Juanfran Pérez Llorca
| Molt Honorable Senyor (Muit Honorable Sinyor) Juan Francisco Pérez Llorca | |
|---|---|
| 2 d'aviento de 2025 – en o cargo | |
| Monarca | Felipe VI |
| Gubierno | Pérez Llorca |
| Viceprimer ministro | Vicepresidenta primera: -Susana Camarero Benítez (2025-) Vicepresident segundo: -José Luis Díez Climent (2025- ) Vicepresident tercero: -Vicente Martínez Mus (2025- ) |
| Precediu por | Carlos Mazón Guixot |
| Succediu por | en o cargo |
| 3 d'agosto de 2023 – En o cargo | |
| President | Carlos Mazón Guixot |
| Precediu por | Isabel Bonig |
| Succediu por | en o cargo |
| 12 de chulio de 2024 – 19 de noviembre de 2025 | |
| Precediu por | Miguel Barrachina Ros |
| Succediu por | Fernando Pastor Llorens |
| 13 de chunio de 2015 – 28 de noviembre de 2025 | |
| Precediu por | Honorato Algado Martínez |
| Succediu por | Nati Algado Sellés |
| 26 de chunio de 2023 – en o cargo | |
| 10 de chunio de 2003 – 28 de noviembre de 2025 | |
| 2015 – 2023 | |
| Naiximiento | 1975.svg){kind=small} Finestrat (Marina Baixa, País Valenciano) |
| Partiu | Partido Popular de la Comunidad Valenciana |
| Profesión | Politico Empresario |
Juan Francisco Pérez Llorca (mas conoixiu como Juanfran Pérez Llorca), naixiu de Finestrat (Marina Baixa, País Valenciano) en l'anyo 1976, ye un empresario y politico valenciano militant d'o Partido Popular de la Comunidad Valenciana, partiu con o cual ha estau succesivament concellero d'o Concello de Finestrat (dende 2003 dica 2025), alcalde de Finestrat (dende 2015 dica 2025), deputau en a Deputación Provincial d'Alicant dende 2015 dica 2023, deputau d'a XI Lechislatura d'as Corz Valencianas por a provincia d'Alicant (dende 2023), secretario cheneral d'o partiu (dende 2023), portavoz d'o Grupo Parlamentario Popular en as Corz Valencianas (dende 2024) y president d'a Gubierno d'a Cheneralidat Valenciana, presidindo lo Gubierno Pérez Llorca, dende lo 2 d'aviento de 2025.[1]
Pimers anyos
[editar | modificar o codigo]Juanfran Pérez Llorca vivió en a suya localidat natal de contino. estudió en o Colechio Ricardo Mayor de Finestrat, ta continat posteriorment como interno los suyos estudios en o Colechio La Concepción, situau en Ontenyent.[2] Posteriorment dentró a treballar en os negocios familiars, sin continar con estudios universitarios.[2]
Carrera politica
[editar | modificar o codigo]Politica municipal
[editar | modificar o codigo]Prencipió la suya militancia en o Partido Popular de la Comunidad Valenciana en l'anyo 2003, cuan partecipó en as listas d'o partiu ta o Concello de Finestrat,[2] o suyo lugar natal, en as eleccions d'ixe anyo, estando esleyiu rechidor, con o suyo partiu en a oposición. En as municipals de 2007 o Partido Popular ganó l'alcaldía, y Juanfran Pérez Llorca fue nombrau responsable d'Urbanismo, repetindo-se exactament a mesma situación en as eleccions municipals de 2011.[2]
En as municipals de 2015 ye lo candidato d'o suyo partiu a l'alcaldía de Finestrat, en substitución de l'anterior alcalde, Honorato Algado Martínez, estando esleyiu alcalde, situación que tornó a producir-se en as municipals de 2019.
Politica provincial
[editar | modificar o codigo]Simultaniament, en as eleccions de 2015 fue esleyiu deputau provincial en a Deputación Provincial d'Alicant por o partiu chudicial de Benidorm, d'o cual fa parte Finestrat, tornando a estar-ne esleyiu en as municipals de 2019, por o mesmo partiu chudicial.
Simultaniament, estió coordinador provincial d'o suyo partiu en a provincia d'Alicant como estreito colaborador de l'alabez politico provincial Carlos Mazón Guixot, qui yera lo dirichent provincial d'o partiu.
Politica autonomica
[editar | modificar o codigo]Cuan en chulio de 2021 Carlos Mazón fue nombrau president d'o Partido Popular de la Comunidad Valenciana, Pérez Llorca dentró tamién en a executiva autonomica d'o Partido Popular como vicesecretario d'Organización d'o partiu.[3]
En as eleccions a Corz Valencianas de 2023 fue esleyiu deputau pr a circumscripción electoral d'Alicant en a lista electoral encabezada por Carlos Mazón, y fue nombrau tamién secretario cheneral d'o partiu,[3] amás d'estar nombrau portavoz parlamentario adchunto d'o Partido Popular en as Corz Valencianas.
