Veyer o codigo fuent de «Idioma neerlandés»

{{Ficha de luenga
| color = lawngreen
| nombre = Neerlandés
| nombre autoctono = Nederlands
| atras denominacions = Holandés, Flamenco
| país = [[Países Baixos]], [[Antillas Neerlandesas]], [[Aruba]], [[Surinam]], [[Belchica]], [[Francia]] y [[Indonesia]]
| rechión = 
| oficial = [[Imachen:Flag of the Netherlands Antilles.svg|20px|border]] [[Antillas Neerlandesas]]<br />[[Imachen:Flag of Aruba.svg|20px|border]] [[Aruba]]<br />[[Imachen:Flag of Belgium.svg|18px|border]] [[Belchica]]<br />[[Imachen:Flag of the Netherlands.svg|20px|border]] [[Países Baixos]]<br />[[Imachen:Flag of Suriname.svg|20px|border]] [[Surinam]]<br />[[Imachen:Flag of the European Union.svg|20px|border]] [[Unión Europea]]
| fablants = mas de 26 millons
| familia = [[Luengas indoeuropeas|Indoeuropea]]<br />
&nbsp;[[Familia chermanica|Chermanica]]<br />
&nbsp;&nbsp;[[Luengas chermanicas occidentals|Occidental]]<br />
&nbsp;&nbsp;&nbsp;[[Baixo alemán]]<br />
&nbsp;&nbsp;&nbsp;&nbsp;[[Baixo francico]]<br />
&nbsp;&nbsp;&nbsp;&nbsp;&nbsp;'''Neerlandés'''
| regulau = Nederlandse Taalunie
| iso1 = nl
| iso2 = nld/dut
| iso3 = 
| sil  = nld
| mapa = [[Imachen:Map of the Dutch World.svg|frameless|center|upright=1.5]]
| mapa_leyenda = Neerlandés en o mundo
}}
O '''neerlandés'''{{DORTO}} (''Nederlands'') ye una [[Luengas chermanicas occidentals|luenga chermanica occidental]] parlata por bels 22 millons de personas como [[luenga nativa]],<ref name="taalgebied">{{nl}} [http://taalunieversum.org/taalpeil/2005/het_nederlandse_taalgebied.html "Het Nederlandse taalgebied"]. Nederlandse Taalunie. 2005.</ref><ref name="dmfa">{{cita web |url=http://www.minbuza.nl/en/welcome/Netherlands#a7 |títol=About the Netherlands |calendata_acceso=2008-08-23 |obra= |editorial=Dutch Ministry of Foreign Affairs }}</ref> y bels 5 millons de personas como [[segunda luenga]].<ref name="Eurobarometer Languages">{{cita web|títol=Special Eurobarometer 243: Europeans and their Languages (Survey)|editorial=[[Europa (web portal)|Europa]] |autor=[[European Commission]]|anyo=2006|url=http://ec.europa.eu/public_opinion/archives/ebs/ebs_243_en.pdf| format=PDF |calendata_acceso=2007-02-03}}<br />{{cita web|títol=Special Eurobarometer 243: Europeans and their Languages (Executive Summary)|editorial=[[Europa (web portal)|Europa]] |autor=[[European Commission]]|anyo=2006|url=http://ec.europa.eu/public_opinion/archives/ebs/ebs_243_sum_en.pdf|format=PDF|doi=|calendata_acceso=2007-02-03}}<br />"1% d'a población d'a Unión Europea parla prou neerlandés ta mantener una conversa." (pachina 153) Difuera d'a Unión Europea o numero de parlants como segunda luenga d'o neerlandés ye relativament chicot.</ref> A mayoría d'os fablants nativos viven en os [[Países Baixos]], [[Belchica]] y [[Surinam]], con chicotas comunidaz de fablants en partis de [[Francia]], [[Alemanya]] y cuantas antigas [[Imperio Holandés|colonias holandesas]]. Ye muit relacionato con atras [[luengas chermanicas occidentals]] (por eixemplo l'[[idioma anglés|anglés]], o [[idioma frisón|frisón]] y l'[[idioma alemán|alemán]]) y una mica menos relacionato con as [[Luengas chermanicas septentrionals|luengas chermanicas d'o norte]]. En a [[Edat Meya tardana]] bi heba comunidaz d'orichen neerlandés en puertos franceses como [[Roan]], [[Dieppe]] y [[Bordeus]] que a la fin s'asimiloron lingüisticament a los franceses en o [[sieglo XVIII]].

