Karen Black

Karen Black
L'actriz, guionista, compositora y cantaire estausunidense Karen Black, en una imachen de 1977.
Información cheneral
Nombre real	Karen Blanche Ziegler
Calendata naiximiento:	1 de chulio de 1939
Puesto naiximiento:	Park Ridge (Illinois, Estaus Unius)
Calendata muerte:	8 d'agosto de 2013
Puesto muerte:	Los Angeles (California, Estaus Unius)
Enterreco:	Eternal Hills Memorial Park, Oceanside, California
Ocupación:	Actriz Guionista Cantaire Compositora
Alma Máter	Universidat Purdue Universidat d'o Nordueste
Pai:	Norman Arthur Ziegler
Mai:	Elsie Mary Reif
Conchuche:	Charles Black (esvurcio) Robert Burton ​(1973-1975, esvurcio) L. M. Kit Carson ​(1975-1983, esvurcio) Stephen Eckelberry (1987-)
Fillos:	3, incluyiu Hunter Carson
Premios Oscar
Premio Oscar a la Millor Actriz Segundaria: -1971: Nominada por Five Easy Pieces
Globos d'Oro
Premio Globo d'Oro a la Millor Actriz Segundaria: -1971: por Five Easy Pieces -1975: por The Great Gatsby Premio Globo d'Oro a la Millor Actriz Dramatica: -1976: Nominada por The Day of the Locust

Karen Black (nombre artistico de Karen Blanche Ziegler), naixida de Park Ridge (Illinois, Estaus Unius) l'1 de chulio de 1939 y falleixida por un cáncer de l'anbolla de Vater en Los Angeles (California, Estaus Unius) l'8 d'agosto de 2013, estió una actriz, guionista, cantaire y compositora estausunidense, activa en o cine estausunidense dende primerías d'os anyos 1960 dica la suya muerte, y con cuantos premios y nominacions recibius mientres a suya carrera profesional. Yera chirmana de l'actriz Gail Brown y mai de l'actor, director, guionista y productor cinematografico Hunter Carson.

D'entre la suya filmografía como actriz, pueden mencionar-se bellas cintas a on i treballó, como You're a Big Boy Now (1966, Francis Ford Coppola), Easy Rider (1969, Dennis Hopper), A Gunfight (1971, Lamont Johnson), Little Laura and Big John (1973, Luke Moberly y Bob Woodburn), The Great Gatsby (1974, Jack Clayton), Airport 1975 (1974, Jack Smight), Nashville (1975, Robert Altman), Capricorn One (1977, Peter Hyams), In Praise of Older Women (1978, George Kaczender), Bad Manners (1984, Bobby Houston), Invaders from Mars (1986, Tobe Hooper), Mirror, Mirror (1990, Marina Sargenti), Children of the Night (1991, Tony Randel), The Roller Blade Seven (1991, Donald G. Jackson), Children of the Corn IV: The Gathering (1996, Greg Spence), The Independent (2000, Stephen Kessler), House of 1000 Corpses (2003, Rob Zombie), Suffering Man's Charity (2007, Alan Cumming), u Repo Chick (2009, Alex Cox).

Premios

L'anyo 1971, mientres a 43^ena edición d'os Premios Oscar, l'actriz Karen Black fue nominada a lo Premio Oscar a la Millor Actriz Segundaria por o suyo papel de "Rayette Dipesto" en a cinta Five Easy Pieces, dirichida por Bob Rafelson. Por ista mesma cinta heba estau ganadora d'o Premio Globo d'Oro a la Millor Actriz Segundaria ixe mesmo anyo, en a 28^ena edición d'os Premios Globos d'Oro.

Ganó lo suyo segundo Globo d'Oro a la Millor Actriz Segundaria en 1975, en a suya 32^ena edición, por a suya interpretación de "Myrtle Wilson" en a cinta The Great Gatsby, dirichida por Jack Clayton.

Tamién fue nominada a lo Premio Globo d'Oro a la Millor Actriz Dramatica en 1976, en a 33^ena edición d'os Globos, ista vegada por a suya actuación en a cinta The Day of the Locust, que heba dirichiu John Schlesinger.

Filmografía

Cintas

Anyo	Títol d'a cinta	Director	Banda sonora	Elenco	Atros
[[]]	[[]]	[[]]	[[]]	[[]]

Series de televisión

Serie	Anyo	Episodio	Director	Elenco	Atros
[[]]	[[]]	[[]]	[[]]	[[]]

Se veiga tamién

• Cintas interpretadas por Karen Black.

Vinclos externos

• Se veigan as imáchens de Commons sobre Karen Black.
• (en) Karen Black en Internet Movie Database.
• (en) Karen Black en Internet Broadway Database.
• (en) Karen Black en AllMovie.
• (en) Karen Black en Discogs.

• Datos: Q232333
• Multimedia: Karen Black / Q232333