Jean-Paul Rappeneau

Jean-Paul Rappeneau
O director y guionista francés Jean-Paul Rappeneau, en una imachen de 2009.
Información cheneral
Calendata naiximiento:	8 d'abril de 1932
Puesto naiximiento:	Auxerre (Yonne, Francia)
Calendata muerte:	1 de setiembre de 2026
Puesto muerte:	París (Isla de Francia, Francia)
Ocupación:	Director cinematografico Guionista
Conchuche:	Claude-Lise Cornely (1971-2026, falleixiu)
Fillos:	Julien y Martin
Premios BAFTA
Premio BAFTA a lo Millor Guión Adaptau: -1992: Nominau por Cyrano de Bergerac
Premios César
Premio César a la Millor Dirección: -1991: por Cyrano de Bergerac -1976: Nominau por Le Sauvage -1996: Nominau por Le Hussard sur le toit -2004: Nominau por Bon Voyage Premio César a lo Millor Guión: -1991: Nominau por Cyrano de Bergerac

Jean-Paul Rappeneau, naixiu d'Auxerre (Yonne, Francia) l'8 d'abril de 1932 y falleixiu en París (Isla de Francia, Francia) l'1 de setiembre de 2026, estió un director cinematografico y guionista francés, activo en o cine francés dende primerías d'os anyos 1960 dica meyaus d'os anyos 2010 y con cuantos premios recibius mientres a suya carrera cinematografica. Antiparte, ye chirmano d'a directora cinematografica Élisabeth Rappeneau y tamién ye lo pai d'o director y guionista Julien Rappeneau y d'o musico Martin Rappeneau.

Atamas d'a suya importancia en a historia d'o cine francés, a suya filmografía como director se composa de nomás que ueito cintas: La Vie de château (1966, con Catherine Deneuve, Philippe Noiret, Pierre Brasseur y Henri Garcin), Les Mariés de l'an II (1971, con Jean-Paul Belmondo y Marlène Jobert), Le Sauvage (1975, con Catherine Deneuve, Yves Montand y Luigi Vannucchi), Tout feu, tout flamme (1982, con Yves Montand, Isabelle Adjani, Alain Souchon y Lauren Hutton), Cyrano de Bergerac (1990, con Gérard Depardieu, Anne Brochet, Vincent Pérez, Jacques Weber y Roland Bertin), Le Hussard sur le toit (1995, con Juliette Binoche, Olivier Martinez, Claudio Amendola, François Cluzet, Jean Yanne, Pierre Arditi y Isabelle Carré), Bon Voyage (2003, con Isabelle Adjani, Grégori Derangère, Gérard Depardieu, Virginie Ledoyen y Yvan Attal), y Belles Familles (2015, con Mathieu Amalric, Nicole Garcia, Marine Vacth y Gilles Lellouche).

Premios

En 1991, mientres a 16^ena edición d'os Premios César, ganó un Premio César a la Millor Dirección por a cinta Cyrano de Bergerac. Por ista mesma cinta en a mesma edición fue nominau a lo Premio César a lo Millor Guión, y tamién fue nominau en 1992 a lo Premio BAFTA a lo Millor Guión Adaptau en a 45^ena edición d'os Premios BAFTA.

Tamién heba estau nominau a lo Premio César a la Millor Dirección l'anyo 1976, en a 1^era edición d'os César, por a cinta Le Sauvage, recebindo tamién una atra nominación en 1996 (21^ena edición) por Le Hussard sur le toit y encara una atra nominación en 2004 mientres a 29^ena edición d'os premios por Bon Voyage.

Filmografía

Actor

Anyo	Títol d'a cinta	Director	Banda sonora	Elenco	Atros
[[]]	[[]]	[[]]	[[]]	[[]]

Director

Anyo	Títol d'a cinta	Productor	Guionista	Elenco	Atros
[[]]	[[]]	[[]]	[[]]	[[]]

Guionista

Anyo	Títol d'a cinta	Director	Productor	Elenco	Atros
[[]]	[[]]	[[]]	[[]]	[[]]

Vinclos externos

• Se veigan as imáchens de Commons sobre Jean-Paul Rappeneau.
• (en) Jean-Paul Rappeneau en Internet Movie Database.

• Datos: Q709973
• Multimedia: Jean-Paul Rappeneau / Q709973