O neerlandés ye una luenga d'a que han naixito cuantos [[luenga criolla|idiomas criollos]], asinas como l'[[afrikaans]], una d'as luengas oficials de [[Sudafrica]] y la mas estendillata en [[Namibia]]. O neerlandés y l'afrikaans son alto u baixo mutuament intelichibles, encara que les deseparan as suyas [[ortografía]]s, os suyos [[diccionario]]s y que amás tienen diferents organismos reguladors. A [[Unión d'a Luenga Neerlandesa]] ye l'organismo que s'encarga de coordinar as accions d'as autoridaz d'os Países Baixos, Flandres y Surinam en cuestions lingüisticas, politicas lingüisticas, amostranza d'a luenga y literatura.<ref>[http://taalunieversum.org/en/ The Nederlandse Taalunie]</ref>

== Nombre ==
[[Imachen:Nld-language.png|thumb|250px|left|Bandera composata por as banderas d'os [[Países Baixos]], [[Flandres]] y [[Surinam]], países de parla neerlandesa]]
O neerlandés ha estato tradicionalment dito "holandés" en aragonés por razón d'a luenga preeminencia economica d'a provincia d'[[Condato d'Holanda|Holanda]] adintro de l'aria neerlandofona (a partir de mitat d'o [[sieglo XVI]]), cosa que tamién pasa con ''Holanda'' (emplegato en cuentas de [[Países Baixos]]). Manimenos, tanto a ran oficial como por parti d'os propios neerlandofonos, "holandés" (''Hollands'') no ye a palabra mas emplegata por un regular, ya que nomás corresponde a un dialecto concreto d'o neerlandés global. A palabra holandés deriva de ''Holtland'' (que posteriorment se simplificó a Holland) "Tierra de fusta", nombre que s'aplicó a la comarca de [[Leiden]].

Como en o caso de l'[[idioma alemán|alemán]] o nombre d'iste idioma no ha estato fixo a traviés d'os sieglos ni ye homochenio entre as atras luengas (''Nederlandsk'' en noruego y atras luengas chermanicas, ''Dutch'' en anglés, ''holandés'' entre a mayoría de luengas romanicas, ''flamenco'' en as arias d'o sud de l'aria neerlandofona).

O termin neerlandés apareixió por primera vegata en [[1482]] en un [[incunable]] de [[Gouda]], pero no s'imposó dica o [[sieglo XIX]]. D'antis mas, a luenga yera conoixita como "''theodiscus''", una palabra latina que serviba ta decir a cualsiquier luenga u dialecto [[luengas chermanicas|chermanico]] y que quiere decir "vernaclo", "d'a chent" (por oposición a lo latín u a lo francés). Localment, ista palabra se convertió en "''dietsch''" u "''duutsch''". Iste termin (con variacions) estió tamién preso en tota l'aria de parla alemana, y pervive en o suyo nombre actual ''Deutsch''. Manimenos, ta poder distingir a luenga parlata a lo norte d'a parlata a lo sud, se prencipia a introducir "''neder''" ("baixo") debant, de traza que primero apareixió "''Nederduytsch''" (baixo alemán) y, dimpués, "''Nederlandsch''" (literalment: "d'as tierras baixas"), que, en zaguerías, con posteriors simplificacions ortograficas se convirtió en l'actual ''Nederlands''.

Manimenos, iste cambio no se produció por eixemplo en l'anglés, a on que "Dutch" significó mientres sieglos tanto alemán como neerlandés, imposando-se en zaguerías iste zaguer significato. Quedan reminiscencias d'o primero en o "''[[Pennsylvania Dutch]]''" (un dialecto de l'alto alemán parlato en os Estaus Unius).

Hue en día, en neerlandés, "''duits''" significa "alemán", "''diets''" fa referencia a lo neerlandés antigo, "''hollands''" a lo dialecto d'Holanda y "''vlaams''" (flamenco) a los dialectos (standardizatos u no) que se parlan u bien en a zona neerlandofona de Belchica u bien nomás en as correspondients a l'antigo ducau de Flandres.

