.

La Zaragozana tamién produce, baixo licencia, a biera d'a marca Moritz, d'orichen barcelonés y perteneixient actualment a lo mesmo grupo que La Zaragozana.

Vinclos externos[editar | modificar o codigo]