Imperio Antigo d'Echipto
L'Imperio Antigo d'Echipto ye lo periodo d'a historia de l'antigo Echipto comprendiu entre os anyo 2686 y 2181 aC. Este periodo ye integrau per las dinastías III - IV - V - VI. Succede a lo Periodo arcaico y ye succediu por lo Imperio Meyo.
L'Imperio Antigo consolidó lo sistema politico, cultural y relichioso surtiu mientres lo periodo predinastico, con l'aparición d'una monarquía que los suyos rasgos mas notables son la divinización absoluta d'o faraón y un poder politico fuertement centralizau.
Esta epoca ye marcada per la influencia d'o faraón Zoser, qui treslada la capital a Menfis y extiende l'Imperio echipcio dende Nubia en o sud, a lo Sinaí en o este. Encara que mas conoixiu que Zoser estió lo suyo visir Imhotep, lo arquitecto disenyador d'a piramide escalonada de Saqqara, sumo sacerdote de Ptah y divinizau posteriorment per la Dinastía ptolemaica. Tamién las grans piramides de Guiza, erichidas per los faraons Keops, Kefrén y Micerino se datan en este periodo.
Dimpués d'un largo reinau d'o faraón Pepy II, qui morió con 94 anyos, y debant d'a debilidat d'o poder reyal, los nomarcas (gubernadors d'os nomos) se fan fuertes, y convierten los suyos cargos en hereditarios. Alavez Echipto pasó a un periodo historico en o cual se descentralizó fuertement lo sistema politico, estando denominau per los historiadores primer periodo intermedio (2190-2050 a. de C.).
Vinclos externos
[editar | modificar o codigo]
Se veigan as imáchens de Commons sobre Imperio Antigo d'Echipto.