== Vocabulario ==
A base lexical d'o neerlandés ye a común a la mayor parti d'as luengas chermanicas. Asinas, bi ha termins tan comuns como '''stoel''' ("[[siella]]"; prenunciato /stul/), '''boek''' ("[[libro]]"; pron. /buk/) u '''werpen''' ("chitar"; pron. /{{IPA|wɛRpə}}/). Ye a la hora de distingir entre as palabras mas tradicionalment chermanicas cuan apareixen diferencias, por eixemplo entre as diferents luengas chermanicas occidentals:

{|class="wikitable" border="1"
!aragonés!!neerlandés!!anglés!!alemán!!observacions
|-
| ''minchar''<br />''[[gato]]''<br />''[[carrera]]''|| e'''t'''en<br />ka'''t'''<br />straa'''t''' || ea'''t'''<br />ca'''t'''<br />stree'''t''' || e'''ss'''en<br />Ka'''tz'''e<br />Stra'''ß'''e || O neerlandés y l'anglés han mantenito a t chermanica, l'alemán l'ha cambiato por t→s/z/tz ([[segunda mutación consonantica]]).
|-
| ''[[mazana]]''<br />''pipa''<br />''barco'' || a'''pp'''el<br />'''p'''ij'''p'''<br />schi'''p''' || a'''pp'''le<br />'''p'''i'''p'''e<br />shi'''p''' || A'''pf'''el<br />'''Pf'''ei'''f'''e<br />Schi'''ff''' || O neerlandés y l'anglés han mantenito a p chermanica, que l'alemán ha cambiato por p→f/pf (segunda mutación consonantica).
|-
| ''pensar''<br />''[[chermano]]''<br />''[[espina]]''|| '''d'''enken<br />broe'''d'''er<br />'''d'''oorn || '''th'''ink<br />bro'''th'''er<br />'''th'''orn|| '''d'''enken<br />Bru'''d'''er<br />'''D'''orn || O neerlandés, como l'alemán, ha cambiato a þ chermanica (mantenita por l'anglés) por una d.
|-
|''ayere''<br />''[[filo]]''<br />''día''|| '''g'''isteren<br />'''g'''aren<br />da'''g''' || '''y'''esterday<br />'''y'''arn<br />da'''y''' || '''g'''estern<br />'''G'''arn<br />Ta'''g''' || O neerlandés ha cambiato a g chermanica por un sonito africato {{IPA|x}}; mientres que l'anglés l'ha cambiato encara mas: g→y ([[lei nasal ingvaeonica]]).
|}

A vegatas existen en neerlandés dos posibilidaz ta decir un concepto, l'una mas amanata a l'habitual anglés y l'atra a l'alemán. Asinas, encara que por un regular ''werk'' y ''werken'' (analogos a l'anglés "work") sían as palabras emplegatas ta decir "[[faina]]" y "treballar", existe tamién ''arbeider'' ("treballador"), que ye una palabra mas amanata a l'alemán u as luengas escandinavas. D'a mesma traza, ta decir "rueda" se puet decir tanto ''rad'' (alemán "Rad") como ''wiel'' (anglés "wheel").

Os primers contactos entre [[bascos|basco]]-[[castellanos]] y [[flamenco]]s permitioron a entrada en neerlandés d'os primers castellanismos, documentaus en o [[sieglo XV]]: ''[[realgar]]'', ''[[tonalidat|tint]]'', ''[[remo|riem]]'', ''[[bomba hidraulica|pomp]]'' y ''[[cargador|cargadoor]]''.<ref name=NEERLANDISMOSCASTELLAN>{{es}} [[Francisco Sánchez Romero]]: ''La influencia de los terminos neerlandeses en la lengua española''. Publicau en ''Transferencias culturales, literarias y lingüísticas en el ámbito de la Unión Europea''. [[Universidat de Sevilla]], 2006.</ref> A existencia d'os [[Países Baixos espanyols]] en os sieglos [[sieglo XVI|XVI]] y [[sieglo XVII|XVII]] permitió a entrada de nuevos castellanismos. Bi habió muitos neerlandofonos que aprendioron a parlar castellano en ixos sieglos.

Como cuasi totas as luengas d'Europa, o neerlandés tien una parti muit important d'o vocabulario cientifico provenient d'o [[Griego antigo|griego]] u o [[idioma latín|latín]]. Manimenos, en bellas brancas o neerlandés disposa d'un vocabulario propio. Asinas por eixemplo o cientifico [[Simon Stevin]] introdució palabras como ''driehoek'' ([[trianglo]]), ''loodrecht'' (perpendicular) u ''evenwijdig'' (paralelo) a las ''wiskunde'' (matematicas). En a gramatica, o neerlandés adoptó palabras particulars ta (entre atras) decir un subchecto (''onderwerp''), un obchecto directo (''lijdend voorwerp'') u un verbo (''werkwoord'', literalment "palabra de treballo").

