José Luis Torrente

De Biquipedia
Ir a la navegación Ir a la búsqueda
José Luis Torrente
Información personal
Embotada: Torrente
Especie: Home
Personache de cine
Cinta: -1998:Torrente: El brazo tonto de la ley.
-2001:Torrente 2: Misión en Marbella.
-2006:Torrente 3: El Protector.
-2011:Torrente 4: Lethal Crisis (Crisis Letal).
-2014:Torrente V: Misión Eurovegas.
Director: Santiago Segura
Actor: Santiago Segura

José Luis Torrente ye o presonache principal d'una saga de cintas d'aventuras en tono d'humor dirichitas y protagonizatas por Santiago Segura (Torrente: El brazo tonto de la ley, Torrente 2: Misión en Marbella, Torrente 3: El Protector, Torrente 4: Lethal Crisis (Crisis Letal) y Torrente V: Misión Eurovegas). Tamién ye o protagonista de dos videochuegos un ta PC, Torrente: El juego, basau en as dos primeras cintas y un atro en 2005, feito por Virgin Play, Torrente 3: The protector, basau en a tercera parte, para PC, PlayStation 2 y Xbox.

Ye un presonache de caracter antiheroi con o que Santiago Segura quiere retratar l'alma fosca d'o espanyol meyo. Torrente ye un policía corrupto y cutre, con fama d'estar muito suyizo. Ya ne tien arredol d'os 50, ye prou obeso y ye calvo. Ye neofaixista mes que franquista, y hooligan d'o suyo equipe, l'Atlético de Madrid. Ye masclista, racista, adicto a lo sexo con prostitutas y alcolico. A presonalidat y os ambients en os que ye a sobén, por a suya naturaleza laboral, miran d'estar desagradables de tot pa que os espectadors se'n arrigan con as suyas trazas d'actuar, zaforas, egoistas, y groseras, unas trazas dica cierto punto comparables con as peliculas d'Eddie Murphy. Lo forachitoron d'a Policía por a suya conducta y trastornos mentals.

Manimenos a suya "manca de valors", daría "qualsiquier cosa" por o suyo país y tamién por as suyas aficions, l'Atlético de Madrid u El Fary.