Jeremiah Johnson (cinta)

Iste articlo ye sobre una cinta estausunidense de cine de western estrenada l'anyo 1972; ta atros usos, se veiga Jeremiah Johnson.

Jeremiah Johnson
Títol	Jeremiah Johnson
Póster d'a cinta.
Ficha tecnica
Dirección	Sydney Pollack
Dirección artistica	Ted Haworth
Producción	Joe Wizan
Guión adaptau	Edward Anhalt John Milius
Basau en	una historia de Raymond W. Thorp y Robert Bunker basada en Mountain Man de Vardis Fisher y Crow Killer de Raymond W. Thorp y Robert Bunker
Musica	Tim McIntire John Rubinstein
Soniu	Michael Colgan sound effects Josef von Stroheim Charles M. Wilborn
Fotografía	Duke Callaghan
Montache	Thomas Stanford
Escenografía	Ray Molyneaux
Vestuario	Wesley Jeffries
Maquillache	Ken Chase Gary Liddiard
Peluquería	Lynn Del Kail
Casting	Lynn Stalmaster
Actors	Robert Redford Will Geer Stefan Gierasch Delle Bolton Josh Albee Joaquín Martínez Allyn Ann McLerie Paul Benedict Jack Colvin Matt Clark Richard Angarola Charles Tyner Tanya Tucker
Color	Panavision Technicolor
Datos y cifras
País(es)	Estaus Unius
Anyo	1972
Estreno	7 de mayo de 1972 Festival Internacional de Cine de Canas (Canas, Alpes Maritimos, Francia) 2 d'aviento de 1972 Boise (Idaho, Estaus Unius)
Chenero(s)	Cine de western
Durada	108 min.
Idioma(s)	Anglés Crow Salish Francés
Companyías
Productora(s)	Sanford Productions
Distribución	Warner Bros.
Presupuesto	3,1 millons de dólars
Recauto	44,7 millons de dólars
Informacions en bases de datos especializadas:

Jeremiah Johnson (títol orichinal, estrenada en Aragón con o títol en castellano de Las aventuras de Jeremiah Johnson, en aragonés As aventuras de Jeremiah Johnson) ye un cinta de cine estausunidense de cine de western estrenada en 1972 dirichida por Sydney Pollack seguntes un guión adaptau por Edward Anhalt y John Milius (basau en una historia de Raymond W. Thorp y Robert Bunker basada a la vegada en Mountain Man, de Vardis Fisher, y Crow Killer, de Raymond W. Thorp y Robert Bunker), con una banda sonora orichinal de Tim McIntire y John Rubinstein, una dirección de fotografía de Duke Callaghan y una producción cinematografica de Joe Wizan ta la productora cinematografica Sanford Productions. Conta con un elenco d'o cual en fan parte, entre d'atros actors, Robert Redford, Will Geer, Stefan Gierasch, Delle Bolton, Josh Albee, Joaquín Martínez, Allyn Ann McLerie, Paul Benedict, Jack Colvin, Matt Clark, Richard Angarola, Charles Tyner y Tanya Tucker.

Dimpués de combatir en a guerra mexicano-estausunidense en a segunda metat d'os anyos 1840, Jeremiah Johnson marcha enta las Montanyas Rocosas, a on i quiere vivir fendo de ttrampero ta obtener piels d'animals. En o suyo primer hibierno en a montanya, que se fa duro, troba en primeras a Paints-His-Shirt-Red, chefe d'os crows, y dimpués a Chris Lapp, un viello una mica excentrico que s'adedica a cazar onsos grisos y que li ensenya la forma de sobrevivir en as duras condicions d'a montanya. Cuan ya se veye capable de fer a suya vida, marcha en busca d'un territorio a on instalar-se y troba una cabanya a on un ataque d'os indis ha matau a los suyos ocuants, menos a una muller a qui se li ha trafucau a cabeza y a lo suyo fillo, que traumatizau por o que ha visto ye incapable de charrar. L'aduya a sabullir a los muertos y finalment accepta marchar con o fill d'a muller, que se veye incapable de cudiar d'él. Trova a Del Gue, a qui uns indios piez negros li han robau os suyos caballos y l'aduya a recuperar-los, encara que no li cuaca guaire cuan Gue mata a los ladrons. Iste ha tallau a cabellera a los indios muertos, y cuan troban a atros indios las coloca en o caballo de Johnson por si son enemigos. Pero istos nuevos indios son saleh y no on amigos d'os piez negros, y consideran erroniament que Johnson ye un gran guerrero en haber matau a los piez negros. los convidan a lo suyo campamento y en n comprender bien as suyas costumbres, Johnson se troba casau con a filla d'o chefe. Poquet a poquet forman una familia Johson, a suya nueva esposa Swan y lo zagal adoptau, dica que poco dimpués mientres que Johnson fa de guía d'un grupo de militars, os crows como castigo atacan a suya cabanya y asasinan a Swan y a lo fillo adoptivo. Johnson los persigue y los mata, menos a un viello guerrero, a qui perdona, y que ye qui explica a los crow os feitos. istos deciden ninviar a los suyos millors guerreros, un a un, ta matar-lo, obligando a Johnson a un contino desplazamiento y a estar siempre a l'atisba.

A cinta s'ambienta en Colorado en os anyos 1840 y las suyas escenas se filmoron en o Parque Nacional Zion, a Selva Nacinal Ashley, a estación d'esquí de Sundance, o Parque Estatal Snow Canyon, a Selva Naconal Uinta, a Selva Nacional Wasatch-Cache y Leeds y St. George y atros puestos en Utah y lo Molimento Nacional Vermilion Cliffs y Kayenta y Mexican Water y atros puestos en Arizona.

Jeremiah Johnson ye una cinta que ha recibiu bels premios y nominacions encara que garra d'éls no perteneixe a los premios cinematograficos mas conoixius u destacaus.

Elenco

Actor	Papel	Notas
	'

Se veiga tamién

• Cine en 1972.
• Cintas de 1972.

Vinclos externos

• (en) Jeremiah Johnson en Internet Movie Database.
• (en) Jeremiah Johnson en Box Office Mojo.
• (en) Jeremiah Johnson en TCM Movie Database.

• Datos: Q1325034