Instituto Aragonés d'Emplego
| Instituto Aragonés d'Emplego | |||
|---|---|---|---|
.png) | |||
| Información d'o Gubierno | |||
| Creyau | 1999 | ||
| Churisdicción |  Aragón | ||
| Seu | C. Dr. Cerrada, 3, 50005 Zaragoza, Aragón | ||
| Directora | Ana López Férriz | ||
| Departamentos dependient | Departamento d'Emplego, Ciencia y Universidaz | ||
| Localización | |||
| Sitio web | |||
| inaem.aragon.es | |||
L'Instituto Aragonés d'Emplego (en castellano Instituto Aragonés de Empleo, por as suyas sieglas INAEM) ye un organismo autonomo d'a Deputación Cheneral d'Aragón que pende d'o Departamento d'Emplego, Ciencia y Universidaz.
Descripción
[editar | modificar o codigo]Ye o servicio publico d'emplego d'o Gubierno d'Aragón. Tien como obchectivos a intermediación laboral y a execución d'as politicas activas d'emplego.[1] S'establió en l'anyo 1999[2] y recibió as competencias en materia d'emplego de l'INEM l'1 de chulio de 2002[3].
Conta en l'actualidat con 22 oficinas d'emplego, 3 direccions provincials y una cherencia, en as que treballan mas de 500 personas. Amás tien 3 centros de formación en cada provincia.[4]
Funcions y servicios
[editar | modificar o codigo]L'INAEM tien as siguientes funcions d'execución d'a lechislación d'emplego y formación profesional en Aragón:[1]
- As relacionadas con a intermediación d'o mercau laboral, entre as que s'incluye ninviar ofiertas de treballo a os treballadors que son buscando un emplego, a execución relativa a la obligación d'os empresarios de comunicar os contractos laborals, a chestión d'os contractos con as empresas de colocación que actúen exclusivament en Aragón y a realización d'as actividaz relacionadas con as Rez Europeas de Servicios d'Emplego (EURES)
- As relacionadas con a planificación, chestión y control d'as politicas d'emplego, entre ellas a chestión de programas de refirme de l'emplego, a chestión de conciertos, convenios y subvencions con entidaz correspondients, asinas como a chestión de programas en escuelas-taller y tallers d'emplego, a calificación y rechistro administrativo de sociedaz laborals y centros especials d'emplego y amás a promoción y formación en materias relacionadas con cooperativas y sociedaz laborals.
- As relacionadas con a formación profesional ocupacional y contina, como o disenyo y execución de plans y programas de Formación Profesional, chestión d'actividaz formativas pa l'emplego, elaboración d'estudios sobre necesidaz formativas d'os treballadors aragoneses, acreditación de centros y especialidaz formativas, chestión d'iniciativas endrezadas a amillorar a calidat de procesos formativos y coordinación d'o Consello de Formación Profesional.
Referencias
[editar | modificar o codigo]Vinclos externos
[editar | modificar o codigo]- (es) Web oficial
- (es) En a web d'o Departamento d'Emplego, Ciencia y Universidaz
- (es) En Linkedin
- (es) En Instagram