Irma la Douce

Iste articlo ye sobre una cinta de comedia romantica de cine estausunidense de l'anyo 1963; ta atros usos, se veiga Irma la Douce (desambigación),

Irma la Douce
Títol	Irma la Douce
Ficha tecnica
Dirección	Billy Wilder
Aduyant de dirección	Hal W. Polaire Thomas L. Miller
Dirección artistica	Alexandre Trauner
Producción	Billy Wilder Alexandre Trauner
Guión adaptau	Billy Wilder I. A. L. Diamond
Basau en	Irma La Douce, un musical d'Alexandre Breffort (1956)
Musica	André Previn
Soniu	Gilbert D. Marchant Robert Martin
Fotografía	Joseph LaShelle
Montache	Daniel Mandell
Escenografía	Maurice Barnathan Edward G. Boyle
Vestuario	Orry-Kelly
Maquillache	Emile LaVigne
Peluquería	George Masters Alice Monte
Efectos especials	Milt Rice
Casting	Lynn Stalmaster
Actors	Jack Lemmon Shirley MacLaine Lou Jacobi Bruce Yarnell Herschel Bernardi Hope Holiday Joan Shawlee Grace Lee Whitney Paul Dubov Howard McNear Cliff Osmond Ruth Earl Jane Earl Tura Satana James Brown Bill Bixby John Alvin Harriette Young Sheryl Deauville Billy Beck Edgar Barrier James Caan Paul Frees
Color	Technicolor Panavision
Narrador	Louis Jordan
Datos y cifras
País(es)	Estaus Unius
Anyo	1963
Estreno	5 de chunio de 1963 Nueva York (Nueva York, Estaus Unius)
Chenero(s)	Cine de comedia Cine de romance
Durada	147 min.
Idioma(s)	Anglés
Companyías
Productora(s)	The Mirisch Corporation Phalanx Productions
Distribución	United Artists
Estudio(s)	Samuel Goldwyn Studios
Presupuesto	5 millons de dólars
Recauto	25,2 millons de dólars
Informacions en bases de datos especializadas:

Irma la Douce (títol orichinal en francés, en aragonés Irma la Dolza, estrenada en Aragón con o suyo títol traduciu enta lo castellano como Irma la Dulce) ye una cinta de cine de comedia romantica de cine estausunidense estrenada l'anyo 1963, dirichida por Billy Wilder seguntes un guión adaptau por él mesmo y por I. A. L. Diamond (basau en Irma La Douce, un musical d'Alexandre Breffort de l'anyo 1956), con una banda sonora orichinal d'André Previn, una dirección de fotografía de Joseph LaShelle, una producción cinematografica de Billy Wilder y Alexandre Trauner ta las productoras The Mirisch Corporation y Phalanx Productions y un elenco d'o cual en fan parte, entre d'atros, os actors Jack Lemmon, Shirley MacLaine, Lou Jacobi, Bruce Yarnell, Herschel Bernardi, Hope Holiday, Joan Shawlee, Grace Lee Whitney, Paul Dubov, Howard McNear, Cliff Osmond, Ruth Earl, Jane Earl, Tura Satana, James Brown, Bill Bixby, John Alvin, Harriette Young, Sheryl Deauville, Billy Beck, Edgar Barrier, James Caan y Paul Frees.

Nestor Patou ye un policía de París a qui han destinau a treballar en una carrera a on se i practica la prostitución. En una retada ye acusau por error de soborno y ye expulsau d'a Policía. Torna en o barrio a on se li han provocau os problemas y dentra en "Chez Moustache", una tabierna frecuentada por prsotitutas y proxenetas, y i conoix a Irma, a qui claman la Dolza. Cuan Hippolyte, lo proxeneta d'Irma la maltracta, Nestor se baralla con él y casualment consigue redotar-lo. Bien luego se troba convertiu en o nuevo proxeneta d'a mesacha pero tamién s'enamora d'ella y prepara un plan con Moustache ta fer que irma no se prostituya: se disvraza y se fa pasar por lord X, un cabalero britanico que la contracta ta nomás que chugar con ella a las cartas y li paga grans cantidaz de dinero, convertendo-se en o suyo solo client. Oproblema ye que en cuentas de dar-li toz oz diners a Nestor, la mesacha dentra en muitos gastos que fan que Nestor tienga que treballar d'amagau d'ella ta poder mantener ficción. Amás, li dentra chelosía cuan veye que Irma s'intresa muito por l'inexistent Lord X, y finalment decide fer que oste desaparixca. O problema ye que un atro proxeneta creye que Nestor ha matau a Lord X, lo denuncia a la policía y ye engarcholau. Tanimientres, Irma creye que ye un asasino por amor enta ella y s'enamora encara mas d'él. Pero Nestor ye en a garchola y Moustache prepara un plan ta la suya fuga.

A cinta s'ambienta en París (Francia) en a suya epoca actual )1963) y las suyas escenas se filmoron en os Samuel Goldwyn Studios en West Hollywood (California) en os Estaus Unius y en París en Francia.

Irma la Douce ye una cinta que ha recibiu cuantos premios y nominacions, entre los que cal destacar un Premio Oscar a la Millor Banda Sonora Orichinal y atras dos nominacions (Millor Fotografía en Color y Millor Actriz) en a suya 36^ena edición, un Globo d'Oro a la Millor Actriz de Musical u Comedia amás de dos noinacions (Millor Actor de Musical u Comedia y Millor Cinta de Musical u Comedia) en a suya 21^ena edición, un Premio David de Donatello a la Millor Actriz Forana en a suya 9^ena edición y una nominación a los Premios BAFTA (Millor Actriz Forana) en a suya 18^ena edición.

Elenco

Actor	Papel	Notas
	'

Se veiga tamién

• Cine en 1963.
• Cintas de 1963.

Vinclos externos

• (en) Irma la Douce en Internet Movie Database.
• (en) Irma la Douce en Rotten Tomatoes.
• (en) Irma la Douce en l'American Film Institute Catalog de l'American Film Institute.
• (en) Irma la Douce en TCM Movie.

• Datos: Q387370