It's a Wonderful Life

It's a Wonderful Life
Títol	It's a Wonderful Life
Póster d'a cinta.
Ficha tecnica
Dirección	Frank Capra
Aduyant de dirección	Arthur S. Black Jr.
Dirección artistica	Jack Okey William Cameron Menzies
Producción	Frank Capra
Guión adaptau	Frances Goodrich Albert Hackett Frank Capra Jo Swerling
Basau en	The Greatest Gift, relato curto de Philip Van Doren Stern (1943) inspirau en A Christmas Carol, novela de Charles Dickens (1843)
Musica	Dimitri Tiomkin
Soniu	Clem Portman Richard Van Hessen John Aalberg
Fotografía	Joseph Walker Joseph Biroc
Montache	William Hornbeck
Escenografía	Emile Kuri
Vestuario	Edward Stevenson
Maquillache	Gordon Bau
Efectos especials	Russell A. Cully Daniel Hays Russell Shearman
Actors	James Stewart Donna Reed Lionel Barrymore Thomas Mitchell Henry Travers Beulah Bondi Frank Faylen Ward Bond Gloria Grahame H. B. Warner Frank Albertson Todd Karns Samuel S. Hinds Mary Treen Virginia Patton Charles Williams Sara Edwards Bill Edmunds Lillian Randolph Argentina Brunetti Bobbie Anderson Ronnie Ralph Jean Gail Jeanine Ann Roose Danny Mummert Georgie Nokes Sheldon Leonard Frank Hagney Ray Walker Charlie Lane Edward Kean Carol Coomes Karolyn Grimes Larry Simms Jimmy Hawkins
Color	Blanco y nrgro
Datos y cifras
País(es)	Estaus Unius
Anyo	1946
Estreno	20 d'aviento de 1946 Nueva York (Nueva York, Estaus Unius)
Chenero(s)	Cine de drama Cine de fantasía Cine de romance
Durada	131 min.
Idioma(s)	Anglés Francés
Companyías
Productora(s)	Liberty Films
Distribución	RKO Radio Pictures
Estudio(s)	Culver Studios
Presupuesto	3,18 millons de dólars
Recauto	3,3 millons de dólars
Informacions en bases de datos especializadas:

It's a Wonderful Life (títol orichinal en anglés, en aragonés Ye una vida marabillosa, estrenada en Aragón con o títol en castellano de Qué bello es vivir, en aragonés Que ye de poliu vivir) ye una cinta de cine estausunidense de cine de drama fantastico romantica estrenada l'anyo 1946, dirichida por Frank Capra seguntes un guión adaptau por él mesmo, Frances Goodrich, Albert Hackett y Jo Swerling (basau en The Greatest Gift, un relato curto publicau por Philip Van Doren Stern en l'anyo 1943, inspirau a la vegada en A Christmas Carol, una novela que heba publicau Charles Dickens en 1843), con una banda sonora orichinal de Dimitri Tiomkin, una dirección de fotografía de Joseph Walker y Joseph Biroc, una producción cinematografica de Frank Capra ta la productora cinematografica Liberty Films y un elenco formau por James Stewart, Donna Reed, Lionel Barrymore, Thomas Mitchell, Henry Travers, Beulah Bondi, Frank Faylen, Ward Bond, Gloria Grahame, H. B. Warner, Frank Albertson, Todd Karns, Samuel S. Hinds, Mary Treen, Virginia Patton, Charles Williams, Sara Edwards, Bill Edmunds, Lillian Randolph, Argentina Brunetti, Bobbie Anderson, Ronnie Ralph, Jean Gail, Jeanine Ann Roose, Danny Mummert, Georgie Nokes, Sheldon Leonard, Frank Hagney, Ray Walker, Charlie Lane, Edward Kean, Carol Coomes, Karolyn Grimes, Larry Simms y Jimmy Hawkins, entre d'atros actors.

En a nueit de Nadal de 1945 George Bailey, habitant en a localidat ficticia de Bedford Falls, en Nueva York, planeya lo suyo suicidio. Tanimientres, as oracions d'a suya familia son ascuitadas en o Cielo, dende on ninvían a Clarence Odbody, un ánchel de segunda clase, que si salva a George obtiendrá las suyas alas. Clarence veye en flashback escenas d'a vida de George, a on salva la vida a bellas personas, y veye tamién cómo en 1928, atis de dentrar en a universidad, George prepara un viache arredol d'o mundo y conoix a Mary Hatch, qui se converterá en a suya muller. Tamién veye cómo George consigue evitar que l'afanoso Henry F. Potter zarre la empresa a on i treballan muitos d'os habitants d'a ciudat, plegando mesmo a invertor os suyos propios aforros ta salvar a empresa durant una crisi bancaria. Billy, lo tío de George, pierde accidentalment una gran cantidat de diners (8.000 dólars) de qui s'apodera Potter, qui amás lo denuncia a la Policía. George ufre a iste como garantía lo suyo seguro de vida, pero Potter li fa burla, y ixe ye lo motivo d'as ganas de suicidar-se de George, qui creye que la suya vida ha estau inútil y se siente atrapau en un camatón de cosas y escaicimientos que no li han deixau vivir. Cuan s'empina en un bar y marcha enta un puent ta emplastar-se contra l'augua, pero antes de que pueda fer-lo ye Clarence qui s'emplasta y George lo salva. En a conversación posterior, George se lamenta d'a suya vida y Clarence li fa vivir una visión alternativa d'a realidat a on él mai no ha existiu y puet veyer cómo Bedford Balls ye un lugar clamau Pottersville, emponzonyau y miserable, a on i viven personas que mai no se preocupan por garra atra persona, y veye que han muerto las personas que él heba salvau y que la muerte d'ixas personas amás ha provocau muitas atras muertes y problemas. Esfarrabustiau, torna enta lo puent ta demanar a Clarence que lo faga tornar a la vida, y iste lo fa. En tornar enta la suya casa, George troba que los suyos vecins y amigos han reuniu no nomás que los 8.000 dólars so que muito mas.

A cinta s'ambienta en 1945 en o estau de Nueva York, y las suyas escenas se filmoron en Beverly Hills, La Cañada Flintridge y Los Angeles (California) y Seneca Falls (Nueva York), amás d'en os Culver Studios en Culver City, tamién en California.

Ye una cinta que no recibió masiada atención d'o publico en o momento d'o suyo estreno, pero que actualment ye considerada como una d'as prencipals cintas d'a historia d'o cine, y tamién ha recibiu cuantos premios y nominacions, en destacando un Premio Oscar Cientifico y Tecnico y cinco nominacions (Millor Cinta, Millor Director, Millor Actor, Millor Montache y Millor Soniu) en 1947 mientres a 19^ena edición d'os Premios Oscar.

Elenco

Actor	Papel	Notas
	'

Se veiga tamién

• Cine en 1946.
• Cintas de 1946.

Vinclos externos

• Se veigan as imáchens de Commons sobre It's a Wonderful Life.
• (en) It's a Wonderful Life en Internet Movie Database.
• (en) It's a Wonderful Life en l'American Film Institute Catalog de l'American Film Institute.
• (en) It's a Wonderful Life en Metacritic.
• (en) It's a Wonderful Life en Rotten Tomatoes.
• (en) It's a Wonderful Life en TCM Movie Database.

• Datos: Q204191
• Multimedia: It's a Wonderful Life (film) / Q204191