Ilesia de Sant Francisco d'Asís de Balbastro
Ilesia de Sant Francisco d'Asís | |
---|---|
![]() | |
Situación cheografica | |
Estau | |
País | |
' | |
Situación | ![]() |
Adreza | Pl. San Francisco, 1, 22300 |
Coordenatas | |
Archidiocesi | |
Diocesi | Balbastro-Monzón |
Arcipestrau | Semontano |
Información cheneral | |
Advocación | Sant Francisco d'Asís |
Culto | Catolico |
Orden | |
Rector | |
Vicario parroquial | |
2.º Vicario parroquial | |
Mosen | |
Propietario | |
Administrador | |
Director | |
Coste | {{{coste}}} |
Visitable | |
Altaria | |
Pisos | |
Amplaria | |
Largaria | |
Superficie | |
Diametro | |
Aforo | |
Altaria s.l.m. | |
Atras | |
Alcance | |
Iluminación | |
Potencia | |
Arquitectura | |
Tipo | Ilesia |
Estilo | |
Función | |
Catalogación | |
Materials | |
Construcción | |
Construcción | Sieglo XIII |
Fundador | |
Inicio | |
Fin | |
Inauguración | |
Destrucción | |
Arquitecto | |
Incheniero estructural | |
Incheniero de servicios | |
Incheniero civil | |
Atros | |
Premios | |
Pachina web | |
Localización | |
A ilesia de Sant Francisco d'Asís de Balbastro ye una ilesia perteneixient a la diocesi de Balbastro-Monzón y l'arcipestrau de Semontano y situada en a ciudat de Balbastro, en a comarca d'o Semontano de Balbastro, en a provincia de Uesca (Aragón).
Historia
[editar | modificar o codigo]Os franciscanos s'instalan en Balbastro en o sieglo XIII y d'ista epoca son os alacez d'ista ilesia que feba por ixas envueltas parti d'un conchunto monastico. D'o primitivo monesterio franciscano nomás queda en l'actualidat a estructura d'a ilesia y a planta de l'antigo claustro, que encara ye reconoixible en la vecina plaza de Sant Antonio. As chicotas finestras d'as antigas celdas d'os monches encara se pueden veyer transformadas en l'actualidat en viviendas particulars.
A estructura d'a ilesia medieval y o suyo espacio interior se transformó profundament en dos fases succesivas entre os sieglos XVI y XVII, cubrindo-se alavez con as actuals vueltas de crucería estrelada feitas de ladriello.
Descripción
[editar | modificar o codigo]Se tracta d'un edificio de planta rectangular d'una unica nau. A suya cabecera ye poligonal con siet cantos y un total de nueu capiellas, cinco d'ellas ubiertas a la nau por un costau y a resta arredol d'o presbiterio. A nau, de gran altaria, ye refirmada en l'exterior por ueito contrafuertes granizos, entre os que se troban capiellas. Istos arriban dica a galería d'arquillos de meyo punto rebaixaus que remata os muros en tot o perimetro d'a ilesia.
A nau ye cubierta en o suyo interior por tres vueltas estreladas y un atra pa l'abside poligonal. O coro ye cubierto con una vuelta de canyón liso y sobre él s'ubre un oculo que sirve d'iluminación. Entre as capiellas destaca una situada amán d'a cabecera adedicada a Ceferino Giménez Malla, conoixiu como el Pelé, santo d'orichen chitán fusilau en a Guerra Civil Espanyola y beatificau en 1997 por Chuan-Pavlo II.
A portalada prencipal d'a ilesia se troba situada en o primer trampo d'o suyo costau Sud y ye d'estilo clasicista en ladriello con unas grans escaleretas. S'ubre con un arco de meyo punto sobre o que se pueden veyer tres capilletas, rematando o conchunto en una ampla cornisa volada.
A torre se troba a os piez de l'edificio, ye de planta octogonal y ye feita en ladriello. Formada por tres cuerpos, estando o primero de piedra picada y con planta cuadrada y os dos superiors de ladriello y con planta octogonal. Ye rematada por un chapitel piramidal recubierto de zinc. L'antiga sagristía yera situada en a base d'a torre.
L'acceso a la cripta voltada se fa a traviés d'una escala. Astí se troba un banco que recorre tot o perimetro, trestallau en quince sitials de piedra a on se posaban os cadavres d'os defuntos.
Vinclos externos
[editar | modificar o codigo]Se veigan as imáchens de Commons sobre a ilesia de Sant Francisco d'Asís de Balbastro.
- (es) En a web d'o SIPCA