Ibn Quzmán

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Muhammad ibn Abd al-Malik ibn Quzman
Información personal
Calendata de naixencia enta 1078
Puesto de naixencia Cordoba (Taifa de Cordoba)
Calendata de muerte 1160
Puesto de muerte Cordoba (Imperio almurabit)
Ocupación poeta
Obras Diwan (Cancionero)

Muhammad ibn Abd al-Malik ibn Quzmán (en arabe, محمد بن عبد الملك بن قزمان), más conoixiu simplament como Ibn Quzmán u Ibn Quzmán (ابن قزمان) y, por hispanización, Abén u Abán Quzmán, estió un famoso poeta andalusí, naixiu de Cordoba (Taifa de Cordoba) enta l'anyo 1078 y muerto en a mesma ciudat en 1160.
Conoixiu por os suyos peculiars zachals escritos en arabe andalusí.[1][2]

O esencial d'a suya obra se conserva en un unico codice, que fue discubierto en Sant Petersburgo en zagueras d'o sieglo XIX: o Cancionero u Diwan (antolochía poetica). Ista ye una obra orichinal tanto por a suya forma, o zachal, escrito en dialecto local, como por a suya tematica, en os quals a sobén reinterpreta somardament topicos d'a poesía arabe clasica. Cal decir que Ibn Quzmán conoixeba bien a poesía arabe clasica d'autors celebres como Abu Tammam, Al-Mutanabbi, Du r-Rumma, etc.

O Diwan[editar | modificar o codigo]

Se piensa que Ibn Quzmán estió o primer gran escritor que emplegó lo zachal, inventau por o zaragozano Avempace, y li dió forma definitiva, escoscando-lo d'as imperfeccions que teneba. O suyo Diwan u Cancionero contiene 149 zachals. Adedicó buena parte de zachals a describir as suyas relacions con mesaches chóvens, as fiestas a que gosaba ir-ie u los balles y instrumentos musicals i emplegaus. Tamién fabla d'él mesmo y fa, como atros poetas, un elochio d'as personas que lo protechen.

Referencias[editar | modificar o codigo]

  1. (en) Josef W. Meri: Medieval Islamic Civilization: An Encyclopedia, Routledge, 2005, p.365
  2. Gorton, T.J., "The Metre of IbnQuzman: a "Classical"Approach", Journal of Arabic Literature, 6 (1975), pp. 1-29