Juan Ponce de León

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Juan Ponce de León
Información personal
Calendata de naixencia 8 d'abril de 1460
Puesto de naixencia Santervás de Campos, Valladolit
Calendata de muerte chulio de 1521
Puesto de muerte L'Habana, Cuba
Ocupación Conqueridor

Juan Ponce de León (Santervás de Campos, Valladolit, se creye que o 8 d'abril de 1460 - †Cuba, chulio de 1521), estió lo conqueridor castellano de Puerto Rico y descubridor de Florida.

D'ascendencia noble, estió pache en a cort de Ferrando lo Catolico y combatió en a conquista d'o Reino de Granada. No se sape si o suyo primer viache a America lo fació con Cristofo Colombo en 1493, u ya con Ovando en 1502. De totas trazas, colaboró con iste en a conquista de La Española, qui le encargó a conquista de l'amanata isla de San Juan Bautista (Puerto Rico) en 1508. Fundó en ixa isla a ciudat de Caparra (hue ye a ciudat de San Juan de Puerto Rico), con l'aduya d'o cacique local, o taíno Agüeybaná.

Estió Gubernador de Puerto Rico en 1508-1509, 1510-1511 y 1515-1519. Mientres os suyos gubiernos organizó as empresa de menería en a isla, y por treballo forzato en rechimen de cuasi esclavitut, amás d'as malautias portadas por os conqueridors a l'isla, bi habió una gran mortalera entre os amerindios (o pueblo d'os taínos).

Mas tardi descubrió una zona a lo norte a la que clamó A Florida. Fue ferito por os indios Calusa en una d'as suyas posteriors expedicions a la peninsula de Florida y habió de tresladar-se a La Habana, a on morió debito a la ferita. A suya sepoltura ye situata en a seu de Viello Sant Chuan en Puerto Rico.

Vinclos externos[editar | modificar o codigo]