Instant Family

Instant Family
Títol	Instant Family
Ficha tecnica
Dirección	Sean Anders
Dirección artistica	Elliott Glick Alex McCarroll
Producción	Sean Anders Stephen Levinson John Morris Mark Wahlberg Eric Kissack
Disenyo de producción	Clayton Hartley
Guión orichinal	John Morris Sean Anders
Musica	Michael Andrews
Fotografía	Brett Pawlak
Montache	Brad Wilhite
Escenografía	Beauchamp Fontaine
Vestuario	Lisa Lovaas
Maquillache	Howard Berger Jacenda Burkett Jennifer Hodges Aida Scuffle Isabella Scuffle Jordan Venetis Nancy Cummings Gaby Macias Mollie Siegel Hailey Trifiro Melanie Young
Peluquería	Zoey Belton Linda Traxler Johnny Villanueva Lance Aldredge Leay Cangelosi Khanh Trance
Casting	Sheila Jaffe
Actors	Mark Wahlberg Rose Byrne Isabela Merced Gustavo Escobar Julianna Gamiz Octavia Spencer Tig Notaro Margo Martindale Julie Hagerty Michael O'Keefe Tom Segura Allyn Rachel Iliza Shlesinger Valente Rodriguez Charlie McDermott
Color	Color by DeLuxe
Datos y cifras
País(es)	Estaus Unius
Anyo	2018
Estreno	11 de noviembre de 2018 Los Angeles (California, Estaus Unius)
Chenero(s)	Cine de comedia Cine de drama
Durada	118 min.
Idioma(s)	Anglés
Companyías
Productora(s)	Leverage Entertainment Closest to The Hole Productions Two Grown Men Productions
Distribución	Paramount Pictures
Presupuesto	48 millons de dólars
Recauto	121 millons de dólars
Informacions en bases de datos especializadas:

Instant Family (títol orichinal en anglés, en aragonés Familia instantania, estrenada en Aragón con o títol en castellano de Familia al instante, en aragonés Familia a l'instant) ye una cinta de cine estausunidense de cine de comedia dramatica estrenada l'anyo 2018, dirichida por Sean Anders seguntes un guión orichinal de John Morris y Sean Anders, con una banda sonora orichinal de Michael Andrews, una dirección de fotografía de Brett Pawlak y una producción cinematografica de Sean Anders, Stephen Levinson, John Morris, Mark Wahlberg y Eric Kissack. Fan parte de l'elenco d'actors d'a cinta, entre d'atros, Mark Wahlberg, Rose Byrne, Isabela Merced, Gustavo Escobar, Julianna Gamiz, Octavia Spencer, Tig Notaro, Margo Martindale, Julie Hagerty, Michael O'Keefe, Tom Segura, Allyn Rachel, Iliza Shlesinger, Valente Rodriguez y Charlie McDermott.

Pete y Ellie Wagner son una parella que no tien fillos y a qui la suya familia fa burla por ixo, Bel día Pete diz una mica en broma que podrían fer l'adopción d'un nino, pero bien luego ye Ellie qui lo proposa seriosament. Troban un grupo de familias d'acollida dirichiu por dos treballadoras socials, Karen y Sharon, y prencipian cursos d'adaptación ta poder adoptar un nino. En una feria pensada ta que los posibles pais adoptants conoixcan ninos susceptibles d'adopción conoixen a Lizzie, una adolescent latina de 15 anyadas, que lis fa una sobrebuena impresión. Encara que inicialment Ellie ye una mica reticent a adoptar una adolescent, finalment se deciden, pero alavez lix explican Karen y Sharon que la mesacha va acompanyada de dos chirmans mas chicoz, Juan y Lita, toz fillos d'a mesma mai pero de diferents pais. Cuan tienen a primer trobada con os tres ninos, no lis fa masiada buena impresión a Pete y Ellie, dica lo punto de que deciden no acullir-los. Pero cuan en una trobada familiar a suya familia lis diz que siempre heban pensau que l'adopción no marcharía enta debant, tornan entazaga y finalment deciden acullir a los tres ninos. Tanimientres, a convivencia chenera bels problemas, que s'agudizan porque Lizzie siempre piensa en que su mai biolochica, que en ixe inte ye en a garchola, pueda recuperar a suya custodia en salir y desenganchar-se d'a suya drogadicción. A situación se complica mica en mica, pero explota cuan Pete y Ellie descubren que Lizzie ye fendo-se selfies despullada ta ninviar-los a un pseudo novio suyo de 23 anyadas y agreden fisicament a iste, poquez días antes d'a vista en a que lo chuez ha de decidir si concede la custodia a la mai biolochica u a la parella d'acullida.

A cinta s'ambienta en California en a suya epoca actual (2018) y las suyas escenas se filmoron en Atlanta (Cheorchia).

Instant Family ye una cinta que ha recibiu bels premios y nominacions, encara que garra d'éls no fa parte d'os premios cinematograficos mas conoixius u destacaus.

Elenco

Actor	Papel	Notas
	'

Se veiga tamién

• Cine en 2018.
• Cintas de 2018.

Vinclos externos

• (en) Instant Family en Internet Movie Database.
• (en) Instant Family en Rotten Tomatoes.

• Datos: Q50649533
• Multimedia: Instant Family / Q50649533