La Coquito

Iste articlo ye sobre una cinta de comedia dramatica musical coproducida por Espanya y Mexico; ta la novela sobre la cual se basa la cinta, se veiga La Coquito (novela).

La Coquito
Títol	La Coquito
Ficha tecnica
Dirección	Pedro Masó
Aduyant de dirección	Ricardo Huertas
Producción	José Alted Francisco Hueva
Guión adaptau	Pedro Masó Antonio Vich
Basau en	La Coquito, novela de Joaquín Belda (1916)
Musica	Gregorio García Segura
Fotografía	Alejandro Ulloa
Montache	Alfonso Santacana
Escenografía	Ramiro Gómez
Vestuario	Rafael Richards
Maquillache	Julián Ruiz
Peluquería	Julián Ruiz
Actors	Iliana Ross Amparo Rivelles Fernando Allende Carlos Bracho Juanito Navarro Pancho Córdova Rafael Navarro Alfredo Alba Martín Garrido Ramis Alfonso Godá Pedro Civera José Luis Lespe Eugenia Roca Luis María Lasala Julián Navarro Alejandro Ulloa José Luis Barceló
Color	Eastmancolor
Datos y cifras
País(es)	Espanya Mexico
Anyo	1977
Estreno	5 d'aviento de 1977 Barcelona (Catalunya, Espanya) 16 de noviembre de 1978 Mexico
Chenero(s)	Cine de comedia Cine de drama Cine musical
Durada	103 min.
Idioma(s)	Castellano
Companyías
Productora(s)	Impala Pedro Masó Producciones Cinematográficas Películas Mundiales y TV Producciones

La Coquito (títol orichinal en castellano, en aragonés A Coquito, estrenada en Aragón con o suyo títol orichinal) ye una cinta de cine de comedia dramatica musical coproducida por o cine espanyol y lo cine mexicano estrenada l'anyo 1977, dirichida por Pedro Masó seguntes un guión adaptau por Pedro Masó y Antonio Vich (basau en a novela La Coquito, que heba publicau Joaquín Belda en l'anyo 1916), con una banda sonora orichinal de Gregorio García Segura, una dirección de fotografía d'Alejandro Ulloa, una producción cinematografica de José Alted y Francisco Hueva ta las productoras Impala, Pedro Masó Producciones Cinematográficas y Películas Mundiales y TV Producciones, y un elenco composau por Iliana Ross, Amparo Rivelles, Fernando Allende, Carlos Bracho, Juanito Navarro, Pancho Córdova, Rafael Navarro, Alfredo Alba, Martín Garrido Ramis, Alfonso Godá, Pedro Civera, José Luis Lespe, Eugenia Roca, Luis María Lasala, Julián Navarro, Alejandro Ulloa y José Luis Barceló, entre d'atros actors.

Micaela ye una artista espanyola que s'heba instalau en Cuba ta consolidar a suya carrera artistica, pero no tenió a la fin exito y remanió como bailarina sin futuro en a isla. Mientres os anyos 1910 a suya filla Adela, que fa servir como nombre artistico "La Coquito", ye una choven bien pareixida y polida, y la fa servir ta poder sobrevivir, en organizando espectaclos a on rifa una nueit con a suya filla a los hombres que i partecipen en trescruzando lugarons perdius d'a isla. Cansadas d'ixa vida, marchan enta L'Habana, a on consiguen que un empresario local contracte a su filla ta un espectaclo, cosa que provoca un cambio bien important en as suyas vidas. Bien luego las troba un empresario espanyol, que lis ufre de marchar con él enta Madrit. Cuan i plegan, se troban en bel meyo d'una manifestación a on i partecipa Julio, un militant d'o Partido Socialista Obrero Español, qui s'enamora d'ella nomás que la veye, mesmo que "La Coquito" se siente atrayida por él. Atamas d'ixo, Adela torna a casi que subhastar a su filla ta que tienga citas constants con personaches destacaus d'a sociedat madrilenya d'os anyos 1910. Encara que en primeras ixo provoca grieus problemas entre "La Coquito" y Julio, prencipian una relación bien complexa.

A cinta s'ambienta en os anyos 1910 en L'Habana (provincia de L'Habana) y bels atros puestos en Cuba y en Madrit (Comunidat de Madrit) en Espanya; y las suyas escenas se filmoron en Puerto Rico y en Espanya.

La Coquito ye una cinta que ha recibiu bel premio, encara que sin que dito premio perteneixca a lo conchunto de premios mas conoixius u destacaus d'o panorama cinematografico internacional.

Elenco

Actor	Papel	Notas
	'

Se veiga tamién

• Cine en 1977.
• Cintas de 1977.

Vinclos externos

• (en) La Coquito en Internet Movie Database.
• (es) La Coquito en FilmAffinity.