Racemo
 |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
En Botanica, o racemo (d'o latín <RACĒMUS, "carrazo", por vía culta) u inflorescencia racemosa ye un tipo d'inflorescencia ubierta que se caracteriza porque as flors s'ubren antes en a base, y contino la florada progresa enta l'ápex, por a on que rematan de florir as zagueras tiempo dimpués de que haigan madurau as flors basals. O suyo meristemo apical ye capable de creixer de traza indefinida, tot fendo un eixe floral continuo a partir d'o cual dimanan os meristemos florals laterals.
Ye un tipo a-saber-lo común d'inflorescencia, present en taxons muit diferents de plantas vasculars, dende hierbas dica árbols. Ye a forma mas simple d'inflorescencia ubierta y atros tipos d'inflorescencias ubiertas (espigas, umbelas, amentos, etc.) pueden derivar d'esta. A inflorescencia composada que ye feita de racemos (racemo composau) recibe o nombre de panicula.
