Isabel I d'Anglaterra

De Biquipedia
Ir ta: navego, busca
Articlo d'os 1000
Iste articlo ye sobre a rina Isabel I d'Anglaterra; t'atros usos, se veiga Isabel I.
Isabel I d'Anglaterra
Reina d'Anglaterra y Irlanda
Elizabeth I Rainbow Portrait.jpg

17 de noviembre de 1558 - 24 de marzo de 1603
Predecesor María I
Succesor Chaime I

Naixencia 7 de setiembre de 1533
Flag of England.svg Greenwich
Muerte 24 de marzo de 1603
Flag of England.svg Richmond
Enterreco Abadía de Westminster
Dinastía Casa Tudor
Pai Henrique VIII
Mai Ana Bolena

Escudo de Isabel I d'Anglaterra

Isabel I (7 de setiembre de 153324 de marzo de 1603) estió reina d'Anglaterra y d'Irlanda dende o 17 de noviembre de 1558 dica a suya muerte. A vegatas dita A Reina Virchen, Gloriana u A Buena Reina Bess, Isabel estió a cinquena y zaguera monarca d'a dinastía Tudor. Filla d'o rei Henrique VIII, naixió princesa pero, a suya mai, Ana Bolena, fue executata tres anyos dimpués d'o suyo naiximiento y Isabel fue declarata ilechitima. Estió a muerte d'a suya chirmana María sin de succesión lo que la convirtió en unica heredera d'o Reino d'o suyo pai, encara que baixo o reinato d'a suya chirmana María (que yera catolica) heba estato engarcholata acusata de favoirexer a o Protestantismo. Isabel gobernó d'una manera más moderata que o suyo pai y a suya chirmana,[1] y miró de fer-lo guiata por o buen consello.[2] Una d'as suyas mazadas yera "Video et taceo" ("Miro, y callo").[3]

Isabel alazetó o suyo reinato contando con uns consellers de qualidat, depenendo en gran mesura d'una colla d'asesors confianza dirichitos por William Cecil, primer barón de Burghley. Una d'as suyas primeras mesuras como reina d'Anglaterra estió de refirmar o establimiento d'una ilesia protestant d'Anglaterra, d'a quala esdevenió a Gubernant Suprema. Ista normativa relichiosa isabelina continó vichent mientres o suyo reinato y dimpués estió l'alazet de l'actual Ilesia d'Anglaterra. S'asperaba que Isabel se casaría, pero a tamas de quantas peticions de matrimonio que tenió, mai no lo fació, y as razons d'a suya negativa han estato prou debatitas por os historiadors. A mesura que se feba viella, Isabel se facó famosa por a suya virchinidat, alazetando-se asinas un culto arredol d'a suya presona, que se fa platero en os suyos retratos y en a literatura anglesa d'ixas envueltas.

Vinclos externos[editar | editar código]


Predecesor:
María I
Reina d'Anglaterra
17 de noviembre de 1558 - 24 de marzo de 1603
Succesor:
Chaime I


Referencias[editar | editar código]

  1. Starkey, David. "Elizabeth: Woman, Monarch, Mission." Elizabeth: The Exhibition at the National Maritime Museum. Susan Doran (ed.). Londres: Chatto and Windus, 2003, p. 5. ISBN 0-7011-7476-5
  2. "I mean to direct all my actions by good advice and counsel." (Me refiero a dirichir totas as mías accions por un buenn asesoramiento y consello.") Primer descurso d'Isabel como reina, Hatfield House, 20 de noviembre de 1558. Loades, David. Elizabeth I: The Golden Reign of Gloriana. Londres: The National Archives, 2003, p. 35. ISBN 1-903365-43-0.
  3. Neale, J.E. Queen Elizabeth I: A Biography. Londres: Jonathan Cape (1934; reimpresión en 1954), p. 386. OCLC 220518.