Karlsplatz (Viena)
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
A Karlsplatz (en dialecto vienés Karlsplåz, literalment plaza de Carlos) ye una plaza situata en a muga entre os districtos d'Innere Stadt y Wieden en Viena, Austria. A plaza se troba situata en una crucillata entre cuantas carreras importants d'o centro d'a capital austriaca. Entre os anyos 1894 y 1900 se reguló y cubrió o curso d'o río Viena que pasa chunto a la plaza y en 1899 le'n dioron o nombre en honor de l'emperador Carlos VI. Iste emperador, qui tamién estió rei d'Aragón mientres a Guerra de Succesión Espanyola, fació construyir a ilesia entre os anyos 1716 y 1737 dimpués d'a epidemia de peste que habió en a ciudat.
Descripción[editar | modificar o codigo]
Ye un d'os puntos millos connectatos y mas vesitatos d'a ciudat. En a Karlplatz se troba a Kalrskirche u Ilesia de Sant Carlos Borromeo. O Resselpark, adornato por numerosos molimentos, ocupa a mayor parti d'a plaza y se sitúa en a parti sud. A Evangelische Schule (Escuela Evanchelica) y a Technische Universität Wien se troban tamién en a plaza. Debant d'a Karlskirche bi ha una basa d'agua y una escultura de Henry Moore y en os atros costatos d'a plaza i son l'edificio d'o Museu de Viena y l'edificio de seguros Winterthur. Deseparatos d'a plaza, a o norte se troban os edificios d'a Wiener Musikverein, o Kunstlerhaus y a Handelsakademie (a Escuela de Negocios).
Dende o primer districto se i puet acceder a traviés d'o metro u bien a traviés d'a carrera Operngasse. Encara que ya no i pasa o tramvía, a viella gara d'ista plaza se fa servir encara actualment como boca d'o Metro de Viena.
Arte y cultura[editar | modificar o codigo]
A exposición d'os United Buddy Bears s'exhibió por primera vegada en Austria en l'año 2006 en ista plaza. A inauguración contó con a presencia de Christiane Hörbiger, actriz cinematografica y embaixadora d'UNICEF. Seguntes o Concello de Viena, colaborador d'o prochecto, cuasi un millón de visitants s'amanoron enta a muestra mientres as seis semanas de duración d'ista.
Bibliografía[editar | modificar o codigo]
- Elke Doppler, Christian Rapp, Sándor Békési (Hrsg.): Am Puls der Stadt. 2000 Jahre Karlsplatz (Katalog zur gleichnamigen Ausstellung des Wien Museums). Czernin Verlag, Wien 2008, ISBN 978-3-7076-0266-1
Vinclos externos[editar | modificar o codigo]
Se veigan as imáchens de Commons sobre Karlsplatz.- (de) Historia d'a Karlsplatz
- (de) Kunstplatz Karlsplatz
- (de) 1. und 4., Kunstplatz Karlsplatz - realisiertes Bauvorhaben, Archivmeldung der Rathauskorrespondenz
- (de) Karlsplatz/Resselpark
- (de) wien.at – Kunstplatz Karlsplatz
