Joyeux Noël (cinta de 2005)

Iste articlo ye sobre una cinta de cine de drama belico estrenada en 2005; ta atros usos, se veiga Joyeux Noël.

Joyeux Noël
Títol	Joyeux Noël
Ficha tecnica
Dirección	Christian Carion
Dirección artistica	Vraciu Eduard Daniel Anina Diener Ève Machuel
Producción	Christophe Rossignon Benjamin Herrmann
Disenyo de producción	Jean-Michel Simonet
Guión orichinal	Christian Carion
Musica	Philippe Rombi
Fotografía	Walther Vanden Ende
Montache	Judith Rivière Kawa Andrea Sedlácková
Escenografía	Patrick Colpaert
Vestuario	Alison Forbes-Meyler
Maquillache	Emmanuelle Brechet Gabi Cretan Julie David Amber Sibley Caitlin Tanner Andrea Dardea Tesdall Andreea Tudose
Peluquería	Jan Archibald Cristina Chitu Brigitte Laurent Tony Rocchetti Josette Roger Morag Smith
Efectos especials	Jean-Christophe Bourgeois Joshua Clement Olivier de Laveleye Razvan Pascal Antoine Vander Winkel
Casting	Susie Figgis Sabine Schroth
Actors	Benno Fürmann Guillaume Canet Diane Kruger Gary Lewis Alex Ferns Dany Boon Daniel Brühl Christian Carion Christopher Fulford Mathias Herrmann Neil McNulty Lucas Belvaux Steven Robertson Suzanne Flon Bernard Le Coq Ian Richardson Thomas Schmauser
Color	Panavision
Datos y cifras
País(es)	Francia Alemanya Reino Uniu Belchica Rumanía Chapón
Anyo	2005
Estreno	16 de mayo de 2005 Festival Internacional de Cine de Canas (Canas, Alpes Maritimos, Francia) 24 de noviembre de 2005 Alemanya 30 de noviembre de 2005 Belchica 16 d'aviento de 2005 Reino Uniu 23 d'aviento de 2005 Rumanía 26 d'abril de 2006 Chapón
Chenero(s)	Cine de drama Cine belico
Durada	116 min.
Idioma(s)	Francés Anglés Alemán Latín
Companyías
Productora(s)	Nord-Ouest Films Senator Film Produktion The Bureau Artémis Productions Media Pro Pictures TF1 Films Production Les Productions de la Guéville
Estudio(s)	MediaPro Studios
Presupuesto	22 millons de dólars
Recauto	17,7-23,1 millons de dólars
Informacions en bases de datos especializadas:

Joyeux Noël (títol orichinal en francés, en aragonés Feliz Navidat, estrenada en Aragón con o suyo títol traduciu enta lo castellano como Feliz Navidad) ye una cinta de cine de drama belico coproducida por o cine francés, o cine alemán, o cine britanico, lo cine belga, lo cine rumano y lo cine chaponés y estrenada l'anyo 2005, dirichida por Christian Carion seguntes un guión orichinal d'él mesmo, con una banda sonora orichinal de Philippe Rombi, una dirección de fotografía de Walther Vanden Ende y una producción cinematografica de Christophe Rossignon y Benjamin Herrmann ta las productoras Nord-Ouest Films, Senator Film Produktion, The Bureau, Artémis Productions, Media Pro Pictures, TF1 Films Production y Les Productions de la Guéville. Conta con un elenco d'o cual en fan parte, entre d'atros, os actors Benno Fürmann, Guillaume Canet, Diane Kruger, Gary Lewis, Alex Ferns, Dany Boon, Daniel Brühl, Christian Carion, Christopher Fulford, Mathias Herrmann, Neil McNulty, Lucas Belvaux, Steven Robertson, Suzanne Flon, Bernard Le Coq, Ian Richardson y Thomas Schmauser.