Cuan en chulio de 2024 Vox trencó lo suyo pacto de gubierno con o Partido Popular, fue nombrau portavoz parlamentario d'o Grupo Parlamentario Popular en as Corz Valencianas substituyindo a Miguel Barrachina Ros, qui pasó a estar consellero d'Agricultura, Ganadería y Pesca en o Gubierno Mazón.[4]
En chulio de 2025, coincidindo con os problemas politicos de Mazón derivaus d'a suya actuación en a depresión aislada en livels altos que s'escaició en a Comunidat Valenciana lo 29 d'octubre de 2024, fue nombau miembro d'o Comité Executvo d'o Partido Popular por o suyo president, Alberto Núñez Feijóo.[5]
Cuan finalment o 3 de noviembre de 2025 Mazón presentó la suya dimisión como president d'a Cheneralidat, Pérez Llorca fue esleyiu por o president d'o Partido Popular, Núñez Feijóo, como candidato a la presidencia d'a Cheneralidat Valenciana,[6] y lo 19 de noviembre presentó formalment a suya candidatura a la presidencia d'a Cheneralidat.[7] O 27 de noviembre s'escaició lo debat d'investidura, estando esleyiu por mayoría absoluta como nuevo president d'a Cheeralidat Valenciana con 53 votos a favor (Vox y Partido Popular de la Comunidad Valenciana) y 46 en contra (Partit Socialista del País Valencià-PSOE y Compromís).[8]
O 28 de noviembre, Pérez Llorca presentó la suya dimisión como concellero y alcalde de Finestrat,[9] y lo 29 de noviembre se publicó en o Boletín Oficial del Estado lo suyo nombramiento como president d'a Cheneralidat Valenciana,[10] prencipiando lo suyo mandato presidencial en churar o cargo lo 2 d'aviento de 2025.[11]
Referencias
[editar | modificar o codigo]- ↑ (ca) Juanfran Pérez Llorca pren possessió com a president de la Generalitat amb la jura del càrrec, en A Punt, 2 d'aviento de 2025.
- 1 2 3 4 (es) Patricia Núñez: Así es Juanfran Pérez Llorca: divorciado y con dos hijas, un polémico patrimonio y su sueldo como presidente valenciano, en Vozpópuli, 27 de noviembre de 2025.
- 1 2 (es) Pérez Llorca sustituye a Catalá en la secretaría general de PPCV, en a web d'Europa Press, 3 d'agosto de 2023.
- ↑ (es) Rosana Crespo: Juanfran Pérez Llorca, nuevo portavoz del PP en Les Corts en sustitución de Miguel Barrachina, en Valencia Plaza, 12 de chulio de 2024.
- ↑ (es) Así queda el Comité Ejecutivo del PP: Feijóo incorpora a Pérez Llorca y repiten Catalá, Fabra y Barcala en Valencia Plaza, 5 de chulio de 2025.
- ↑ (es) Jornada política del 11 de noviembre de 2025 | Mazón tilda a Pérez Llorca de “extraordinario candidato” para presidir la Generalitat Valenciana, en El País, 12 de noviembre de 2025.
- ↑ (es) Ferran Bono: Pérez Llorca presenta su candidatura para relevar a Mazón al ver muy cercano el acuerdo con Vox: “Si no, no lo haría”, en El País, 19 de noviembre de 2025.
- ↑ (es) Juanfran Pérez Llorca, investido presidente de la Generalitat Valenciana con los 40 votos del PP y los 13 de Vox, en Europa Press, 27 de noviembre de 2025.
- ↑ (es) Juanfran Pérez Llorca presenta su renuncia como alcalde con tristeza pero contento tras 21 años, en Valencia Plaza, 28 de noviembre de 2025.
- ↑ (es) Real Decreto 1080/2025, de 28 de noviembre, por el que se nombra President de la Generalitat Valenciana a don Juan Francisco Pérez Llorca, en o Boletín Oficial del Estado d'o 29 de noviembre de 2025.
- ↑ (es) Directo: Pérez Llorca toma posesión como 'president' de la Generalitat Valenciana, en Valencia Plaza, 2 d'aviento de 2025.
- Alcaldes de Finestrat
- Concellers d'o Concello de Finestrat
- Conservadors d'o País Valenciano
- Deputaus d'a Deputación Provincial d'Alicant
- Deputaus d'a XI Lechislatura d'as Corz Valencianas
- Empresarios d'o País Valenciano
- Gubierno Pérez Llorca
- Naixius de Finestrat
- Politicos d'o País Valenciano
- Politicos d'o Partido Popular de la Comunidad Valenciana
- Presidents d'a Cheneralidat Valenciana
- Secretarios chenerals d'o Partido Popular de la Comunidad Valenciana
- 1976 (naixencias)