Katyń (cinta)

Iste articlo ye sobre una cinta polaca de cine de drama historico belico; ta atros usos, se veiga Katyń (desambigación).

Katyń
Títol	Katyń
Ficha tecnica
Dirección	Andrzej Wajda
Dirección artistica	Marek Kukawski Ryszard Melliwa
Producción	Michał Kwieciński
Disenyo de producción	Magdalena Dipont
Guión adaptau	Andrzej Wajda Władysław Pasikowski Przemysław Nowakowski
Basau en	Post Mortem: The Story of Katyn, relato d'Andrzej Mularczyk
Musica	Krzysztof Penderecki
Soniu	Roberto Cappannelli Katarzyna Dzida-Hamela Leszek Freund Jacek Hamela Radoslaw Sklodowski Marek Wronko
Fotografía	Paweł Edelman
Montache	Milenia Fiedler Rafał Listopad
Escenografía	Wieslawa Chojkowska
Vestuario	Magdalena Biedrzycka
Maquillache	Aneta Brzozowska Agnieszka Hodowana Alicja Kozlowska Tomasz Matraszek Waldemar Pokromski Beata Rolkowska
Casting	Ewa Brodzka
Actors	Andrzej Chyra Artur Żmijewski Maja Ostaszewska Wiktoria Gąsiewska Władysław Kowalski Maja Komorowska Jan Englert Danuta Stenka Sergei Garmash Agnieszka Kawiorska Stanisława Celińska Paweł Małaszyński Magdalena Cielecka Agnieszka Glińska Anna Radwan Antoni Pawlicki Alicja Dąbrowska Jakub Przebindowski Krzysztof Globisz Oleh Drach Jacek Braciak
Color	Kodakvision
Datos y cifras
País(es)	Polonia
Anyo	2007
Estreno	17 de setiembre de 2007 Varsovia (Voivodato de Mazovia, Polonia)
Chenero(s)	Cine de drama Cine historico Cine belico
Durada	115 min.
Idioma(s)	Polaco Ruso Alemán
Companyías
Productora(s)	Akson Studio
Distribución	ITI Cinema
Presupuesto	4 millons d'euros
Recauto	14.768.451 de dólars
Informacions en bases de datos especializadas:

Katyń (títol orichinal, estrenada en Aragón con ixe mesmo títol) ye una cinta de cine polaco de cine de drama historico belico estrenada l'anyo 2007, dirichida por Andrzej Wajda seguntes un guión adaptau por él mesmo, Władysław Pasikowski y Przemysław Nowakowski (basau en Post Mortem: The Story of Katyn, relato d'Andrzej Mularczyk), con una banda sonora orichinal de Krzysztof Penderecki, una dirección de fotografía de Paweł Edelman, una producción cinematografica de Michał Kwieciński ta la productora cinematografica Akson Studio y un elenco d'actors formau por Andrzej Chyra, Artur Żmijewski, Maja Ostaszewska, Wiktoria Gąsiewska, Władysław Kowalski, Maja Komorowska, Jan Englert, Danuta Stenka, Sergei Garmash, Agnieszka Kawiorska, Stanisława Celińska, Paweł Małaszyński, Magdalena Cielecka, Agnieszka Glińska, Anna Radwan, Antoni Pawlicki, Alicja Dąbrowska, Jakub Przebindowski, Krzysztof Globisz, Oleh Drach Jacek Braciak, entre d'atros.

Andrzej ye un capitán de l'exercito polaco que leva un detallau diario. Cuan en setiembre de 1939 esclata la Segunda Guerra Mundial, a suya unidat, l'8^eno Rechimiento d'Ulans Prencipe Józef Poniatowski, remanie en Cracovia dica la invasión sovietica de Polonia a meyaus d'ixe mesmo mes, en que ye feito presonero por l'Exercito Royo. Deseparan a los soldaus d'os oficials, deixando que los primeros tornen enta las suyas casas pero retenendo presoneros a los oficials. Anna, la muller, y Weronika, la filla, troban a Andrzej y li ufren a posibilidat de fuyir, pero lo capitán prefiere remanir con os suyos companyeros y ye deportau enta la Unión Sovietica. Con muitos problemas, Anna consigue tornar enta Cracovia gracias a l'aduya d'un oficial ruso, que la salva d'estar detenida como las mullers de bels atros oficials polacos. En o Gubierno Cheneral (a Polonia ocupada por o Tercer Reich) os alemans prencipian a represión. En Cracovia, zarran a Universidat Jaguellonica, deportando poco dimpués a los suyos profesors, entre éls a lo pai d'Andrzej, a muerte d'o cual comunican a la suya familia en 1941. Anna contina asperando noticias d'Andrzej, qui ha deixau de comunicar-se, sin saber que entre abril y mayo de 1940 s'heba escaiciu a mortalera de Katyń, en a cual heba estau asasinau. En rematar a guerra con a redota alemana, Polonia queda en mans d'os sovieticos, que afirman que los autors d'a mortalera estioron os alemans.

A cinta s'ambienta en os anyos 1939, 1940, 1941 y 1945 en Cracovia (Voivodato de Polonia Menor) y atros puestos de Polonia y en a provincia de Smolensk en Rusia. As suyas escenas se filmoron en Wyszków, Varsovia y Zielonka (voivodato de Mazovia), Cracovia y Kasina Wielka (Voivodato de Polonia Menor), Stary Dzików y atras localizacions en o voivodato de Subcarpacia, Poswietne y Studzianna (voivodato de Łódź) en Polonia.

Se tracta d'una cinta que ha recibiu cuantos premios y nominacions, en destacando una nominación a lo Premio Oscar a la Millor Cinta en luenga no anglesa en 2008 mientres a 80^ena edición d'os Premios Oscar; y un Premio d'o Cine Europeu a lo Millor Disenyo de Vestuario en 2008 mientres a 21^ena edición d'os Premios d'o Cine Europeu

Elenco

Actor	Papel	Notas
	'

Se veiga tamién

• Cine en 2007.
• Cintas de 2007.

Vinclos externos

• Se veigan as imáchens de Commons sobre Katyń.
• (en) Katyń en Internet Movie Database.
• (en) Katyń en Metacritic.
• (en) Katyń en Rotten Tomatoes.

• Datos: Q714713
• Multimedia: Katyń (film) / Q714713