A cinta s'inspira en feitos reals: d'una man, os cuantos episodios de treugua de Navidat escaicidos en a Nueit de Nadal y la Nueit de Cabo d'Anyo en 1914 mas que mas en o Frent Occidental mientres a Primera Guerra Mundial, y d'atra man o feito de que lo prencipe Guillén de Prusia y hereu de l'Imperio Alemán ninviase enta lo frent a lo tenor Walter Kirchhoff, voz prencipal d'a Orquestra Imperial de Berlín, a cantar ta los soldaus alemans, y que los soldaus escoceses de l'exercito britanico salisen d'as suyas trincheras ta aplaudir-lo. A cinta se centra en seis personaches: Gordon (tenient britanico d'os Royal Scots Fusiliers), Audebert (tenient francés d'o 26^eno Rechimiento d'Infantería), mosén Palmer (un mosén escocés), Horstmayer (un tenient chudieu alemán d'a 93^ena División d'Infantería), Nikolaus Sprink (un tenor aleman mobilizau) y Anna Sørensen (la suya novia danesa y mezzosoprano). Comienza con ninos en as escuelas fendo discursos patrioticos, ta enlazar con las succesivas mobilizacions de toz os protagonistas ta rematar trobando-se en as trincheras. Audebert mira una fotografía de su muller embarazada que ha teniu un fillo pero se troba en territorio ocupau por os alemans y él no conoix, y partecipa en un ataque fracasau con muitas victimas, entre ellas William, un d'os soldaus a qui acompanyaba mosén Palmer. Anna ha obteniu un permiso ta actuar chunto con Sprink dabant d'o prencipe Guillén y, en rematar, marchan enta las trincheras ta cantar ta los soldaus. Cuan os escoceses prencipian a cantar cancions nadalencas tanyendo gaitas, Anna y Nikolaus cantan ta los suyos soldaus Stille Nacht, heilige Nacht y los gaiters prencipian a acompanyar-los musicalment. Sprink marcha d'a suya trinchera con un árbol de Navidat en cantando Adeste Fideles, y ixo fa que finalment Audebert, Horstmayer y Gordon se reúnan en tierra de denguno y alcuerden una treugua mientres ixa nueit. Os soldaus franceses, angleses y alemans se troban, y intercambian beliquez, bebidas y birolla, fendo-se mesmo confidencias personals y descubrindo afinidaz con os suyos enemigos. Horstmayer torna a Audebert a suya cartera, que heba perdiu en un ataque, y en a que bi ha una fotografía de su muller que creyeba haber perdiu, y mesmo alcuerdan trobar-se en París malas que remate la guerra. Mosén Palmer fa una misa en latín en a que partecipan toz os soldaus. A lo día siguient, cuan Horstmayer conoix que se ye preparando un bombardeyo d'as trincheras aliadas, convidan a los soldaus aliaus a las suyas propias trincheras ta evitar victimas, y lo mesmo fan os aliaus cuan s'aspera lo bombardeyo como respuesta contra las trincheras alemanas. Tanimientres, bien luego los mandos d'os respectivos exercitos descubren lo que s'ha escaiciu.

Joyeux Noël s'ambienta en 1914 en Francia mientres a Primera Guerra Mundial, y las suyas escenas se filmoron en Rumanía, en Barlin, Brias y atros puestos en o Paso de Calais (Francia), Brandemburgo (Alemanya), Highland en Escocia (Reino Uniu) y en os MediaPro Studios en Bucarest en Rumanía.

Se tracta d'una cinta que ha recibiu cuantos premios y nominacions, en destacando seis nominacions a los Premios César (Millor Cinta, Millor Actor Segundario, Millor Guión Orichinal, Millor Banda Sonora Orichinal, Millor Vestuario y Millor Disenyo de Producción) en 2006 mientres a 31^ena edición d'os Premios César; una nominación a lo Premio Oscar a la Millor Cinta Internacional ixe mesmo anyo en a 78^ena edición d'os Premios Oscar; una nominación a lo Premio BAFTA a la Millor Cinta Forana tamién en 2006 mientres a 59^ena edición d'os Premios BAFTA; y una nominación a lo Premio Globo d'Oro a la Millor Cinta en Luenga Forana en 2006 mientres a 63^ena edición d'os Premios Globos d'Oro.

Elenco

Actor	Papel	Notas
	'

Se veiga tamién

• Cine en 2005.
• Cintas de 2005.

Vinclos externos

• (en) Joyeux Noël en Internet Movie Database.
• (en) Joyeux Noël en Box Office Mojo.
• (en) Joyeux Noël en Metacritic.
• (en) Joyeux Noël en Rotten Tomatoes.

• Datos: Q72090