Jesús Gracia Fuertes
| Jesús Gracia Fuertes | |
|---|---|
| 7 d'aviento de 1936 – febrero de 1937 | |
| President | Joaquín Ascaso Budría |
| Gubierno | Gubierno Ascaso |
| Succediu por | José Ruiz Borao |
| Naiximiento | ? Muniesa (Cuencas Meneras, Aragón) |
| Muerte | ? ? |
| Partiu | IR |
| Profesión | Farmaceutico y politico |
Jesús Gracia Fuertes (Muniesa ? - ?) estió un farmaceutico y politico aragonés, consellero d'Hicienda d'o Consello Rechional de Defensa d'Aragón.
Biografía
[editar | modificar o codigo]Encara que yera naixiu de Muniesa (Cuencas Meneras), estió alcalde y apoticario en Castelserás (Baixo Aragón). En chulio de 1936 representó a un grupo zaragozano d'Izquierda Republicana (IR) en una trobada d'o partiu celebrada en Barbastro.
En prencipiar a Guerra Civil Espanyola actuó como capitán d'o 125eno Batallón "Largo Caballero" que feba parti d'a 32ena Brigada Mixta, luitando en Tortallada, en a redolada de Teruel. En aviento de 1936 estió nombrau consellero d'Hicienda d'o Consello Rechional de Defensa d'Aragón, cargo que albandonó voluntariament en chinero de l'anyo siguient, encara que oficialment yera en o cargo dica febrero, cuan prenió a consellería José Ruiz Borao. Siempre estió critico con a institución, calificando dimpués a suya faina de "desastrosa", y especialment con o departamento d'Hicienda sobre o que afirmó que "En Hicienda no i heba garra cosa que fer, pues os bancos no existiban y por tanto me'n fue”
Dimpués d'a guerra fue feito preso y pasó seis anyos y un día en a garchola en Sant Chuan de Mozarrifar.
Vinclos externos
[editar | modificar o codigo]- (es) Jesús Gracia Fuertes en Con Nombre & Apellidos.
- (es) Jesús Gracia Fuertes.
- (es) Expo Consejo de Aragón
| Predecesor: Dengún |
Consellero d'Hicienda d'o Consello Rechional de Defensa d'Aragón 7 d'aviento de 1936 - febrero de 1937 |
Succesor: José Ruiz Borao |