== Gramatica ==
A gramatica d'o neerlandés ye parellana a la d'atras luengas chermanicas, si bien presenta menos simplificacions que l'anglés u o danés pero mas que l'alemán u o islandés. En Flandres, se gosa estar mas conservador lingüísticament, conservando-se-ie esprisions y declinacions que son vistas como arcaicas en os Países Baixos.

Os tradicionals posibles tres cheneros d'o substantivo (masculín, femenín y neutro) han estato redueitos a dos (común y [[chenero neutro|neutro]]), distingibles por l'articlo singular determinato que les acompanya: ''de'' u ''het'' respectivament. Iste [[fenomeno lingüistico|fenomeno]] se da tamién en atras luengas chermanicas como por eixemplo o [[idioma danés|danés]] y o [[idioma sueco|sueco]]. As declinacions por caso han desapareixito d'a mayoría de nombres, y nomás en queda reminiscencias en palabras especials. D'atra man, se mantienen en os pronombres personals.

{|{{tablapolida}}
|'''een berg''' ''(un mont)''||'''de berg''' ''(o [[mont]])''||'''bergen''' ''(uns monts)''||'''de bergen''' ''(os monts)''
|-
|'''een huis''' ''(una casa)''||'''het huis''' ''(a casa)''||'''huizen''' ''(unas casas)''||'''de huizen''' ''(as casas)''
|}

Os adchectivos tampoco no presentan guaire flexión. Si apareixen dimpués de verbos copulativos no tienen garra morfema (Eixemplo: "Het water is koud" - "''L'augua ye freda''"). D'atra man, cuan fan de complementos de nombre, rematan por un regular con ''-e'' (Eixemplo: "Het koude water" - "''L'augua freda''"). Nomás en o singular indeterminato de palabras neutras desapareixe iste morfema (por eixemplo, "Een groot huis" - "''Una casa gran''" contra "Het grot'''e''' huis" - "''A casa gran''").

Os verbos presentan bella inflexión. En present, afecta nomás a las persones d'o singular. Existen dos formas basicas de pasato, o ''perfectum'' y o ''imperfectum''. O primero se forma a partir d'a radiz d'o verbo mientres que o segundo amenista d'un auxiliar (hebben -tener- u zijn -ser/estar-) debant d'o participio. Como en alemán, o participio tien l'afixo ''ge-'' debant (por un regular). O futuro s'esprisa por meyo de verbos auxiliars (''zullen'', ''gaan'') u bien anyadindo bel complemento circumstancial a una frase en present. Por eixemplo:<br />
:''Morgen reis ik naar Parijs.'' ("Maitín viacho ta París.")

L'orden predominant en as frases en neerlandés ye o SVO, encara que bi ha inversión de subchecto y verbo cuan a frase prencipia con un [[complemento circumstancial]]. Una atra caracteristica d'o neerlandés ye a capacidat (como atras luengas chermanicas) de construir palabras bien luengas a base d'aglutinar-ne muitas de curtas. Asinas por eixemplo:<br />
:''Afvalwaterzuiveringsinstallatie'' ("Planta de tractamiento d'auguas residuals")

L'uso d'o diminutivo ''-je'' ye prou estendillato en o neerlandés, y s'usa en situacions a on a mayoría de parlants d'atras luengas indoeuropeas no lo trobarían normal. Tot nombre ye susceptible de fer servir o diminutivo adibindo-ie o sufixo en cuestión, que torna toda palabra (independienment d'o chenero que tenese previament) en neutra. Por eixemplo:
:''Zij schrijft een brief'''je''' voor haar vriend'''je''' terwijl zij een kop'''je''' koffie drinkt.'' (Ella escribe una cart'''eta''' ta o suyo moc'''et''' mientres bebe una tac'''eta''' de café.)

Este diminutivo neerlandés se troba en [[neerlandismos en francés|neerlandismo]]s ampraus por o francés como ''bouquin'', ''mannequin'' y ''vilebrequin'', pasando este zaguero a l'aragonés como ''[[villabarquín]]''.

== Referencias ==
{{listaref|2}}

== Se veiga tamién ==
*[[Neerlandismos en francés]].

{{InterWiki|nl|neerlandés}}
{{Luengas oficials d'a UE}}
{{Familia chermanica}}

{{Control d'autoridaz}}

[[Categoría:Idioma neerlandés|*]]