José Antonio Satué Huerto

José Antonio Satué
Bispe de Teruel y Albarracín
Bispe de Teruel y Albarracín
16 de chulio de 2021
Predecesor	Antonio Gómez Cantero
Succesor	en o cargo
Naixencia	15 d'agosto de 1964 Uesca (Plana de Uesca, Aragon)
Como tú y contigo

José Antonio Satué Huerto (Uesca, 6 de febrero de 1968) ye un tecnico especialista en electronica industrial, teologo, canonista y eclesiastico catolico aragonés, bispe de Teruel y Albarracín.

Biografía

José Antonio naixió o 6 de febrero de 1968, d'a ciudat altoaragonesa de Uesca. Fillo d'Estanislao Satué († 1988) y de Joaquina Huerto († 1991). Vivió a suya nineza en a localidat uescana de Sesa, concorrendo a parroquia de Sant Chuan Baptista, en a que fue baptizau o 18 de febrero de 1968. Fue confirmau tamién en Sesa, o 29 de chunio de 1982.

Reyalizó a suya formación primaria en a escuela de Sesa (EGB) y en o colechio publico de Granyén, rematandodo-los en 1982. En 1987, dimpués de realizar estudios en l'Instituto Politecnico de Huesca, obtenió o títol de Tecnico especialista (FPII) en Electronica industrial.

Realiza os suyos estudios eclesiasticos en o Centro Rechional d'Estudios Teolochicos d'Aragón (CRETA), a on obtenió o bachillerato en Teolochía.En 2002, fue ninviau a estudiar en a Pontificia Universidat Gregoriana, a on consiguió a licenciatura en Dreito canonico, en 2004.

Vida relichiosa

Descubrió a suya vocación relichiosa, con o testimonio de vida de mosens y d'o bispe uescano Javier Osés Flamarique. En setiembre de 1987, ingresó como seminarista de Uesca en o Seminario Metropolitano de Zaragoza, dirichiu por os Operarios diocesanos. Estando seminarista, colaboró en a pastoral d'a suya parroquia natal, en a comunidad de Sant Chaime de Uesca, y en Chóvens d'Acción Catolica. O 2 de marzo de 1992, fue instituyiu en os ministerios de lector y acolito en a Seu de Uesca.

Fue ordenau diacono o 18 d'abril de 1993, en Sesa. A suya ordenación sacerdotal estió o 4 de setiembre d'o mesmo anyo, en a Seu de Uesca, a mans d'o bispe Javier Osés Flamarique; incardinando-se en a diocesi de Uesca.

Como mosén desempenyó os siguients ministerios:

• Vicario parroquial (1993-1998) y parroco (1998-2002) de Sant Lorient.
• Miembro d'o Consello Presbiteral (1994-2002; 2004-2009; 2011-2015).
• Arcipestre de Uesca y consiliario de Chóvens d'Acción Catolica (1994-2002).
• Consiliario d'a Pastoral Chovenil (1996-2002).

• Vicario cheneral y moderador de curia (2004-2009).
• Miembro d'o Consello d'Afers Economicos, Episcopal y d'o Colechio de Consultors (2004-2009).
• Vicario chudicial (2004-2015).
• Instructor pa causas matrimonials (2008-2015).
• Delegau pa Medios de Comunicación Social (2004-2012; 2013-2015).
• Canonche (2006-2009) y degán-president d'o Capítol (2006-2008) d'a Seu de Uesca.
• Parroco de cuantas parroquias d'o Semontano: Ibieca, Labata, Aguas y Liesa (2008-2009).
• Capellán d'o Monesterio de Ntra. Sra. de l'Asumpción (2009).
• Parroco de Sarinyena y Estación de Sarinyena (2009-2012), Lastanosa (2009-2010) y Cabosaso (2010-2012), en l'arcipestrau de Monegros.
• Consiliario diocesano d'Acción Catolica Cheneral (2011-2015).
• Director d'o Estudio Teolochico "Santa Cruz" y parroco de Sant Domingo y Sant Martín, en Uesca (2012-2015).
• Director de l'Aula de Teolochía pa laicos "Sant Lorient y Sant Vicent" (2013-2015).

En abril de 2015, fue nombrau miembro d'a Congregación pa o Clero, a on treballó como oficial dica o suyo nombramiento episcopal en 2021. Simultanió iste treballo con l'atención pastoral en a parroquia de Santa Rita, d'a diocesi de Latina-Terracina-Sezze-Priverno y en a Casa di Marco, una institución para menors no acompanyaus d'o Servicio Chesuita a Refuchiaus.

Episcopau

O 16 de chulio de 2021, o papa Francisco lo nombró bispe de Teruel y Albarracín. Fue consagrau o 18 de setiembre d'o mesmo anyo, a mans d'o cardenal Juan José Omella.

• President d'o Consello Rechional d'a Oficina de Comunicación d'a Iglesia en Aragón (OFICIA), dende mayo de 2023.

O 9 de setiembre de 2023, fue nombrau miembro d'o Dicasterio pa os Bispes.

L'11 de chinero de 2025 fue nombrau delegau pontificio de l'Instituto relichioso clerical Instituto d'o Verbo Encarnau.

En a Conferencia Episcopal Espanyola ye, dende noviembre de 2021, miembro en a Subcomisión de Migracions d'a Comisión Episcopal pa a Pastoral social y Promoción humana.

Referencias

Cargos eclesiasticos
Predecesor: Antonio Gómez Cantero	Bispe de Teruel y Albarracín Dende o 16 de chulio de 2021	Succesor: en o cargo

• Datos: Q107551709
• Multimedia: José Antonio Satué / Q107551709