Josefsplatz
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
A Josefsplatz (en aragonés a Plaza de Chusé) ye una plaza centrica d'a ciudat de Viena, Austria. En o centro d'a Josefsplatz se troba un molimento con a estatua de grandaria real de l'emperador Chusé II sobre un caballo (1795–1806, obra d'o escultor Franz Anton Zauner).
A plaza ye zarrata por cuantos edificios que fan parti d'o complexo d'o Palacio Imperial de Hofburg, entre os que destaca a librería nacional (Österreichische Nationalbibliothek) y o museu - un polito eixemplo a gran escala de l'arquitectura barroca tardana, disenyato por Fischer von Erlach o Viello y Fischer von Erlach o Choven, con as alas laterals adhibitas dimpués baixo o disenyo de Nikolaus Pacassi. O museu ha sufrito en bella ocasión danyos catastroficos - a colección zoolochica fue destruyita por un canyón en a batalla de Viena en 1848, y l'ala Redoutensäle fue grieument danyata por o fuego en 1992.
En una esquina d'a plaza se troban os antigos Establos Imperials, que en otras envueltas yeran o puesto a on s'alzaban dica nueucientos caballos de raza lipizzana. Parti d'iste edificio ye hue a Escuela Espanyola d'Equitación mientres que atra parti ye una galería d'arte moderno.
A Josefsplatz fue seleccionata como motivo prencipal d'una d'as monedas austriacas de 5 euros ta conmemorar a presidencia austriaca d'a Unión Europea en l'anyo 2006. O reverso amuestra o Palacio Imperial de Hofburg visto dende ista plaza. A estatua eqüestre de Chusé II ye en o centro d'a moneda. A la dreita se veye a Escuela Espanyola d'Equitación y a "Redoutensäle".
A Josefplatz apareixe como un escenario important en a cinta The Third Man (1949).
Vinclos externos[editar | modificar o codigo]
- (en) Creative Histories: The Josefsplatz Experience - modelos dichitals 3D d'a Josefsplatz a o largo d'as decadas..