Ir al contenido

José Ignacio Mantecón Navasal

De Biquipedia
José Ignacio Mantecón
José Ignacio Mantecón Navasal

7 d'aviento de 1936 – aviento de 1936
President Joaquín Ascaso Budría
Gubierno   Gubierno Ascaso
Succediu por Tomás Pellicer Rivera

Gubernador cheneral d'Aragón
10 d'agosto de 1937 – 27 de marzo de 1938
President Manuel Azaña Díaz
1931 – 1933
Precediu por Camilo Romero Sánchez
Succediu por Antonio Moreno Sevillano
Naiximiento 26 de setiembre de 1902
Zaragoza (Comarca Central, Aragón)
Muerte 20 de chunio de 1982
Ciudat de Mexico (Mexico)
Partiu IR, PCE
Profesión Archivero, politico y historiador

José Ignacio Mantecón Navasal (Zaragoza, 26 de setiembre de 1902[1] - Ciudat de Mexico, 20 de chunio de 1982)[1] estió un archivero, politico y historiador aragonés. Fue nombrau gubernador cheneral d'o territorio republicano d'Aragón en o contexto d'a Guerra Civil Espanyola. Mientres a contienda ocupó atros cargos, como consellero de Chusticia d'o Consello Rechional de Defensa d'Aragón, encara que no exerció[2], y comisario de cuantas unidaz de l'Exercito Popular d'a Republica.

Fillo d'un important incheniero y empresario, dende muit choven a suya ideolochía politica s'orientó enta un republicanismo d'ezquierdas. Dimpués d'a declaración d'a Segunda Republica Espanyola s'afilió a lo partiu Izquierda Republicana fundau por Manuel Azaña, que se convertiría en president d'a Republica en 1936.[3]

Se licenció en Dreito y en Filosofía y Letras en a Universidat de Zaragoza[1] con premio extraordinario y se doctoró en 1925 en Dreito por a Universidat Central de Madrit. Dimpués d'aprebar as oposicions d'o Cuerpo Facultativo de Archiveros, Bibliotecarios y Arqueologos, fue destinau a Sevilla, a on treballó en o Fichero d'Indias. Entre que a suya estancia en a capital andaluza fue eslechiu president d'o Real Betis, periodo en o que o club puyó por primera vegada en 1932 a la primera división d'o futbol espanyol.[4]

Dimpués de prencipiar a guerra civil, se mantenió fidel a la Republica, encara que a suya familia estió victima d'a represión franquista. Dentro de l'Exercito Popular d'a Republica, estió comisario politico d'un batallón y posteriorment d'a 72ena Brigada Mixta. A partir de chinero de 1937 pasó a ocupar lo cargo de consellero de Chusticia adintro d'o Consello Rechional de Defensa d'Aragón, organismo creyau per los anarcosindicalistas y gubernó lo territorio no sublevau d'Aragón dica la suya disolución por lo gubierno republicano, en agosto de 1937.[5][6] O 10 d'agosto Mantecón fue nombrau gubernador cheneral d'o territorio, posición que ocuparía dica marzo de 1938 cuan se produció a ofensiva franquista d'Aragón. Dimpués d'a cayida d'o frent aragonés desempenyó o cargo de comisario cheneral de l'Exercito de l'Este y, en os zaguers días d'a guerra yera comisario inspector de l'Exercito de Levante en a zona centro sud. En estar redotada a Republica marchó rumbo a l'exilio. Fue evacuau a bordo d'o HMS Galatea, gracias a l'aduya de Lord Farringdon, y dimpués d'una estancia en Londres, viachó ta París, nombrau por Juan Negrín secretario cheneral d'o Servicio d'Evacuación de Refuchiaus Espanyols (SERE). Tenió a lo suyo cargo a organización de cuantas expedicions de refuchiaus enta tierras americanas. A policía francesa y a Gestapo l'aturoron y internoron en o campo de concentración de Vernet d'Ariège.[3][5][6]

Una vegada liberau, viachó ta Santo Domingo y dimpués ta Mexico, a a on plegó en chulio de 1940 como país d'exilio en o que s'instalaría definitivament, y en 1948 remató afiliándo-se a o Partido Comunista de España (PCE). Entre o suyo exilio desarrolló una destacada actividat como catedratico universitario y investigador en a Biblioteca Nacional de Mexico. Estió fundador d'a Escuela Nacional de Bibliotecarios y Archivistas. Entre istos anyos se converte en un especialista en bibliografía y paleografía y publicó mas de 200 obras, entre libros y asayos.[3]

Referencias

[editar | modificar o codigo]
  1. 1 2 3 (es) Marco Aurelio Torres H Mantecón: Semblanza de José Ignacio Mantecón Navasal (.pdf), en o repositorio GREDOS d'a Universidat de Salamanca.
  2. ↑ (es) El Consejo Regional de Defensa de Aragón: «El corto verano de la Anarquía» fue en Aragón. Redes Libertarias.
  3. 1 2 3 (es) Institución Fernando el Católico}
  4. ↑ (es) Portal de archivos españoles. Ministerio de Cultura.
  5. 1 2 (es) Historia de la Guerra Civil Española. Hugh Thomas (1976). Pág. 781
  6. 1 2 (es) Gaceta de la República: Diario Oficial núm. 223, (11 de agosto de 1937)

Vinclos externos

[editar | modificar o codigo]


Predecesor:
Dengún		 Consellero de Chusticia d'o Consello Rechional de Defensa d'Aragón
7 d'aviento de 1936 - aviento de 1936		 Succesor:
Tomás Pellicer Rivera
Predecesor:
Camilo Romero Sánchez		 President d'o Real Betis Balompié
1931 - 1933		 Succesor:
Antonio Moreno Sevillano


Obteniu de "https://an.wikipedia.org/w/index.php?title=José_Ignacio_Mantecón_Navasal&oldid=2339456"